छाम्‍माय़ङ 16:22 - बान्‍तावा राई

²² खोन्‍कि म़ना मुक्‍लाचि म़तोङाकि पावल खोन्‍कि सिलास म़झोम्‍तुचि। सहरादाओ हाङ्‌काचि कामुचिआ मोचि अ़चुकालाङ्‌द़क मुम़मेत्‍तुचिकि य़हुप पाक्‍म़मेत्‍तुचि।

छाम्‍माय़ङ 16:22 ပူးပေါင်းရင်းမြစ်များ

मत्‍ति 10:17

मेन म़नाचिदाङ्‌का खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा खानानिन य़हुप ऩपाक्‍तिन।

मत्‍ति 27:26

खोन्‍किना खोसाआ मोचि बारब्‍बा लेत्‍तुप़चि, मेन येसु य़हुप पाक्‍मेत्‍तुचि, खोन्‍कि क्रुस्‌दा ख़न्‍मासेत्‍मा प़लाउचि।

लुका 12:11

मोचिआ खानानिन यावायोक्‍खिम्‌चि, हाङ्‌काचि कामुचि खोन्‍कि पाङ कातोक्‌चिओ अ़चुबुदा ऩतारिन्‍लान, मोन्‍ग़रि खानानिन देत्‍नि रात्‍मान्‍चिन खोन्‍कि दि य़ङ्‌लामा माङ्‌नालो देत्‍नि चेप्‍मा निकिना मिन्‍राक मान्‍मुदानिन,

छाम्‍माय़ङ 16:37

मेन पावल्‌आ मो रात्‍खामिचि लोचि, “आन्‍काच्‍या रोमि ताङ्‌युङ्‌नुछाङ खोचिआ छ़ङ मान्‍छेन्‍प़माङ म़नाचिओ अ़चुबुदा आन्‍काच्‍या ऩधात्‍ताच्‍या, खोन्‍कि छेक्‍खाखिम्‌दा आन्‍काच्‍या ऩछेक्‍ताचिया। खोन्‍कि ओन्‍ग़रि दि आन्‍काचिया वाइवेत लोन्‍मा ऩलाप्‍चिङ्‌च्‍या? ओवात्‍नि अ़नुनिन! हाङ्‌काचि कामुचिङा म़ताने खोन्‍कि आन्‍काच्‍या ऩलोन्‍चियाने।”

छाम्‍माय़ङ 17:5

मेन यहुदिचि ऩङ्‌च़ म़मुवा, खोन्‌ओसा हाताचिदाओ नामान्‍ल़क म़नाचि म़बुत्‍तुचिकिना रुहुप म़मुचि खोन्‍कि सहरादा अ़धिवाङ काचेङ्‌वा मुम़मेत्‍तुचि। मोचिआ पावल खोन्‍कि सिलास म़ना मुक्‍लाचिएदा लाम्‍माकि सात्‍मातात्‍माचि निकिना यासोन्‌ओ अ़खिम्‌दा म़झोम्‍तुचि।

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

छाम्‍माय़ङ 5:40

मोचिआ छाम्‍माय़ङ्‌चि धियायोक्‍खाहुत्‌दा म़बुत्‍तुचिकि य़हुप पाक्‍म़मेत्‍तुचि, खोन्‍किना “येसुओ अ़तुक्‌वादा म़नाचि खामान्‌एत्‌दानुम्‍च़म!”नि म़लोचिकि मोचि म़लेरुखाइसुचि।

२ कोरिन्‍थि 6:5

आन्‍कान्‍का धात्‍खावाचिदा, छेक्‍खावाचिदा, ङेन्‍चिदा, चात्‍लो काचि मुमाचिदा, मान्‌इम्‍माङ युङ्‌मादा, सास़मादा युङिन्‍का।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

हिब्रु 11:36

खा-खाक्‍कोचि म़सुङ्‌तुचि, य़हुप म़पाक्‍तुचिकि म़छ़सुचि खोन्‍कि छेक्‍खादा म़छेक्‍तुचि।

१ पत्रुस 2:24

हेवाओ अ़सावा आन्‍कान्‌एदा दित्‍छाङ अ़युङ्‌निन्‍ने, खोन्‍कि साम्‌योक्‍मिओ निम्‍पाङ ह़ङिन्‍ने निकिना क्रुस्‌दा खोक्‍कोसाआ आप्‍पि आन्‍हेवा अ़खुया। खोक्‍कोसोओ अ़चुखेन्‍चिलाम्‍पा खानानिन त़नुन्‌युङ्‌सिन।