छाम्‍माय़ङ 18:10 - बान्‍तावा राई

¹⁰ देकिनालो अ़ङ्‌का खानाएदा याक्‍ङाङा, खोन्‍कि साङ्‌आछाङ खाना ऩझोम्‌कि देत्‍छाङ मुमा ऩऱनान, देकिनालो ओ सहरादा ब़द्‍धे अ़ङ्‌म़नाचि म़युङ्‌याङ।”

छाम्‍माय़ङ 18:10 ပူးပေါင်းရင်းမြစ်များ

मत्‍ति 1:23

“खानुम, अ़क्‍छा वारिसा मेत्‍छाछा बुक खुन्‍कि मोसाआ अ़क्‍छा दुवाछा-छा तोक्‍तु, खोन्‍कि खोक्‍कोसोओ अ़चुऩङ इम्‍मानुएल पाक्‍तु।” ओसोओ अ़तुप्‌य़ङ, “निनाम्‍हाङ आन्‍कान्‌एनान म़युङ्‌याङ।”

मत्‍ति 10:30

आम्‍नुओ ताङ्‌दुओ ताङ्‌मुवाछाङ निनाम्‍हाङ्‌आ झारा अ़खिप्‍तायुङ्‌सा।

मत्‍ति 28:20

अ़ङ्‌का खानानिन लोनानिन्‌ओ झारा य़ङ्‌चि मोचि मुमा चिन्‍तानुम्‍च़म। खानुम, अ़ङ्‌का जुगाओ आदेङ्‌तारि अ़धुन खानानिन्‌एनान युङ्‌ङायुङ्‌ङा।”

लुका 21:18

मेन आम्‍नुओ ताङ्‌दुओ अ़क्‌य़ ताङ्‌मुवाछाङ अ़मानिन्‍खात्‍निन।

युहन्‍ना 10:16

अ़ङ्‌को नि अ़ङ्‌भेराचि म़युङ्‌याङ। मोचि ओ रुहुप्‌दाओचि माआङ। मोचिछाङ अ़ङ्‌का तात्‍माचिदोत। मोचिआ अ़ङ्‌य़ङ अ़एन, खोन्‍कि मोचि अ़क रुहुप्‌ओ म़लि, खोन्‍कि मोचिओ निम्‍पाङ अ़क्‍छाङा अ़चुकाखाङ्‌पा लि।

युहन्‍ना 11:52

येसु यहुदिचिओ निम्‍पाङ ओन्‍ङा स़मादोत्‌ओ माआङ मेन फात्‍ताफेला म़लिसाओ निनाम्‍हाङ्‌ओ अ़चुछाचि अ़क्‍नि मुमाचिओ निम्‍पाङ्‌छाङ स़मादोत्‌ओ।

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 15:18

निनाम्‍हाङ्‌आ ब़द्‍धे बुयाङा ओ य़ङ्‌चि खाअ़लुसायुङ्‌सा।’

छाम्‍माय़ङ 18:11

खोन्‍किना पावल निनाम्‍हाङ्‌ओ अ़चुय़ङ चिन्‌याङ्‌सा अ़क दोङ खोन्‍कि छकादोङ्‌वात्‌तारि मोचिएनान कोरिन्‍थ सहरादा युङा।

छाम्‍माय़ङ 18:9

खोन्‍कि अ़क खाखुत सेन्‍चिदा हाङ्‌पाआ पावल अ़लोवा, “मान्‍क़दा! मेन नुय़ङ्‌खान म़नाचि खाएत्‍तुयुङ्‌सुचि, खोन्‍कि वाइवेत मान्‌युङ्‌दा।

रोमि 8:31

खोन्‍नालो आन्‍कान दे य़ङिन? निनाम्‍हाङ आन्‍लिप्‍पादा म़युङ्‌याङ्‌नालो आन्‍देङ्‌सालाप्‍पादा साङ युङ्‌याङ कि?

२ कोरिन्‍थि 12:9

मेन खोक्‍कोसाआ अ़ङ्‌का ऩलोवाङ, “अ़ङ्‌सोम्‍तुक्‍मा आम्‍को निम्‍पाङ च़लोक युङ्‌याङ, देकिनालो खाना मान्‍ऱकादा त़मुयाङ्‌हिदा म़नाचिआ अ़ङ्‌सावा नुलोक अ़खाङ।” खोन्‌ओसा ख्रिस्‍तओ अ़चुसावा अ़ङ्‌काएदा याक्‍ने निकिना अ़ङ्‌का अ़ङ्‌मान्‍ऱदामादा अ़न्‍नुनु अ़ङ्‌ऩङानुयाङ्‌सा तोक्‍पो लिङा।

२ तिमोथि 4:17

मेन झारा निरावाचिआ नुय़ङ्‌खान एन्‍मा अ़ऱने निकिना हाङ्‌पा अ़ङ्‌काएनान म़युङा, खोन्‍कि अ़ङ्‌का सावा ऩपुवाङ। मोवात्‍नि खोक्‍कोसाआ अ़ङ्‌का धिनाराओ अ़दोदाङ्‌का अ़लेइसाङ।

२ तिमोथि 4:22

हाङ्‌पा आम्‍लावाएनान म़युङ्‌ने। खानानिन झाराएदा निनाम्‍हाङ्‌ओ अ़चुसोमातुक्‍मा युङ्‌ने।