छाम्‍माय़ङ 14:4 - बान्‍तावा राई

⁴ मेन सहरादाओ म़नाचि ह्‍वा रुहुप्‌दा म़हासान्‍चिन। देम्‍पाङ यहुदिचिएह्‍यात्‍नि खोन्‍कि देम्‍पाङ छाम्‍माय़ङ्‌चिएदात्‍नि म़वाङा।

छाम्‍माय़ङ 14:4 ပူးပေါင်းရင်းမြစ်များ

लुका 2:34

खोन्‍कि सिमियोन्‌आ खोचि आसिखा प़चिकि नुनुओ अ़मा मरियम लो, “एनु, ओक्‍को नुनुआ इस्राएल्‌दाओ ब़द्‍धे म़नाचि सिम्‍धाइसि खोन्‍कि झोन्‍लोइसि निनाम्‍हाङ्‌आ अ़छेन्‍तायुङ्‌सा। खोक्‍कोसाआ म़नाचि चाप्‍म़चेत्‍तुचि, मेन म़नाचि खोक्‍कोसोओ अ़चुय़ङ लोक्‍मा म़छुन।

युहन्‍ना 7:43

ओवात्‍नि म़नाचिओ अ़चुरादा येसुओ अ़चुचुतुक्‌वाआ म़फेआ।

छाम्‍माय़ङ 13:2

मोचिआ हाङ्‌पा ब़क्‌याङ्‌सा खोन्‍कि मान्‍चामाङ म़युङाङाओ ग़रि सेङ्‌लावाआ मोचि लोचि, “खाक्‍को काचिओ निम्‍पाङ बारनाबास खोन्‍कि सावल अ़ङ्‌का बुत्‍तुङ्‌युङ्‌सुङ्‌च़ङ, मो काचिदा पाआनुम्‍च़म।”

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 14:14

मेन छाम्‍माय़ङ्‌चि बारनाबास खोन्‍कि पावल्‌आ ओ य़ङ्‍ओ अ़तुक्‌वादा अ़एनाचु, खोन्‍कि खोचिआ अ़चुतित्‌चि अ़रेआचुचिकिना म़नाचिओ अ़चुरादा पात्‌याङ्‌सा लोराखाराचि,

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 19:9

मेन खा-खाक्‍कोचि लुङ्‌ख़धेन म़मुवाकि साकोङ्‌छ़ङ मान्‍मुचि, खोन्‍कि झारासोओ अ़चुबुदा मोचि हाङ्‌पाओ अ़चुदेङ्‌सालाप्‍पादा अ़त्‍लो दुम म़मुवा। खोन्‌ओसा पावल्‌आ मोचि छिरुदोचि, खोन्‍कि काखेङ्‌चि खात्‍तुचिकि तुरान्‍नस तायाखिम्‌दा अ़लेन्‍खिन्‍तुम खालुमा पुक्‍तु।

छाम्‍माय़ङ 28:24

खोन्‍कि खा-खाक्‍को यहुदिचिआ खो य़ङाओ य़ङ्‌दा साकोङ्‌छ़ङ अ़मुवा, मेन निचि साकोङ्‌छ़ङ मुमा म़छुन्‍ता।

१ कोरिन्‍थि 9:5

दि नि छाम्‍माय़ङ्‌चिवात्‍नि हाङ्‌पाओ अ़चुनिछाचि खोन्‍कि केफास्‌आवात्‍नि आन्‍काच्‍याछाङ साकोङ्‌छ़ङ कामु खिम्‍हाङ्‌मा तित्‍माकि अ़क्‍नि कोन्‍मा आन्‍चुवाओ पाङ मात्‍द़ङ कि?

१ थेसलोनिकि 2:14

देकिनालो अ़ङ्‍ब़ब़, नाना खोन्‍कि निछाचि ओ, ख्रिस्‍त येसुदा साकोङ्‌छ़ङ कामु यहुदियादाओ निनाम्‍हाङ्‌ओ अ़चुसाम्‍भुङ्‌चि कात़ङ खानानिन त़लिसिन्‌युङ्‌सिन। देत्‍नि यहुदि साम्‍भुङ्‌चिआ अ़चुम़नाचिदाङ्‌का दुखा अ़आङ्‌ता, मोवात्‍निङा खानानिन्‌आ आम्‍नुओ हेन्‍कोप्‌दाओ म़नाचिलाम्‍पा दुखा त़आङ्‌तुम।