छाम्‍माय़ङ 15:12 - बान्‍तावा राई

¹² खोन्‍किना म़कोवान्‍चिन्‌ओ झारा म़नाचि वाइवेत म़युङा, खोन्‍कि निरावाचिओ अ़चुरादा खोचिलाम्‍पा बुन्‌चि खोन्‍कि म़दोम्‍दाओ काचिचि निनाम्‍हाङ्‌आ अ़मुवाओ अ़तुक्‌वादा बारनाबास खोन्‍कि पावल्‌आ खाअ़लुसाचुओ खोचिआ अ़एना।

छाम्‍माय़ङ 15:12 ပူးပေါင်းရင်းမြစ်များ

युहन्‍ना 4:48

येसुआ मो अ़लोवा, “खानानिन झारा बुन खोन्‍कि म़दोम्‍दाओ काचिचि मान्‍खाङ्‌माङ्‌तारि साकोङ्‌छ़ङ त़मुन्‍मिन।”

छाम्‍माय़ङ 14:27

खोचि एन्‍तिओखियादा लासाताचिकिना साम्‍भुङ अ़बुत्‍ताचु, खोन्‍कि निनाम्‍हाङ्‌आ खोचिएदा अ़मुवाओ झारा काचिचिओ अ़तुक्‌वादा खोन्‍कि देत्‍नि निनाम्‍हाङ्‌आ निरावाचिछाङ साकोङ्‌छ़ङ मुखालाम म़होत्‍तुप़चिओ मो खाअ़एत्‍ताचुचिन।

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 15:4

खोचि यरुसलेम सहरादा म़तालाहिदा झारा साम्‍भुङ्‌दाओचिआ खोन्‍कि छाम्‍माय़ङ्‌चिकिना ताङ्‌पाचिआ साऩङ्‌वा म़मेत्‍तुचि। निनाम्‍हाङ्‌आ पावल खोन्‍कि बारनाबास्‌लाम्‍पा अ़मुवाओ झारा काचिचिओ अ़तुक्‌वा खोचिआ मोचि खाअ़एत्‍ताचुचिन।

छाम्‍माय़ङ 21:19

पावल्‌आ मोचि सेवा मेत्‍तुचिकि खोसोओ अ़काचिलाम्‍पा निनाम्‍हाङ्‌आ निरावाचिओ अ़चुरादा अ़मुवाओ झारा काचिचि अ़सिसिपेन खाएत्‍तुचि।

रोमि 15:18

अ़ङ्‌का खालुसुङ्‌ओ य़ङ्‌चि खोन्‍कि मुङ्‌ओ काचिचिलाम्‍पा देत्‍नि ख्रिस्‍तआ निरावाचि लोमावा काच़चि म़मुयुङ्‌सुचि, मो य़ङ्‌चिदाङ्‌का दित्‍छाङ चेप्‍मा अ़ङ्‌का राक अ़मुऩङ।