छाम्‍माय़ङ 15:22 - बान्‍तावा राई

²² खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 15:22 ပူးပေါင်းရင်းမြစ်များ

छाम्‍माय़ङ 1:23

खोन्‍किना खोचिआ ह़वाङ म़नाचिओ अ़चुऩङ अ़युङ्‌सा: अ़क्‍छा योसेफ्‌निओ बारसाबास, खो युस्‍तस निकिछाङ अ़सिन्‍ताङा, खोन्‍कि नितात्‍सोओ अ़ऩङ मतियास।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 11:22

ओ य़ङ्‌खान यरुसलेम्‌दाओ साम्‍भुङ्‌दा म़नाचिआ अ़एना, खोन्‍कि मोचिआ बारनाबास एन्‍तिओखियादा अ़छुत्‍ताखाइसा।

छाम्‍माय़ङ 11:27

मोन्‍ग़रि खा-खाक्‍को निनाम्‍हाङ्‌य़ङ खाकालुचि यरुसलेम्‌दाङ्‌का एन्‍तिओखियायु म़धा।

छाम्‍माय़ङ 15:23

खोन्‍कि खोचिआ मोचिलाम्‍पा ओवाको छाप्‍लावा अ़खाइसा: “एन्‍तिओखिया, सिरिया खोन्‍कि किलिकियादा कायुङ साकोङ्‌छ़ङ कामु निरावा ब़ब़, नाना खोन्‍कि निछाचिएदा, आन्‍कान्‍का आम्‍नुओ ब़ब़, निछा छाम्‍माय़ङ्‌चि खोन्‍कि ताङ्‌पाचिदाङ्‌काओ नुकोङ्‌ला सेवा!

छाम्‍माय़ङ 15:25

खोन्‌ओसा आन्‍कान्‍का झारा अ़क्‍नि तोङिन्‍का, खोन्‍कि म़नाचि छेन्‍तुम्‍च़म्‍काकि मोचि आन्‍कान्‍का सोमातुक्‍तुम्‌योम्‍च़म्‍काओ यावाचि बारनाबास खोन्‍कि पावल्‌एनान अ़क्‍नि खानानिन्‌एदा बान्‍मा अ़छ़ङ मुम्‍का।

छाम्‍माय़ङ 15:27

खोन्‌ओसा आन्‍कान्‍का यहुदा खोन्‍कि सिलास खानानिन्‌एदा बाइसुम्‌योम्‍च़म्‍का। आन्‍कान्‍का छाप्‍तुम्‍च़म्‍काओ य़ङ्‌चि खोचिआ अ़चुदोआछाङ खाऩएत्‍तिन।

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 15:30

खोन्‍किना खोचि म़हासान्‍चिन्‌कि मो चारकापाङ यरुसलेम्‌दाङ्‌का एन्‍तिओखियायु म़धा, खोन्‍कि साम्‍भुङ्‌दाओ म़नाचि म़कोउचिकि मो छाप्‍लावा म़प़चि।

छाम्‍माय़ङ 15:32

यहुदा खोन्‍कि सिलास ह़वाङ्‌माङ निनाम्‍हाङ्‌य़ङ खाकालुचिओसा खोचिआ साकोङ्‌छ़ङ कामुचि ब़द्‍धे निनाम्‍हाङ्‌य़ङ्‌लाम्‍पा राक अ़पुवाचुचिन, खोन्‍कि अ़चुसाकोङ्‌छ़ङ अ़पोइसापुवाचुचिन।

छाम्‍माय़ङ 15:40

मेन पावल्‌आ सिलास छेन्‍तु, खोन्‍किना साकोङ्‌छ़ङ कामुचिआ निनाम्‍हाङ्‌ओ अ़चुछुक्‌दा म़लेत्‍तुछोक्‍तुचि, खोन्‍कि खोचि म़छुत्‍तुखाइसुचि।

छाम्‍माय़ङ 16:19

मेन मोसोओ अ़हाङ्‌पाचिआ अ़चुछेन्‍बि दुप्‍खा लाम सुवाओ अ़खाकि पावल खोन्‍कि सिलास म़लाउचिकि सहरादाओ बजारादाओ छाप्‍छेन्‍मिचिओ अ़चुबुदा मोचि म़सारुखात्‍तुचि।

छाम्‍माय़ङ 16:25

अ़दाक्‌वा खाखुत्‌दात्‍नि पावल खोन्‍कि सिलास यामात्‌याङ्‌सा निनाम्‍हाङ्‌ओ अ़चुसाम्‍ऱङ अ़लुवाङाचु। खोन्‍कि नि म़छेक्‍ताङाओ म़नाचिआ अ़एनाङा।

छाम्‍माय़ङ 16:29

खोन्‍कि छेक्‍खाखिम काखाङ्‌आ खाउप्‍खा दोरुकि खो छेक्‍खाखिम्‍हुत्‌या लोरावाङा, खोन्‍कि अ़क़माआ धुन्‌याङ्‌सा पावल खोन्‍कि सिलास्‌ओ अ़चुबुदा बोम्‍सान्‍चिन।

छाम्‍माय़ङ 17:10

साकोङ्‌छ़ङ कामुचिआ खाखुत्‍ताङावा पावल खोन्‍कि सिलास बेरिया सहरादा म़छुत्‍तुखाइसुचि। खोन्‍कि मोदा तालाचिकि खोचि यहुदिचिओ अ़चुयावायोक्‍खिम्‌दा खाराचि।

छाम्‍माय़ङ 17:14

खोन्‍किना साकोङ्‌छ़ङ कामुचिआ धियाङ्‌वामाओ अ़केम्‌दा च़क्‍नि पावल अ़छुत्‍ताखाइसा। मेन सिलास खोन्‍कि तिमोथि बेरियादाङा युङालाराचि।

छाम्‍माय़ङ 17:4

मोचिएदाओ देम्‌कापाङ यहुदिचि साकोङ्‌छ़ङ म़मुवाकि पावल खोन्‍कि सिलास म़त़ङ्‌तुचि। निनाम्‍हाङ काब़क ब़द्‍धे ग्रिक म़नाचि खोन्‍कि अ़क्‍चित ब़द्‍धे बुसुवा मेत्‍छामाचिछाङ साकोङ्‌छ़ङ म़मुवाकि मोवात्‍निङा म़चुवा।

छाम्‍माय़ङ 18:5

खोन्‍किना सिलास खोन्‍कि तिमोथि माकेदोनिया धिखाहुप्‌दाङ्‌का तादिसाचि, खोन्‍कि पावल्‌आ यहुदिचि येसुङा ख्रिस्‍त म़मुयाङ्‌नि य़ङ्‌याङ्‌सा निनाम्‍हाङ य़ङ खाएत्‍मा काचिदा झारा अ़ग़रि पाउ।

छाम्‍माय़ङ 8:14

सामरिया सहरादाओ म़नाचिआ निनाम्‍हाङ्‌ओ अ़चुय़ङ्‌दा साकोङ्‌छ़ङ अ़मुवाओ अ़एनाकि यरुसलेम्‌दा म़युङाङाओ छाम्‍माय़ङ्‌चिआ पत्रुस खोन्‍कि युहन्‍ना मोचिएदा म़छुत्‍तुचि।

२ कोरिन्‍थि 1:19

देकिनालो सिलास, तिमोथि खोन्‍कि अ़ङ्‌का आम्‍नुओ रादा आन्‍कान्‍का खालुसुम्‍काओ निनाम्‍हाङ्‌ओ अ़चुओ छा येसु ख्रिस्‍त “अ़नुछ्‍या” खोन्‍कि “माआङ”ओ मान्‍मुयाङ। मेन खोक्‍कोएदा अ़धुन “अ़नुछ्‍या” ओन्‍ङा मुवाङा।

१ थेसलोनिकि 1:1

पावल, सिलास खोन्‍कि तिमोथिएदाङ्‌का निनाम्‍हाङ पापा खोन्‍कि हाङ्‌पा येसु ख्रिस्‍तएदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‌योम्‍का। निनाम्‍हाङ्‌आ खानानिन आसिखा ऩप़न्‍ने खोन्‍कि सेवाङ्‌नि ऩमुन्‍ने!

२ थेसलोनिकि 1:1

पावल, सिलास खोन्‍कि तिमोथिएदाङ्‌का आन्‍निनाम्‍हाङ पापा खोन्‍कि हाङ्‌पा येसु ख्रिस्‍तदा साकोङ्‌छ़ङ कामु थेसलोनिकेदाओ साम्‍भुङ्‌एदा ओ छाप्‍लावा छाप्‍तुम्‍का।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।