छाम्‍माय़ङ 15:40 - बान्‍तावा राई

⁴⁰ मेन पावल्‌आ सिलास छेन्‍तु, खोन्‍किना साकोङ्‌छ़ङ कामुचिआ निनाम्‍हाङ्‌ओ अ़चुछुक्‌दा म़लेत्‍तुछोक्‍तुचि, खोन्‍कि खोचि म़छुत्‍तुखाइसुचि।

छाम्‍माय़ङ 15:40 ပူးပေါင်းရင်းမြစ်များ

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 13:3

खोन्‍किना मोचि चा मान्‍चामाङ म़युङाकिना याम़माराचिआकि बारनाबास खोन्‍कि सावल्‌एदा अ़चुछुक म़युक्‍तुचिकि खोचि म़छुत्‍तुखाइसुचि।

छाम्‍माय़ङ 14:26

मोदाङ्‌का मोचि वाप्‍तेलादा वाङाचिकि एन्‍तिओखिया लासाखाराचि। मोदाओ साकोङ्‌छ़ङ कामुचिआ पावल खोन्‍कि बारनाबास म़छेन्‍तुचिकि निनाम्‍हाङ्‌ओ अ़चुय़ङ खाअ़लुचुने निकिना मोचि निनाम्‍हाङओ अ़चुसोम्‍तुक्‍मादा म़प़लाउयुङ्‌सुचिओ, मो काचि खोचिआ ओन्‍ग़रि अ़चिआयुङ्‌साचु।

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 15:32

यहुदा खोन्‍कि सिलास ह़वाङ्‌माङ निनाम्‍हाङ्‌य़ङ खाकालुचिओसा खोचिआ साकोङ्‌छ़ङ कामुचि ब़द्‍धे निनाम्‍हाङ्‌य़ङ्‌लाम्‍पा राक अ़पुवाचुचिन, खोन्‍कि अ़चुसाकोङ्‌छ़ङ अ़पोइसापुवाचुचिन।

छाम्‍माय़ङ 16:19

मेन मोसोओ अ़हाङ्‌पाचिआ अ़चुछेन्‍बि दुप्‍खा लाम सुवाओ अ़खाकि पावल खोन्‍कि सिलास म़लाउचिकि सहरादाओ बजारादाओ छाप्‍छेन्‍मिचिओ अ़चुबुदा मोचि म़सारुखात्‍तुचि।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

२ तिमोथि 4:22

हाङ्‌पा आम्‍लावाएनान म़युङ्‌ने। खानानिन झाराएदा निनाम्‍हाङ्‌ओ अ़चुसोमातुक्‍मा युङ्‌ने।

तितस 3:15

ओदा अ़ङ्‌काएनान कायुङ झारासाआ खानाएदा सेवा अ़बाइसायुङ्‌सा। आन्‍कान सोमाकातुक मोदाओ साकोङ्‌छ़ङ कामुचि आन्‍काओ सेवाय़ङ खाएत्‍तुचि। निनाम्‍हाङ्‌ओ अ़चुसोमातुक्‍मा खानानिन झाराकापाङ्‌एदा युङ्‌ने।