छाम्‍माय़ङ 16:16 - बान्‍तावा राई

¹⁶ खोन्‍किना अ़क्‌लेन आन्‍कान्‍का यामात्‍खादा खारिन्‌येन्‍काहिदा आन्‍कान्‍का चाकावालावाआ लाउओ अ़क्‍छा हारुक्‍मा मेत्‍छाछाएनान तुइन्‍का। मो खालाह़याङ्‌सा मोसोओ अ़हाङ्‌पाचि ब़द्‍धे फेक्‌वा दुप्‍तुप़ङुचि।

छाम्‍माय़ङ 16:16 ပူးပေါင်းရင်းမြစ်များ

छाम्‍माय़ङ 16:13

यहुदि सावातोम्‍खा-लेन सहरादा वाङ्‌खा लाम्‌ओ बुङ्‌खाया याङ्‌वामाओ अ़केम्‌दा आन्‍कान्‍का खारिन्‍का, मोदा यामात्‍खा ओ हे नि आन्‍कान्‍का मिनिन्‍का। खोन्‍कि आन्‍कान्‍का युङिन्‍काकि मोदा म़कोवान्‌युङ्‌सान्‍चिन्‌ओ मेत्‍छामाचिएनान येसुओ अ़चुतुक्‌वादा हान्‍मा पुक्‍तुम्‍का।

छाम्‍माय़ङ 16:18

खोन्‍कि मो ब़द्‍धेकालेन्‌तारि मोवात्‍निङा चुवायुङ्‌सा। मेन पावल्‌ओ अ़नाप्‍मा लुवाकि मो चाकावालावाआ लाउओएह्‍यात्‍नि हुसान्‍चिन्‌कि लो, “येसु ख्रिस्‍तओ अ़चुऩङ्‌दा अ़ङ्‌का खाना लोनाङ्‌ना, ओ मेत्‍छाछाएदाङ्‌का लोन्‍ताखारा!” खोन्‍कि मोन्‍ग़रिङा चाकावालावाआ मो मेत्‍छाछा छिरुदो।

छाम्‍माय़ङ 16:19

मेन मोसोओ अ़हाङ्‌पाचिआ अ़चुछेन्‍बि दुप्‍खा लाम सुवाओ अ़खाकि पावल खोन्‍कि सिलास म़लाउचिकि सहरादाओ बजारादाओ छाप्‍छेन्‍मिचिओ अ़चुबुदा मोचि म़सारुखात्‍तुचि।

छाम्‍माय़ङ 19:24

देकिनालो देमेत्रियस अ़ऩङ मुवाङाओ अ़क्‍छा रुपा कादुप्‌आ आर्तेमिस्‌ओ अ़चुप्‍पो-अ़चुप्‍पो रुपाओ माङ्‌खिम्‌चि दुउकि ब़द्‍धेकापाङ कादुप्‌चि काचि प़ङुचि।

गलाति 5:20

सेम्‍पोक ब़क्‍मा, म़क्‍फेङ, ङेङ, खिमा, ऩङ्‌च़, च़ऱपा, आप्‍पि नुलोक कामित्‍नान्‍चिन, फेक्‍मा, रुहुप-रुहुप लिमा,

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

२ तिमोथि 3:8

यान्‍नेस खोन्‍कि याम्‍ब्रेस्‌आ मोसा फित्‍चि अ़मुवाचुवात्‍नि, ओ म़नाचिआछाङ अ़छ़ङ फित्‍चि अ़मु। ओ म़नाचिओ अ़चुखारु पोप्‍ताओ खोन्‍कि सोज्‍जेओ अ़चुसाकोङ्‌छ़ङ मुयाङ।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।