छाम्‍माय़ङ 15:11 - बान्‍तावा राई

¹¹ आन्‍कान साकोङ्‌छ़ङ मुन्‌कि आन्‍हाङ्‌पा येसुओ अ़चुसोमातुक्‍मालाम्‍पा आन्‍कान लेरिन्‌युङ्‌सिन, मोवात्‍निङा निरावाचिछाङ म़लेरायुङ्‌सा।”

छाम्‍माय़ङ 15:11 ပူးပေါင်းရင်းမြစ်များ

रोमि 3:24

निनाम्‍हाङ्‌ओ अ़चुसोम्‍तुक्‍माओ आसिखाआ, ख्रिस्‍त येसुओ अ़चुलेन्‍मादाङ्‌का मोचि मोहा साम्‌योक्‍मि म़काइसायुङ्‌सा।

रोमि 5:15

मेन निनाम्‍हाङ्‌आ मोहा प़माय़ङ आसिखा आदम्‌ओ अ़हेवावाको माआङ। देकिनालो अ़क्‍छा म़नाओ अ़हेवाआ ब़द्‍धेकापाङ म़सुवा। च़लोक निनाम्‍हाङ्‌ओ अ़चुसोम्‍तुक्‍मा खोन्‍कि अ़क्‍छा म़ना येसु ख्रिस्‍तलाम्‍पा ताओ छुक्‍तुप्‍मा आसिखा ब़द्‍धेसोओ निम्‍पाङ च़लोक लिसा।

रोमि 6:23

देकिनालो हेवाओ अ़लुङ स़मा ओ, मेन निनाम्‍हाङ्‌आ मोहा प़माय़ङ्‌ओ अ़चुआसिखा ख्रिस्‍त येसु आन्‍हाङ्‌पाएदा अ़लुक्‍निन्‌ओ ह़ङ्‌म़ङ ओ।

१ कोरिन्‍थि 16:23

हाङ्‌पा येसु ख्रिस्‍तओ अ़चुसोमातुक्‍मा खानानिन्‌एदा याक्‍ने।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

गलाति 1:6

अ़ङ्‌का अ़दोम्‍ताङ्‌दाङ, ख्रिस्‍तओ अ़चुसोम्‍तुक्‍मादा खानानिन काबुत ओन च़क्‍नि त़छिरुम्‌कि नि य़ङ्‌खान्‌चिह्‍यात्‍नि खानानिन त़वाङिन्‌येन।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

तितस 2:11

देकिनालो निनाम्‍हाङ्‌आ झारा म़नाचि लेन्‍मा खोक्‍कोसोओ अ़चुसोम्‍तुक्‍मा खाङ्‌अ़मुसा।

खाङ्‌मुमा 5:9

मोचिआ अ़क्‌तात अ़ऩङ्‌वा छाम अ़लुवा। “खानानिन ओ छाप्‍लाखाओ अ़भोङ कालोक खोन्‍कि मोसोओ अ़सेप्‍खाचि फोङ्‌मा त़खान्‍तिन्‌ओ त़मुन्‌येन। देकिनालो खानानिन ऩसेरिन, खोन्‍कि आम्‍नुओ स़मा हेन्‍खोक्‌वाआ खानानिन निनाम्‍हाङ्‌ओ निम्‍पाङ झारा भुङ्‌चि, य़ङ्‌चि, म़नाचि खोन्‍कि रावाचि त़खिरुम्‍च़म।