छाम्‍माय़ङ 15:29 - बान्‍तावा राई

²⁹ खानानिन सेम्‍पोक हेन्‍खोक्‌वा दात्‍माय़ङ चामायु चामा खोन्‍कि अ़ह़ चामा खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङानिन। ओ य़ङ्‌हुप्‌चि त़मुम्‍च़म्‌नालो नुलोक खानानिन त़लिसिन। हासिन्‍चिन्‍ने।”

छाम्‍माय़ङ 15:29 ပူးပေါင်းရင်းမြစ်များ

लुका 9:61

नितात्‍साआ लो, “हाङ्‌पो, अ़ङ्‌का खानानिन त़ङ्‌नानिन, मेन बुया अ़ङ्‌खिम्‌दा कायुङ्‌चिदाङ्‌का हामान्‍लामान्‍चिन पुवाङ्‌ऩङ।”

छाम्‍माय़ङ 15:20

मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

छाम्‍माय़ङ 18:21

मेन पावल मोचिएनान हासान्‌यान्‍चिन्‌हिदा, “निनाम्‍हाङ्‌ओ अ़मिन्‍मा याक्‌याङ्‌नालो अ़ङ्‌का माय़ङ लाङाताङा”नि लोचि। खोन्‍किना खो वाप्‍तेलादा वाङाकि एफिसस सहरादाङ्‌का खारा।

छाम्‍माय़ङ 21:25

हाङ्‌पा येसु ख्रिस्‍तएदा साकोङ्‌छ़ङ कामु निरावाचिओ अ़चुतुक्‌वादा अ़छ़ङ मुम्‍काकि आन्‍कान्‍का ‘सेम्‍पोक हेन्‍खोक्‌वा दात्‍माय़ङ अ़सा चामा, अ़ह़ चामा, अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङ्‌मादोत’नि बुयाङा छाप्‍लावादा बाइसुम्‌युङ्‌सुम्‍का।”

छाम्‍माय़ङ 23:30

यहुदिचिआ ओ म़ना सेत्‍मा थालि म़बाङ्‌ताङाओ अ़ङ्‌का खाऩएत्‍ताङ्‌कि अ़ङ्‌का च़क्‍नि खो खानानिन्‌एदा बाइसुङ। अ़ङ्‌का खोसोओ अ़देङ्‌सालाप्‍पादा काह़त यहुदिचि आम्‍नुओ बुदाङा खोसोओ अ़देङ्‌सालाप्‍पादाओ ह़त्‍माय़ङ्‌चि खालुसानुम्‍च़म्‌निछाङ लोङ्‌युङ्‌सुङ्‌च़ङ।”

२ कोरिन्‍थि 11:9

खानानिन्‌एनान युङाङ्‌याङ्‌हिदा अ़ङ्‌का मान्‍तोक्‍ङानुछाङ अ़ङ्‌का साङ्‌छाङ दुखा मान्‍प़ङा, देकिनालो माकेदोनियादाङ्‌का म़बानाओ ब़ब़, नाना खोन्‍कि निछाचिआ अ़ङ्‌मान्‍तोक्‍दामादा ऩफासाङ। खोन्‌ओसा खानानिन दुखा त़तोक्‍तिमिन्‍ने निकिना अ़ङ्‌का क़म्‍ताङ्‌च़ङ, खोन्‍कि माय़ङ्‌छाङ मोवात्‍निङा च़ङा।

२ कोरिन्‍थि 13:11

देङ्‌दा, ब़ब़, नाना खोन्‍कि निछाचि ओ, हासिन्‍चिन्‍ने। अ़च़वाङ्‍ओ निम्‍पाङ मित्‍चिऩङ मुवानिन। अ़ङ्‌य़ङ एनानुम! अ़क्‍छा निएदा तोङानिन। सेवाङ्‌नि युङानिन। खोन्‍कि निनाम्‍हाङ्‌ओ अ़चुसोमातुक्‍मा खोन्‍कि सेवाङ्‌नि खानानिन्‌एनान युङ।

१ तिमोथि 5:22

साङ्‌एदाछाङ छुक युङ्‌मादा मान्‍हेङ्‌दा, खोन्‍कि साङ्‌कोछाङ अ़हेवादा मान्‍होन्‍दान्‍चिन। खाना आप्‍पि अ़च़क़ल़क लिसा।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

१ युहन्‍ना 5:21

अ़चुप्‍पो छाचि ओ, सेम्‍पोक्‌चिदाङ्‌का खानानिन अ़थाया युङानिन।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।