छाम्‍माय़ङ 15:20 - बान्‍तावा राई

²⁰ मेन मोचि ‘सेम्‍पोक हेन्‍खोक्‌वा दात्‍माय़ङ चामायु चामा, ताङ्‌लान मुमादाङ्‌का खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि अ़ह़ चामादाङ्‌का अ़थाया युङानिन’निकिना आन्‍कान छाप्‍तुम हान्‍तुम्‍च़म्‍ने।

छाम्‍माय़ङ 15:20 ပူးပေါင်းရင်းမြစ်များ

छाम्‍माय़ङ 15:29

खानानिन सेम्‍पोक हेन्‍खोक्‌वा दात्‍माय़ङ चामायु चामा खोन्‍कि अ़ह़ चामा खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङानिन। ओ य़ङ्‌हुप्‌चि त़मुम्‍च़म्‌नालो नुलोक खानानिन त़लिसिन। हासिन्‍चिन्‍ने।”

छाम्‍माय़ङ 21:25

हाङ्‌पा येसु ख्रिस्‍तएदा साकोङ्‌छ़ङ कामु निरावाचिओ अ़चुतुक्‌वादा अ़छ़ङ मुम्‍काकि आन्‍कान्‍का ‘सेम्‍पोक हेन्‍खोक्‌वा दात्‍माय़ङ अ़सा चामा, अ़ह़ चामा, अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङ्‌मादोत’नि बुयाङा छाप्‍लावादा बाइसुम्‌युङ्‌सुम्‍का।”

१ कोरिन्‍थि 5:11

अ़ङ्‌का छाप्‍तुङ्‌कि लोमा लाप्‍नाङ्‌नानिन्‌ओ य़ङ दिओनालो, साङ आप्‍पि साकोङ्‌छ़ङ कामुनि लोनान्‍चिन, मेन खो ताङ्‌लान कामु माङ्‌लो च़क्‍ख़य़ कामु माङ्‌लो सेम्‍पोक काब़क माङ्‌लो कासुङ माङ्‌लो खाबात सेत्‍चावा माङ्‌लो काङाप्‍खात ओ। ओवाको म़नाएनान चासिछाङ मान्‌युङ्‌दानिन।

१ कोरिन्‍थि 6:13

“चामायु बुक्‌ओ निम्‍पाङ ओ, बुक चामायुओ निम्‍पाङ ओ।” मेन निनाम्‍हाङ्‌आ ह्‍वातात्‍माङ म़लुक्‍तुचि। पोक ताङ्‌लान्‌ओ निम्‍पाङ माआङ, मेन हाङ्‌पाओ निम्‍पाङ ओ, खोन्‍कि हाङ्‌पा पोक्‌ओ निम्‍पाङ ओ।

१ कोरिन्‍थि 6:18

ताङ्‌लान्‌दाङ्‌का अ़थाया युङानिन। म़नाआ खाक्‍कोछाङ हेवा मु, मोसाआ अ़पोक्‌ओ अ़देङ्‌सालाप्‍पादा हेवा अ़मुन, मेन ताङ्‌लान कामु म़नाआ आप्‍पिओ अ़पोक्‌ओ अ़देङ्‌सालाप्‍पादा हेवा मु।

१ कोरिन्‍थि 6:9

मान्‍साम्‌योक्‍मिचिआ निनाम्‍हाङ्‌ओ अ़चुहाङ्‌होन्‌दुओ पाङ ऩतोक्‍तुन्‌नि दि खानानिन त़सिन्‍तिमिन्‌येन? धान्‍मादा मान्‍छुक्‍दानिन। काचान्‍चाचि, सेम्‍पोक काब़क्‌चि, ताङ्‌लान कामुचि, दुवाछा-दुवाछा काचान्‍चाचि,

१ कोरिन्‍थि 7:2

मेन ब़द्‍धे ताङ्‌लान लियाङ्‌ओसा झारा म़नाओ अ़खिम्‍हाङ्‌मा युङ्‌मादोत, खोन्‍कि झारा मेत्‍छामाओ अ़खिम्‍हाङ्‌पा युङ्‌मादोत।

१ कोरिन्‍थि 8:1

हान सेम्‍पोक्‌चि प़माय़ङ चामायुओ अ़तुक्‌वादा खाम्‍ने। आन्‍कान सिन्‍तुम्‌योम, आन्‍कान झाराएदा आन्‍खारु याक्‌याङ। खारुआ ऱक्‍भाक तारु, मेन सोम्‍तुक्‍माआ उन्‍निज़ङ्‌नि मुयाङ्‌सा खात्‍तु।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

गलाति 5:19

पोक्‌ओ हेवामि च़माथाङ्‌माओ काचिचि छेङ्‌छेङ्‌छेङ्‌वा म़मुयाङ। मोचि ताङ्‌लान, पोप्‍मा, हात्‍मा,

एफिसि 5:3

मेन आम्‍नुओ रादा पोप्‍मुमा खोन्‍कि झाराकाखालाओ अ़सेङ्‌निनिन्‌ओ माङ्‌लो च़ख़य़ओ अ़ऩङ्‌छाङ अ़बुत्‍निन्‍ने। मो निनाम्‍हाङ्‌ओ अ़चुम़नाचिएदा लिमा अ़खान्‍तुन।

कलस्‍सि 3:5

खोन्‌ओसा खानानिन्‌एदा म़युङ्‌याङ्‌ओ हेन्‍खामादाओ मिन्‍माचि सेरानुम्‍च़म। मोचि पोप्‍मुमा, मान्‍सेङ्‌दामा, राका मित्‍मा, अ़त्‍लो मित्‍मा ओ। च़क्‍ख़य़ मान्‍मुदानिन, देकिनालो मो सेम्‍पोक ब़क्‍मावाको ओ।

१ थेसलोनिकि 4:3

खानानिन सेङ्‌लो लिमा निनाम्‍हाङ्‌ओ अ़चुमिन्‍मा ओ, खोन्‌ओसा खानानिन ताङ्‌लान्‌दाङ्‌का अ़थाया युङानिन।

हिब्रु 12:16

साङ्‌छाङ काचान्‍चा अ़लिनिन्‍ने। निनाम्‍हाङ कित्‌याङ्‌सा ह़ङानिन, एसाब्‌वात्‍नि माआङ, खोसाआ अ़क्‍खुङ चामायुदा खोसोओ अ़कुम्‍पा पाङ इनुचो।

हिब्रु 13:4

झारासाआ सायाकाम्‍माय़ङ साया मेत्‍मादोत खोन्‍कि खिम्‍हाङ्‌मा खिम्‍हाङ्‌पा सोम्‍कुवा मुकामु लिमादोत, देकिनालो काचान्‍चाचि खोन्‍कि ताङ्‌लान कामुचि निनाम्‍हाङ्‌आ छ़ङ म़छेन्‍तुचि।

१ पत्रुस 4:3

खाराओ लेन्‍चिदा निरावाचिआवात्‍नि खानानिन्‌आ ताङ्‌लान, अ़अ़त्‍पा मिन्‍मा, खाबात्‍सेत्‍चाले, ताकावा च़मा, खाबात्‌दुङ्‌खा रुहुप्‌दा खोन्‍कि चिप्‍माकात्‍तुओ सेम्‍पोक ब़क्‍मादा आम्‍नुओ ग़रि च़लोक त़क़प्‍तुम्‌युङ्‌सुम।

खाङ्‌मुमा 10:2

मोसोओ अ़छुक्‌दा फोङ्‌माय़ङ अ़चुप्‍पो साहोक्‌वाओ छाप्‍लाखा भोङ याआङा। खोसाआ अ़चुप्‍ताङ लाङ्‌आ धियाङ्‌वामादा खोन्‍कि अ़बेङ्‌वा लाङ्‌आ थाम्‍पुक्‌दा नेम्‍सु।

खाङ्‌मुमा 10:8

खोन्‍किना निनाम्‍मादुङ्‌काओ एनुङ्‌ओ य़ङ्‌आ अ़ङ्‌का ओवात्‍नि अ़लासाङ्‌लोवाङ, “खारा, धियाङ्‌वामा खोन्‍कि बाखादा काएप निनाम्‍हाङ काफाओ अ़छुक्‌दा याक्‌याङ्‌ओ फोङ्‌माय़ङ साहोक्‌वा छाप्‍लाखाओ अ़भोङ लोउ।”

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।

खाङ्‌मुमा 9:20

ओ अ़चाअ़त्‍मादाङ्‌का काह़ङ म़नाचिआ चाकावालावाचि खोन्‍कि आप्‍पि अ़चुछुक्‌आ म़मुचिओ सेम्‍पोक्‌चि ब़त्‍मा मान्‍छित्‌अ़दा। खोन्‍कि खामान्‍खाङ्‌कादा, खामान्‌एन्‍कादा खोन्‍कि कोन्‍मा मान्‍ऱकादा, हाराक्‌वा, रुपा, कासा, लुङ खोन्‍कि स़ङ्‌ओ सेम्‍पोक्‌चिएदा बोम्‍मान्‍चिदाङ्‌का अ़चुमिन्‍मा मान्‍लाअ़दा।