छाम्‍माय़ङ 15:25 - बान्‍तावा राई

²⁵ खोन्‌ओसा आन्‍कान्‍का झारा अ़क्‍नि तोङिन्‍का, खोन्‍कि म़नाचि छेन्‍तुम्‍च़म्‍काकि मोचि आन्‍कान्‍का सोमातुक्‍तुम्‌योम्‍च़म्‍काओ यावाचि बारनाबास खोन्‍कि पावल्‌एनान अ़क्‍नि खानानिन्‌एदा बान्‍मा अ़छ़ङ मुम्‍का।

छाम्‍माय़ङ 15:25 ပူးပေါင်းရင်းမြစ်များ

मत्‍ति 11:26

उवा, आपो, देकिनालो ओवात्‍निङा च़मा खानानिन त़स़न।”

लुका 1:3

सायाकातोक थियोफिलस ओ, खोन्‌ओसा अ़ङ्‌का ओ काचिचिओ अ़पुङ्‌मादाङ्‌काङा नुलोक लामुङ्‌युङ्‌सुङ। खोन्‌ओसा अ़ङ्‌काछाङ आम्‍नुओ निकि ओसोओ अ़तुक्‌वादा झारा य़ङ्‌चि अ़स़वा छाप्‍मा खान्‍नु हे नि मिनाङ।

छाम्‍माय़ङ 1:14

मो झारा छाम्‍माय़ङ्‌चि, मेत्‍छामाचि खोन्‍कि येसुओ अ़चुमा मरियम्‌किना येसुओ अ़चुनिछाचिएनान अ़धुन अ़क्‍नि म़कोवान्‍चिन्‌कि याम़मारायुङ्‌साङा।

छाम्‍माय़ङ 15:2

पावल खोन्‍कि बारनाबास मो य़ङ्‌दा मोचिएनान मान्‍तोङ्‌चिकि चाअ़त्‍लो दुम तुसाचि। खोन्‌ओसा मोदाओ साकोङ्‌छ़ङ कामुचिआ आदेङ पावल खोन्‍कि बारनाबास्‌किना निचिछाङ ओ सेन्‍माय़ङ्‌ओसो अ़तुक्‌वादा छाम्‍माय़ङ्‌चि खोन्‍कि ताङ्‌पाचिएनान यायोक्‍सि यरुसलेम खान्‍माचि निकिना म़छेन्‍तुचि।

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 15:35

पावल खोन्‍कि बारनाबास्‌आ हाङ्‌पाओ अ़चुय़ङ मोदाओ नि ब़द्‍धेकापाङ्‌चिएनान म़तोङाकि चिन्‌याङ्‌सा खोन्‍कि खालुयाङ्‌सा एन्‍तिओखियादाङा युङाचि।

छाम्‍माय़ङ 15:6

छाम्‍माय़ङ्‌चि खोन्‍कि ताङ्‌पाचि ओ य़ङ्‍ओ अ़तुक्‌वादा तुप्‍मा निकिना म़कोवान्‍चिन।

छाम्‍माय़ङ 2:1

पेन्‍तिकोस्‌नि अ़लोवाङाओ यहुदिचिओ अ़चुचानुचाओ लेन ताहिदा हाङ्‌पा येसुएदा साकोङ्‌छ़ङ कामुचि अ़क्‌तेप्‌दा म़कोवान्‍चिन।

छाम्‍माय़ङ 2:46

मोचि अ़लेन्‍खिन्‍तुम निनाम्‍हाङ ब़क्‍खाखिम्‌दा अ़क्‍नि म़कोवान्‌यान्‍चिन, खोन्‍कि म़तोङाकि अ़चुखिम्‌चिदा अ़चुऩङानुयाङ्‌सा खोन्‍कि अ़नुवाक साकोङ्‌वाआ पेम्‍पाक म़हासाचाङा,

रोमि 16:12

हाङ्‌पादा अ़न्‍नुनु काचि कामुमाचि त्रुफेना खोन्‍कि त्रफोसा सेवानि लोत्‍निप़नि। हाङ्‌पादा अ़न्‍नुनु अ़चुकाचि कामुमा अ़ङ्‌का सोमातुक्‍तुङ्‌योङ्‌ओ परसिस सेवानि लोत्‍निप़नि।

१ कोरिन्‍थि 1:10

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌लाम्‍पा खानानिन अ़ङ्‌का लोनाङ्‌नानिन, खानानिन झारा अ़क्‍छा निएदा तोङानिन खोन्‍कि आम्‍नुओ रादा मान्‍फेक्‍दानिन, मेन खानानिन अ़क्‍मिन्‍माओ खोन्‍कि अ़क्‍मित्‍चिऩङ्‍ओ लिसानिन।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

एफिसि 6:21

अ़ङ्‌का दियाको मुङाङा खोन्‍कि दे च़ङाङा, मो खानानिन्‌आछाङ त़सिन्‍तुम्‍ने निकिना सोमातुक्‍तुङ्‌योङ्‌ओ निछा खोन्‍कि हाङ्‌पाएदा सोम्‍कुवा मुमा खान्‍तुओ हाङ्‌पाओ काचि कामु तुखिकस्‌आ झारा य़ङ्‌चि खानानिन खात़एत्‍तिन।

कलस्‍सि 4:7

अ़ङ्‌तुक्‌वादाओ झारा य़ङ्‌चि सोमातुक्‍तुङ्‌योङ्‌ओ निछा सोम्‍कुवा मुमा खान्‍तुओ काचि कामु खोन्‍कि हाङ्‌पाएदाओ यावा हारुक तुखिकस्‌आ खानानिन खात़एत्‍तिन।

कलस्‍सि 4:9

खोएनान ओनेसिमस बान्‌याङ। खो खानानिन्‌एदाओ अ़क्‍छा ओ, खोन्‍कि खो आन्‍कान्‍का साकोङ्‌छ़ङ मुमायु खोन्‍कि सोमातुक्‍तुम्‌योम्‍काओ निछा ओ। खोचिआ ओदाओ झारा म़लियाङ्‌ओ य़ङ्‌चि खानानिन खाऩएत्‍तिन।

फिलेमोन 1:16

खाना खोक्‍को आम्‍सोमात़तुक्‍तुङुओ आम्‍निछावा त़मित्‍तुओसा हान खोक्‍को हारुक ना माआङ मेन हारुक्‌दाङ्‌का अ़नुवाक म़ना ओ। खोक्‍को अ़ङ्‌को निकि ओन ब़द्‍धे अ़ङ्‌सोम्‍तुक्‍लो मुयाङ्‌नालो खो आम्‍म़नानि त़मित्‍तुङुहिदा खोन्‍कि येसुएदा अ़क्‍नि साकोङ्‌छ़ङ कामु निछानि त़मित्‍तुङुहिदा देम ब़द्‍धे खाना सोमात़तुक्‍तुङु हे?

२ पत्रुस 3:15

आन्‍हाङ्‌पाआ म़नाचि हेवादाङ्‌का लेन्‍मा अ़वाखाम म़प़चिहिदा खोक्‍कोसाआ देम अ़हुङा मो य़ङ मित्‍तानुम। मोवात्‍निङा आन्‍कान सोमातुक्‍तुम्‌योम्‌ओ निछा पावल्‌आछाङ निनाम्‍हाङ्‌आ अ़पुवाओ तायावात्‍नि खानानिन मो य़ङ्‌चि त़छाप्‍तिन।