छाम्‍माय़ङ 15:10 - बान्‍तावा राई

¹⁰ खोन्‌ओसा येसु साकोङ्‌छ़ङ कामु निरावाचिआ खुन्‍मा ऩऱन्‌ओ पाङ खानानिन खुन्‍त़मेत्‍तुम्‍च़म्‌कि देकि निनाम्‍हाङ्‌ओ अ़चुमाइसुङ त़काइसुम? ना मो आन्‍सुन्‍तुम्‌चिआ खुन्‍मा अ़रुवा ना आन्‍कान्‌ङा खुन्‍मा ऱम।

छाम्‍माय़ङ 15:10 ပူးပေါင်းရင်းမြစ်များ

मत्‍ति 23:4

मोचिआ लुम्‍क़क्‍क़क्‌वाओ खोन्‍कि खुन्‍मा ऩऱन्‍चिन्‌ओ पाङ्‌चि त़छुम्‍सुम्‍च़म्‌कि म़नाचिओ अ़चुभाक्‍ताङ्‌दा त़पाक्‍तुम्‍प़म्‍च़म। मेन खानानिन आप्‍पिआ मो थेन्‍मा अ़क्‌तात छुक्‍कुसिप्‌आछाङ त़नोप्‍तिमिन्‍चिन।

मत्‍ति 4:7

येसुआ मो अ़लोवा, “साम्‍कालिन्‌दा छाप्‍तायुङ्‌सा, ‘खाना आम्‍हाङ्‌पा निनाम्‍हाङ मान्‍चिन्‍खाङ्‌दो।’”

छाम्‍माय़ङ 5:9

खोन्‍किना पत्रुस्‌आ मो लो, “खानाचि देत्‍नि त़तोङाचिकि सेङ्‌लावा चिन्‍माखाङ्‌मा त़रुवाचु? खाखो! आम्‍खिम्‍हाङ्‌पा काखुम म़नाचि लाप्‍तिखोप्‌दा म़युङ्‌याङ, खोन्‍कि मोचिआ खानाछाङ बुङ्‌खाया खुम्‍सि ऩलोत।”

गलाति 4:9

मेन हान ना खानानिन्‌आ निनाम्‍हाङ त़सिन्‍तुम्‌युङ्‌सुम, माङ्‌लो ब़द्‍धे अ़च़वाङ निनाम्‍हाङ्‌आ खानानिन ऩसिन्‍तिन्‌युङ्‌सिन। हान देत्‍नि खानानिन मान्‍ऱकादा खोन्‍कि बुयाओ अ़चुप्‍पो लाम्‌चिदा त़लासिन? दि खानानिन हान्‍छाङ मोचिओ अ़चुहारुक लिमा त़स़न्‌येन?

गलाति 5:1

ख्रिस्‍तआ आन्‍कान म़फोङ्‌साओ। खोन्‌ओसा खानानिन नुलोक एवानिन, खोन्‍कि देम्‍खाछाङ हारुक्‌ओ कोम्‌दा मान्‍लानाप्‌दानिन्‍चिन।

हिब्रु 3:9

मोदा आम्‍नुओ सुन्‍तुम्‌चिआ चालिस्‌कादोङ्‌तारि अ़ङ्‌काचिचि अ़खानुछाङ, मोचिआ अ़ङ्‌का ऩचिन्‍ताङ्‌खाङ।

हिब्रु 9:9

ओ ना आइमित्‌ओ ग़रिओ निम्‍पाङ अ़क्‌तात अ़मात्‍ऩङ ओ। ओसाआ ओ खाङ्‌मुसु, प़माय़ङ छुक्‍दाम खोन्‍कि हेन्‍खोक्‌वाचिआ काब़क्‌चिओ छेन्‍खाताया सेङ्‌मा अ़ऱन।