छाम्‍माय़ङ 16:26 - बान्‍तावा राई

²⁶ खोन्‍कि म़प्‍च़क़क्‌दा अ़धिवा लुत्‍लि खाराकिना छेक्‍खाखिम्‌ओ अ़छ़ङ्‌चि म़ङाङ्‌सा। मोन्‍ग़रिङा झारा लाप्‍तिखोप्‌चि म़होरा, खोन्‍कि झारा म़छेक्‍ताङाओ म़नाचिओ अ़चुछुम्‍खाचि म़फोङ्‌साखारा।

छाम्‍माय़ङ 16:26 ပူးပေါင်းရင်းမြစ်များ

मत्‍ति 28:2

मोदा अ़धिवो लुत्‍लि खारा! देकिनालो निनाम्‍हाङ्‌ओ अ़क्‍छा अ़चुकाफा निनाम्‍मादुङ्‌का धाकि लुङ्‌ताक ह्‍यात्‍नि ध़सुखाइसुकि मो दुङ्‌दा युङा।

छाम्‍माय़ङ 12:10

खोचिआ बुयाओ खोन्‍कि मोसोओ अ़देङ्‌दाओ छेक्‍खाखिम काहुङ रात्‍खामिचि अ़क़प्‍तालोत्‍ताचुचिकि सहरादा वाङ्‌खा काकाराओ वाङ्‌खा लाम्‌दा तालाचिहिदा मो वाङ्‌खा लाम आप्‍पि होरा। खोन्‍कि खोचि मो लाम लोन्‍ताचिकि अ़क्‌तात अ़चुप्‍पो लाम लियाङ्‌सा खाराचि। खोन्‍कि म़प्‍च़क़क्‌दा निनाम्‍हाङ काफाआ पत्रुस छिरुदो।

छाम्‍माय़ङ 12:7

म़प्‍च़क़क्‌दा अ़क्‍छा निनाम्‍हाङ काफा मोदा खाङ्‌मुसान्‍चिन, खोन्‍कि मो युङ्‌खाखोप्‌दा छेङ्‌छेङ्‌छेङ्‌वा लिसा। निनाम्‍हाङ काफाआ पत्रुस्‌ओ अ़हेबेक्‌दा धात्‍तुकि थिन्‍तुलोइसुकि, “च़क्‍नि पुवालोन्‍ता!”नि लो। खोन्‍कि चोक्‍माय़चि खोसोओ अ़छुक्‌चिदाङ्‌का म़फ़न्‍ताधा।

छाम्‍माय़ङ 4:31

याम़माराचिआकिना मोचि म़कोवान्‍चिन्‌ओदा ङाङ्‌सा, खोन्‍कि मोचि झारा सेङ्‌लावाआ भेप्‍तुचिकि मोचिआ निनाम्‍हाङ्‌ओ अ़चुय़ङ राक्‌एनान खाअ़लुसा।

छाम्‍माय़ङ 5:19

मेन मो अ़खाखुत हाङ्‌पाओ अ़क्‍छा निनाम्‍हाङ काफाआ छेक्‍खाखिम्‌ओ लाप्‍तिखोप्‌चि होत्‍तुप़चि, खोन्‍कि मोचि बुङ्‌खाया लोइसुचि। खोन्‍किना खोसाआ मोचि लोचि,

खाङ्‌मुमा 11:13

मोन्‍ग़रिङा अ़धिवाङ लुत्‍लि खारा, खोन्‍कि सहराओ दस्‌कालोक्‌ओ अ़क लोक लुक्‍ता, खोन्‍कि लुत्‍लिदा सात्‌हजारा म़नाचि म़सुवा। म़हेनाओ म़नाचिओ अ़चुक़माकाराकि निनाम्‍मादुओ निनाम्‍हाङ अ़लोङ्‌सा।

खाङ्‌मुमा 6:12

खाउग़रि खोसाआ छकातात्‌ओ सेप्‍खा फोङ्‌सु, मोन्‍ग़रि अ़ङ्‌का अ़धिवा लुत्‍लि खाराओ खाङ। नाम माक्‍ताङाओ फुसुवारुक्‍रुक्‌ओ तित्‌वा लिसा, खोन्‍कि लादिप्‍मा झारा हालापाक्‍पाक्‌ओ ह़वा लिसा।