छाम्‍माय़ङ 14:2 - बान्‍तावा राई

² मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 14:2 ပူးပေါင်းရင်းမြစ်များ

युहन्‍ना 3:36

साङ निनाम्‍हाङ्‌ओ अ़चुछाएदा साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक। साङ्‌आ निनाम्‍हाङ्‌ओ अ़चुछा ऩङाछिरु, मोसाआ ह़ङ्‌म़ङ अ़खान, मेन निनाम्‍हाङ्‌ओ अ़चुमाइसुङ मोएदा युङ्‌युङ।

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 13:45

मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:4

मेन सहरादाओ म़नाचि ह्‍वा रुहुप्‌दा म़हासान्‍चिन। देम्‍पाङ यहुदिचिएह्‍यात्‍नि खोन्‍कि देम्‍पाङ छाम्‍माय़ङ्‌चिएदात्‍नि म़वाङा।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 17:13

थेसलोनिकेदा म़युङाङाओ यहुदिचि बेरियादाछाङ म़तालाकि पावल्‌आ निनाम्‍हाङ्‌ओ अ़चुय़ङ खालुसुङुनिओ य़ङ अ़एनाकि पावल्‌ओ अ़देङ्‌सालाप्‍पादा मुक्‍लाचि म़चोङ्‌सुचि।

छाम्‍माय़ङ 17:5

मेन यहुदिचि ऩङ्‌च़ म़मुवा, खोन्‌ओसा हाताचिदाओ नामान्‍ल़क म़नाचि म़बुत्‍तुचिकिना रुहुप म़मुचि खोन्‍कि सहरादा अ़धिवाङ काचेङ्‌वा मुम़मेत्‍तुचि। मोचिआ पावल खोन्‍कि सिलास म़ना मुक्‍लाचिएदा लाम्‍माकि सात्‍मातात्‍माचि निकिना यासोन्‌ओ अ़खिम्‌दा म़झोम्‍तुचि।

छाम्‍माय़ङ 18:12

मेन गलियोन अखैया धिखाहुप्‌दाओ हाङ्‌काचि कामु लिसाहिदा यहुदिचि म़तोङाकि पावल अ़लावा, खोन्‍कि खो छ़ङ्‌छेन्‍खादा अ़तारा।

१ थेसलोनिकि 2:14

देकिनालो अ़ङ्‍ब़ब़, नाना खोन्‍कि निछाचि ओ, ख्रिस्‍त येसुदा साकोङ्‌छ़ङ कामु यहुदियादाओ निनाम्‍हाङ्‌ओ अ़चुसाम्‍भुङ्‌चि कात़ङ खानानिन त़लिसिन्‌युङ्‌सिन। देत्‍नि यहुदि साम्‍भुङ्‌चिआ अ़चुम़नाचिदाङ्‌का दुखा अ़आङ्‌ता, मोवात्‍निङा खानानिन्‌आ आम्‍नुओ हेन्‍कोप्‌दाओ म़नाचिलाम्‍पा दुखा त़आङ्‌तुम।