20 मेन काखेङ्चि म़ताकि पावल्ओ अ़ऱङ्कोप्नि म़एवा, खोन्किना खो पुवालोन्ताकि सहराहुत्दा लासादिसा। खोन्कि अ़माङ्कोलेन बारनाबास्एनान दर्बि सहरादा खाराचि।
खोन्कि खोसाआ सावल धिरुकि एन्तिओखिया सहरादा लासुतारु। खोन्किना अ़क दोङ्तारि साम्भुङ्दाओ म़नाचिएनान मोचि यावायोक म़मुवायुङ्सा, खोन्कि अ़धिवाङ म़ना रुहुप्चि अ़चिन्ताचुचिन। खोन्कि एन्तिओखियादाओ म़नाचिआ काखेङ्चि बुयाओदु ख्रिस्तियान्चिनि म़लोचि।
खोन्किना एन्तिओखियादाओ झारा काखेङ्चिआ अ़चुतोक्मावा यहुदियादा कायुङ साकोङ्छ़ङ कामुचि फामा निकिना छेन्बि खान्मा अ़छ़ङ अ़मुवा।
मेन पत्रुस्आ मोचि “वाइवेत युङानिन”निकिना अ़छुक्चाला मेत्तुचि, खोन्कि हाङ्पाआ देत्नि छेक्खाखिम्दाङ्का अ़लोइसाओ मो य़ङ मोचि खाएत्तुचि। खोसाआ “ओवात्नि लिसाओ य़ङ याकुब खोन्कि नि साकोङ्छ़ङ कामुचि खाएत्तानुम्च़म”नि लोचि। खोन्किना खो मोदाङ्का हासान्चिन्कि नि दात्नि खारा।
खोचिआ येसु काखेङ्चि “लावामि ह़ङ्म़ङ्दा सावा खोन्कि साकोङ्छ़ङ मुवायुङ्सानिन” निकिना राक अ़पुवाचुचिन। “निनाम्हाङ्ओ अ़चुहाङ्होन्दा वाङ्मा आन्कान ब़द्धे दुखाचि आङ्माङादोत”नि खोचिआ अ़लोवाचुचिन।
खोन्किना खोचि मोदा काखेङ्चिएनान ब़द्धेकालेन्तारि युङाचि।
मेन खोचिआ ओ य़ङ अ़सिन्ताचु, खोन्कि खोचि लुकोनिया धिखाहुप्दा छुक्ताङाओ लुस्त्रा खोन्कि दर्बि सहरादा फुङ्साखाराचिकि
पावल खोन्कि सिलास दर्बिदा खोन्किना लुस्त्रादाछाङ खाराचि। मोदा तिमोथि अ़ऩङ मुवाङाओ अ़क्छा येसु काखेङ युङाङा। खो अ़क्छा साकोङ्छ़ङ कामुमा यहुदि मेत्छामाओ अ़दुवाछा छाओ, मेन खोसोओ अ़पा ग्रिक ओ।
पावल खोन्कि सिलास छेक्खाखिम्दाङ्का बुङ्खाया लोन्ताचिकि लिदियाओ अ़खिम्दा खाराचि। खोन्कि मोदा साकोङ्छ़ङ कामुचिएनान म़तुवाकि मोचि राक अ़पुवाचुचिन खोन्किना म़हासान्चिन।
मो काचेङ्वा सेम्ताकि पावल्आ येसु काखेङ्चि बुत्तुचिकि मोचि राक प़चि। खोन्किना खोचिएदाङ्का हासान्चिन्कि माकेदोनिया धिखाहुप्ह्यात्नि खारा।
आन्कान्का ऩसिन्तिन्कानुछाङ ऩसिन्तिमिन्येन्कावा म़च़। स़मादामा मुन्येन्कानुछाङ आन्कान्का ह़ङिन्येन्का। दन्दा काआङ्नुछाङ मान्सेत्ऩयुक्तिन्का।