छाम्‍माय़ङ 14:26 - बान्‍तावा राई

²⁶ मोदाङ्‌का मोचि वाप्‍तेलादा वाङाचिकि एन्‍तिओखिया लासाखाराचि। मोदाओ साकोङ्‌छ़ङ कामुचिआ पावल खोन्‍कि बारनाबास म़छेन्‍तुचिकि निनाम्‍हाङ्‌ओ अ़चुय़ङ खाअ़लुचुने निकिना मोचि निनाम्‍हाङओ अ़चुसोम्‍तुक्‍मादा म़प़लाउयुङ्‌सुचिओ, मो काचि खोचिआ ओन्‍ग़रि अ़चिआयुङ्‌साचु।

छाम्‍माय़ङ 14:26 ပူးပေါင်းရင်းမြစ်များ

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 11:23

खो मोदा तालाकि निनाम्‍हाङ्‌आ मोचि आसिखा प़चिओ खाकिना ब़द्‍धे अ़ऩङानुवा। खोन्‍कि खोसाआ झारा अ़चुमिन्‍माआ हाङ्‌पाएदा सोम्‍कुवा म़मुयुङ्‌ने निकिना मोचि झारा राक प़चि।

छाम्‍माय़ङ 11:26

खोन्‍कि खोसाआ सावल धिरुकि एन्‍तिओखिया सहरादा लासुतारु। खोन्‍किना अ़क दोङ्‌तारि साम्‍भुङ्‌दाओ म़नाचिएनान मोचि यावायोक म़मुवायुङ्‌सा, खोन्‍कि अ़धिवाङ म़ना रुहुप्‌चि अ़चिन्‍ताचुचिन। खोन्‍कि एन्‍तिओखियादाओ म़नाचिआ काखेङ्‌चि बुयाओदु ख्रिस्‍तियान्‍चिनि म़लोचि।

छाम्‍माय़ङ 11:27

मोन्‍ग़रि खा-खाक्‍को निनाम्‍हाङ्‌य़ङ खाकालुचि यरुसलेम्‌दाङ्‌का एन्‍तिओखियायु म़धा।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:21

खोचिआ मो दर्बि सहरादा नुय़ङ्‌खान खाअ़एत्‍ताचुचिन, खोन्‍कि हाङ्‌पाएदा ब़द्‍धे काखेङ्‌चि म़लिसा। खोन्‍किना खोचि लुस्‍त्रा, आइकोनियन खोन्‍कि एन्‍तिओखिया लासाचि।

छाम्‍माय़ङ 14:23

पावल खोन्‍कि बारनाबास्‌आ झारा साम्‍भुङ्‌चिओ निम्‍पाङ ताङ्‌पाचि अ़छेन्‍ताचुचिन। खोन्‍कि खोचिओ निम्‍पाङ चा मान्‍चामाङ युङाचिकि याअ़मात्‍तापुवाचुचिन, खोन्‍कि खोचिआ साकोङ्‌छ़ङ अ़मुवाचुओ हाङ्‌पाआ म़खाचिने निकिना मोचि अ़पुवालावाचुचिन।

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 15:30

खोन्‍किना खोचि म़हासान्‍चिन्‌कि मो चारकापाङ यरुसलेम्‌दाङ्‌का एन्‍तिओखियायु म़धा, खोन्‍कि साम्‍भुङ्‌दाओ म़नाचि म़कोउचिकि मो छाप्‍लावा म़प़चि।

छाम्‍माय़ङ 15:40

मेन पावल्‌आ सिलास छेन्‍तु, खोन्‍किना साकोङ्‌छ़ङ कामुचिआ निनाम्‍हाङ्‌ओ अ़चुछुक्‌दा म़लेत्‍तुछोक्‍तुचि, खोन्‍कि खोचि म़छुत्‍तुखाइसुचि।

छाम्‍माय़ङ 20:32

हान अ़ङ्‌का खानानिन निनाम्‍हाङ्‌ओ खोन्‍कि खोक्‍कोसोओ अ़चुसोम्‍तुक्‍माओ य़ङ्‌दा पाक्‍नाङ्‌नानिन। निनाम्‍हाङ्‌ओ अ़चुय़ङ्‌आ खानानिन येसुएदा साकोङ्‌छ़ङ नुलोक मुमा त़ऱन्‍ने खोन्‍कि म़सेङ्‌सुचिओ झारा म़नाचिओ अ़चुरादा खानानिन आसिखा ऩप़न्‍ने।

रोमि 15:19

ओ म़दोम्‍दाओ काचिचि, सावापोरिओ बुन्‌चि, सेङ्‌लावाओ अ़चुसावालाम्‍पा अ़ङ्‌का मुङ्‌युङ्‌सुङ। ओवात्‍नि यरुसलेम्‌दाङ्‌का इल्‍लुरिकन भेप्‍लो झारादात्‍नि ख्रिस्‍तओ अ़चुनुय़ङ्‌खान अ़ङ्‌का खालुसुङ्‌युङ्‌सुङ।

२ कोरिन्‍थि 1:12

हेन्‍खामादा खोन्‍कि च़लोक्‌वा खानानिन्‌एनान्‌ओ आन्‍काओ तुप्‍मादा आन्‍कान्‍का काचि मुम्‍काहिदा ओ हेन्‍खामादाओ चाप्‍चाआ माआङ, मेन सेङ्‌लो खोन्‍कि अ़छ़ङ्‌दा आन्‍कान्‍का मुम्‍का। ओ य़ङ्‌दा आन्‍काओ ऩङानु, खोन्‍किना आन्‍काओ छेन्‍खातायाआछाङ मोसोओ अ़सालुम्‍स़ङ प़।

गलाति 2:11

मेन अ़क लेन केफास एन्‍तिओखियादा ता, खोन्‍कि अ़ङ्‌का खोसोओ अ़बुदाङा रुफोक्‍तुङ, देकिनालो खोसाआ काचि फिसुयुङ्‌सु।

कलस्‍सि 1:25

निनाम्‍हाङ्‌आ आम्‍नुओ निम्‍पाङ अ़ङ्‌का ऩपुवाङ्‌ओ पाङ्‌खुन्‌एनान खान्‍तुलो काचि मुङाकि निनाम्‍हाङ्‌ओ झारा अ़चुय़ङ खालुमा निम्‍पाङ अ़ङ्‌का साम्‍भुङ्‌ओ अ़हारुक लिसाङ।

कलस्‍सि 1:28

ख्रिस्‍त कात़ङ झारा म़नाचि आन्‍कान्‍का निनाम्‍हाङ्‌ओ अ़चुबुदा खात्‍तुम्‌योम्‍च़म्‍काहिदा खोचि म़पोन्‍चिन्‍ने निकिना आन्‍कान्‍का झारा म़नाचि चाप्‍चेत्‌याङ्‌सा खोन्‍कि झारा खारुदा चिन्‌याङ्‌सा ख्रिस्‍तओ अ़तुक्‌वादा खालुसुम्‍का।

कलस्‍सि 4:17

“खाना हाङ्‌पाएदाङ्‌का त़तोक्‍तुओ ब़त्‍मा काचि तासुलो”नि अर्खिप्‍पस लोवानुम।

२ तिमोथि 4:2

नुय़ङ्‌खान खालुसु, ग़रिदा खोन्‍कि मान्‍ग़रिदा चुम्‍सान्‌युङ्‌सान्‍चिन। हुङ्‌याङ्‌सा नुलोक चिन्‌याङ्‌सा यायोक प़चि, यासान्‍तुचि, खोन्‍कि राक प़चि।