छाम्‍माय़ङ 15:13 - बान्‍तावा राई

¹³ खोचि चेवाचिआचिकिना याकुब पुवालोन्‍ताकि लासुलोचि, “ब़ब़, नाना खोन्‍कि निछाचि ओ, अ़ङ्‌य़ङ एनानुम!

छाम्‍माय़ङ 15:13 ပူးပေါင်းရင်းမြစ်များ

मर्कुस 15:40

मोदा अ़थायाङ्‌का खाम़चोवाङाओ खा-खाक्‍को मेत्‍छामाचिछाङ म़याआङा। मोचिएदाओ मग्‍दला सहरादाओ मरियम, अ़चुप्‍पो याकुब खोन्‍कि योसेफ्‌ओ अ़चुमा मरियम खोन्‍कि सलोमि म़याआङा।

छाम्‍माय़ङ 12:17

मेन पत्रुस्‌आ मोचि “वाइवेत युङानिन”निकिना अ़छुक्‌चाला मेत्‍तुचि, खोन्‍कि हाङ्‌पाआ देत्‍नि छेक्‍खाखिम्‌दाङ्‌का अ़लोइसाओ मो य़ङ मोचि खाएत्‍तुचि। खोसाआ “ओवात्‍नि लिसाओ य़ङ याकुब खोन्‍कि नि साकोङ्‌छ़ङ कामुचि खाएत्‍तानुम्‍च़म”नि लोचि। खोन्‍किना खो मोदाङ्‌का हासान्‍चिन्‌कि नि दात्‍नि खारा।

छाम्‍माय़ङ 15:14

निनाम्‍हाङ्‌आ बुयाओदु निरावाचि सोमाम़तुक्‍तुचिकि देत्‍नि मोचिएदाओचि खोसोओ निम्‍पाङ म़नाचि म़छेन्‍तुचि, मोसोओ अ़तुक्‌वादा सिमोन्‌आ आन्‍कान खाम़एत्‍तायुङ्‌सा।

छाम्‍माय़ङ 2:14

खोन्‍किना पत्रुस एघारकापाङ छाम्‍माय़ङ्‌चिएनान एवाकि अ़धिवाङ य़ङ्‌आ मोचि लोचि, “यहुदि अ़ङ्‌यावाचि खोन्‍कि झारा यरुसलेम्‌दा कायुङ्‌चि ओ, खानानिन्‌आ त़खाम्‌योम्‍च़म्‌ओ खोन्‍कि त़एनुम्‌योम्‍च़म्‌ओ काचिओ अ़तुक्‌वादा अ़ङ्‌का खानानिन खाएत्‍नानिन। हान नुलोक एनानुम।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

छाम्‍माय़ङ 2:29

यहुदि ब़ब़, नाना खोन्‍कि निछाचि ओ, आन्‍सुन्‍तुम दाउद्‌ओ अ़तुक्‌वादा अ़ङ्‌का खानानिन राक्‌एनान खाएत्‍मा ऱनानिन। खो सुवादाकि अ़खुम्‍ता, खोन्‍कि खोसोओ अ़एप्‍मा आय़ओ लेन्‌तारि ओदा आन्‍कान्‌एदाङा युङ्‌याङ।

छाम्‍माय़ङ 21:18

अ़माङ्‌कोलेन पावल खोन्‍कि आन्‍कान्‍का याकुब तुप्‍सि खारिन्‍का, खोन्‍कि यरुसलेम साम्‍भुङ्‌दाओ झारा ताङ्‌पाचि मोदा म़युङाङा।

छाम्‍माय़ङ 22:1

“अ़ङ्‌यहुदि ब़ब़, नाना, निछाचि खोन्‍कि अ़ङ्‌पाचि ओ, हान अ़ङ्‌का आम्‍नुओ बुदा अ़ङ्‌लिप्‍पादा खालुसुङ्‌योङ्‍ओ य़ङ एनानुम।”

छाम्‍माय़ङ 7:2

खोन्‍कि स्‍तिफनस्‌आ य़ङ्‌लासु, “अ़ङ्‍ब़ब़चि खोन्‍कि अ़ङ्‌पापाचि ओ, अ़ङ्‌का य़ङ्‌ङाङाओ एनानुम! आन्‍सुन्‍तुम अब्राहाम हारान खात्‍मा बुया मेसोपोतामियादा युङाङाहिदा अ़चुऩङ्‌लोङ्‌मा खान्‍तुओ आन्‍निनाम्‍हाङ अब्राहाम्‌एदा खाङ्‌म़मुसान्‍चिन।

गलाति 1:19

मेन हाङ्‌पाओ अ़चुनिछा याकुब्‌एदाङ्‌का नि खाक्‍कोछाङ छाम्‍माय़ङ्‌चि अ़ङ्‌का मान्‍धित्‍ङाच़ङ।

गलाति 2:12

याकुब्‌आ खाइसुचिओ म़नाचि तामा बुया खो निरावाचिएनान अ़क्‍नि चाङा। मेन मोचि म़तालाकि निरावाचिएनान चामा छिरु खोन्‍कि खो आप्‍पि हासान्‍चिन, देकिनालो खो सिप्‍मायाम्‍बुन पाक्‍माय़ङ रुहुप्‌दाङ्‌का अ़क़माकारा।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

याकुब 1:1

निनाम्‍हाङ खोन्‍कि हाङ्‌पा येसु ख्रिस्‍तओ अ़हारुक याकुब्‌दाङ्‌का हेन्‍खामादा रावा-रावाचिओ अ़चुरादा त़रिसिन्‍चिन्‌ओ बारकाभुङ्‌चिएदा अ़ङ्‌सेवा!

याकुब 1:19

अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, ओ य़ङ तुप्‍तानुम, झारा म़ना एन्‍मादा च़क्‍नि, चेप्‍मादा स़लेनि खोन्‍कि माइसुङ्‌कात्‍मादा स़लेनि लिमादोत।