छाम्‍माय़ङ 16:18 - बान्‍तावा राई

¹⁸ खोन्‍कि मो ब़द्‍धेकालेन्‌तारि मोवात्‍निङा चुवायुङ्‌सा। मेन पावल्‌ओ अ़नाप्‍मा लुवाकि मो चाकावालावाआ लाउओएह्‍यात्‍नि हुसान्‍चिन्‌कि लो, “येसु ख्रिस्‍तओ अ़चुऩङ्‌दा अ़ङ्‌का खाना लोनाङ्‌ना, ओ मेत्‍छाछाएदाङ्‌का लोन्‍ताखारा!” खोन्‍कि मोन्‍ग़रिङा चाकावालावाआ मो मेत्‍छाछा छिरुदो।

छाम्‍माय़ङ 16:18 ပူးပေါင်းရင်းမြစ်များ

मत्‍ति 14:24

मोन्‍ग़रि नावा धियाङ्‌वामाओ अ़केम्‌दाङ्‌का ब़द्‍धे अ़थाया तालायुङ्‌सा। ह़क देङ्‌सा बानाओसा नावादा अ़लोङ्‌वात्‌चि म़धुङ्‌साङा।

मर्कुस 1:34

खोन्‍किना येसुआ ब़द्‍धेकाखालाओ सारिमाचिआ म़लाउचिओचि झारा कातुक्‌चि म़नुसुचि, खोन्‍कि ब़द्‍धे चाकावालावाचि म़लोइसुखाइसुचि। मेन येसु साङ ओ निकिना मो चाकावालावाचिआ अ़सिन्‍ताङाओसा खोक्‍कोसाआ मोचि चेप्‍मा मान्‍प़म़दोचि।

मर्कुस 16:17

खोन्‍कि अ़ङ्‌का साकोङ्‌छ़ङ कामुचिआ ओ बुन्‌चि म़मुचि, मोचिआ अ़ङ्‌ऩङ्‌दा चाकावालावाचि म़ऱसुखाइसुचि, खोन्‍कि मोचि अ़ऩङ्‌वा य़ङ्‌चिदा म़चेप।

लुका 9:1

येसुआ बारकापाङ अ़चुकाखेङ्‌पाचि अ़क्‍नि म़बुत्‍तुचिकि झारा चाकावालावाचि लोन्‍माखान्‍मा खोन्‍कि झारा सारिमाचि नुमा सावा खोन्‍कि पाङ मोचि म़प़चि।

छाम्‍माय़ङ 3:6

खोन्‍किना पत्रुस्‌आ खो लो, “अ़ङ्‌काएदा हाराक्‌वा खोन्‍कि रुपा ना मात्‍द़ङ, मेन दि अ़ङ्‌काएदा युङ्‌याङ, मो अ़ङ्‌का खाना प़ना। नासरत्‌ओ येसु ख्रिस्‍तओ अ़चुऩङ्‌दा कोला!”

छाम्‍माय़ङ 9:34

पत्रुस्‌आ खो लो, “एनियास, येसु ख्रिस्‍तआ खाना त़नु। पुवालोन्‍ताकि आम्‌इम्‍खा ओक्‍तु।” खोन्‍कि एनियास च़क्‍नि पुवालोन्‍ता।

कलस्‍सि 2:15

निनाम्‍हाङ्‌आ हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचि अ़चुसावा मात्‍द़ङ्‌ओ म़मुचिकि क्रुस्‌दा म़छोसाकि झारासोओ अ़चुबुदा लेजो म़मेत्‍तुचि।