छाम्‍माय़ङ 17:18 - बान्‍तावा राई

¹⁸ खो देम्‌कापाङ इपिक्‌युरि खोन्‍कि स्‍तोइकि तायाहाङ्‌पाचिएनान्‌छाङ दुम्‍तुसा। खोसाआ मोचि येसु म़खोन्‍तालोन्‍ताओसो अ़तुक्‌वादा खाएत्‍तुचिओसा “ओ याचेक्‌वा दे य़ङ्‌याङ?”नि अ़लोवा। निचि म़य़ङा, “खोसाआ नि म़नाचिओ अ़चुमाङ्‌चिओ अ़तुक्‌वादा आन्‍कान खाम़एत्‌याङ।”

छाम्‍माय़ङ 17:18 ပူးပေါင်းရင်းမြစ်များ

मर्कुस 9:14

खोचि नि काखेङ्‌चिएदा म़लासाताहिदा खोचिआ अ़धिवाङ म़ना मुक्‍लाचि अ़चुऱङ्‌कोप्‍नि म़खाचि, खोन्‍कि य़ङ्‌हुप काचिन्‍पाचि खोचिएनान दुम म़छ़राङा।

लुका 11:53

येसु मोदाङ्‌का म़खाराचिआ। मो लेन्‌दाङ्‌का ह्‍यात्‍नि मोसाओ अ़य़ङ्‌हुप काचिन्‍पाचिकिना फरिसिचिओ ब़द्‍धे अ़चुमाइसुङ्‌कारा, खोन्‍कि ब़द्‍धेसोओ अ़तुक्‌वादा येसु चाअ़त्‍लो सेन्‍मा अ़पुङ्‌सा।

छाम्‍माय़ङ 26:23

कालेन्‍पा हाङ्‌पा ख्रिस्‍तआ दुखा आङ्‌माकि स़मादोत, खोक्‍को म़सुवादाओ म़नादाङ्‌का कालाखोन्‍लोन झारादाङ्‌का बुदाओ म़लि, खोन्‍कि खोक्‍कोसा यहुदि अ़चुम़नाचि खोन्‍कि निरावाचिएदा निनाम्‍हाङ्‌ओ अ़चुय़ङ खाअ़लु।”

छाम्‍माय़ङ 4:2

मो म़नाचिओ चाअ़त्‍लो अ़चुमाइसुङ कारा, देकिनालो मो ह़वाङ्‌सा देत्‍नि येसु म़सुवादाओदाङ्‌का अ़खोन्‍तालोइसा खोवात्‍निङा निनाम्‍हाङ्‌आ झारा म़स़दाओ म़नाचि म़लासुखोन्‍तुलोइसुचि निकिना अ़चिन्‍ताङाचुचिन, खोन्‍कि खाअ़एत्‍ताङाचुचिन।

छाम्‍माय़ङ 5:42

खोन्‍कि मोचि अ़लेन्‍खिन्‍तुम निनाम्‍हाङ ब़क्‍खाखिम्‌दा खोन्‍कि म़नाचिओ अ़चुखिम-खिम्‌चिदा म़खाराकि येसुङा ख्रिस्‍त ओ निकिना चिन्‍मा खोन्‍कि नुय़ङ्‌खान खालुमा मान्‍छित्‌अ़दा।

छाम्‍माय़ङ 6:9

मेन अ़क लेन कुरेनि, अलेक्‍जेन्‍द्रिया, किलिकिया खोन्‍कि एसियादाओ यहुदिचिओ अ़चुयावायोक्‍खिम्‌दाओ खा-खाक्‍को लेत्‍माय़ङ यहुदि रुहुप्‌नि म़लोङुचिओचि म़ताकि स्‍तिफनस्‌एनान दुम्‍तुमा अ़पुङ्‌सा।

रोमि 1:22

मोचि “खारु तोक्‍ङाङा”नि म़य़ङानुछाङ, मोचि खामान्‍सिन म़लिसा।

१ कोरिन्‍थि 3:18

साङ्‌छाङ आप्‍पि अ़धान्‍नान्‍चिमिन्‍ने। आम्‍नुओ रादा साङ्‌आ आप्‍पि ओ जुगादाओ ताया कातोक्‌नि मित्‍नान्‍चिन्‌नालो मो खामान्‍सिन लिने, खोवात्‍निओसा खो ताया कातोक लिमा ऱ।

१ कोरिन्‍थि 4:10

ख्रिस्‍तओ निम्‍पाङ आन्‍कान्‍का खामान्‍सिन मुन्‌येन्‍का, मेन खानानिन ना ख्रिस्‍तएदा खारु कातोक त़मुन्‌येन। आन्‍कान्‍का मान्‍ऱकादा मुन्‌येन्‍का, मेन खानानिन त़छोसिन्‌येन। खानानिन साऩङ्‌वा ऩमेत्‍तिन, मेन आन्‍कान्‍का ऩसुङ्‌तिन्‍का।

कलस्‍सि 2:8

चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।