छाम्‍माय़ङ 17:3 - बान्‍तावा राई

³ खोसाआ साम्‍कालिन्‌दाङ्‌का खाएत्‌याङ्‌सा खोन्‍कि सालुम्‍स़ङ प़याङ्‌सा मोचि लोचि, “ख्रिस्‍तआ दुखा आङ्‌मा खोन्‍कि म़सुवादाओदाङ्‌का खोन्‍मालोन्‍मादोरा। ओक्‍को येसुओ अ़चुतुक्‌वादा अ़ङ्‌का खानानिन खाएत्‍नाङ्‌नानिन, खोक्‍कोङा ख्रिस्‍त ओ।”

छाम्‍माय़ङ 17:3 ပူးပေါင်းရင်းမြစ်များ

लुका 24:32

मोचि अ़क्‍छा निएदा सेन्‍कासेन मुवाचि, “खोक्‍को आन्‍काचिएनान लाम्‌दा म़हान्‍ताङाहिदा खोन्‍कि आन्‍काचि साम्‍कालिन अ़फोङ्‌सा पुवाङाचिहिदा दि आन्‍चुओ साकोङ्‌वा हाक्‍हाक्‍हाक्‌वा मान्‍लि कि?”

लुका 24:44

खोक्‍कोसाआ मोचि म़लोचि, “खानानिन्‌एनान युङाङ्‌याङ्‌हिदा अ़ङ्‌का चेवाङ्‍ओ य़ङ्‌चि ओचिङा ओ: मोसाओ अ़य़ङ्‌हुप, निनाम्‍हाङ्‌य़ङ खाकालुचिओ छाप्‍लाखा खोन्‍कि साम्‍ऱङ्‌भुङ्‍ओ छाप्‍लाखादा छाप्‍ताओ अ़ङ्‌तुक्‌वादाओ झारा य़ङ्‌चि तामालामाङादोत।”

युहन्‍ना 20:9

मोचिआ खोक्‍को खोन्‍मालोन्‍मादोत्‌निओ साम्‍कालिन्‌दाओ य़ङ मोन्‍ग़रितारि मान्‍सिन्‌अ़युक्‍ताचु।

छाम्‍माय़ङ 1:4

अ़क्‍दु येसु अ़चुछाम्‍माय़ङ्‌चिएनान चा-चासि म़युङाहिदा खोक्‍कोसाआ खोचि म़लोचि, “खानानिन यरुसलेम मान्‍छित्‌दादानुम, मेन अ़ङ्‌पापा निनाम्‍हाङ्‌आ य़सुङ निकिना ऩहिप्‍तिन्‌ओ सेङ्‌लावा ओदाङा हुङानुम। मो य़ङ्‍ओ अ़तुक्‌वादा अ़ङ्‌का खानानिन बुयाङा लोनाचिन्‍नानिन्‌ओ।

छाम्‍माय़ङ 18:28

देकिनालो खोसाआ साम्‍कालिन्‌दाओ य़ङ मोचि खाएत्‌याङ्‌सा, “खानानिन्‌आ त़हुङुम्‌योम्‌ओ येसुङा ख्रिस्‍तओ”नि लोयाङ्‌सा सावाएनान झारा म़नाचिओ अ़चुबुदा यहुदिचिओ अ़चुदो ह़सुप़चि।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 3:18

मेन ख्रिस्‍तआ दुखा आङ्‌मादोत निकिना निनाम्‍हाङ्‌आ ब़द्‍धे बुया झारा निनाम्‍हाङ्‌य़ङ खाकालुचिलाम्‍पा म़चेवाओ य़ङ खोक्‍कोसाआ अ़तासाला।

छाम्‍माय़ङ 9:22

मेन सावल्‌ओ अ़खालुमा च़लोक सावापोरि लियाङ्‌साखारा, खोन्‍कि “येसुङा ख्रिस्‍त ओ” निकिना सालुम्‍स़ङ प़चिकि दमस्‍कस्‌दा कायुङ यहुदिचि दोम्‍पुवाचिचि मुचि।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।