छाम्‍माय़ङ 13:45 - बान्‍तावा राई

⁴⁵ मेन यहुदि बुसुवाचिआ म़ना मुक्‍लाचि म़खाचिहिदा मोचि च़लोक ऩङ्‌च़ म़मुवा, खोन्‍कि पावल चेवाङाओ य़ङ्‍ओ अ़देङ्‌सालाप्‍पादा याअ़सान्‍ता।

छाम्‍माय़ङ 13:45 ပူးပေါင်းရင်းမြစ်များ

मत्‍ति 23:13

अ़चाअ़त्‍मादा त़छुक्‍तिन खानानिन य़ङ्‌हुप काचिन्‍पाचि खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो खानानिन्‌आ म़नाचिओ अ़चुबुदा निनाम्‍हाङ्‌होन्‌ओ अ़लाप्‍तिखोप त़छेक्‍तुम्‌योम। ना खानानिन त़वाङिन ना वाङ्‌मा कालाम्‌चि वाङ्‌मा त़प़म्‍च़म।

मत्‍ति 27:18

देकिनालो यहुदिचिओ अ़चुसाम्‌योक्‍मि अ़चुबुसुवाचिओ अ़चुऩङ्‌च़आ येसु खो अ़पुवालावाओ निकिना खोसाआ नुलोक सिन्‍तुङु।

छाम्‍माय़ङ 13:50

मेन यहुदि बुसुवाचिआ निनाम्‍हाङ कामित सायाकातोक निरावा मेत्‍छामाचि खोन्‍कि सहरादाओ अ़चुऩङ ऱङाओ म़नाचि म़थेन्‍तुचिकि पावल खोन्‍कि बारनाबास्‌ओ अ़चुदेङ्‌सालाप्‍पादा दुखा म़प़चि, खोन्‍कि अ़चुधिखाहुप्‌दाङ्‌का मोचि म़लोइसुखाइसुचि।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:2

मेन साकोङ्‌छ़ङ मान्‍मुकादा यहुदिचिआ निरावाचि म़थेन्‍तुचिकि हाङ्‌पाएदा साकोङ्‌छ़ङ कामुचिओ अ़चुदेङ्‌सालाप्‍पादा अ़चुमिन्‍मा अ़त्‍लो म़मेत्‍तुप़चि।

छाम्‍माय़ङ 14:4

मेन सहरादाओ म़नाचि ह्‍वा रुहुप्‌दा म़हासान्‍चिन। देम्‍पाङ यहुदिचिएह्‍यात्‍नि खोन्‍कि देम्‍पाङ छाम्‍माय़ङ्‌चिएदात्‍नि म़वाङा।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 17:5

मेन यहुदिचि ऩङ्‌च़ म़मुवा, खोन्‌ओसा हाताचिदाओ नामान्‍ल़क म़नाचि म़बुत्‍तुचिकिना रुहुप म़मुचि खोन्‍कि सहरादा अ़धिवाङ काचेङ्‌वा मुम़मेत्‍तुचि। मोचिआ पावल खोन्‍कि सिलास म़ना मुक्‍लाचिएदा लाम्‍माकि सात्‍मातात्‍माचि निकिना यासोन्‌ओ अ़खिम्‌दा म़झोम्‍तुचि।

छाम्‍माय़ङ 18:6

मेन यहुदिचिआ पावल ऩङाअ़छिरा, खोन्‍कि अ़सुङ्‌ता। खोसाआ अ़तित धाम्‍सुधान्‍तुकि मोचि लोचि, “निनाम्‍हाङ्‌एदाङ्‌का ताओ दन्‍दा खानानिन्‌ङा त़सिन्‍तिन! अ़ङ्‌का दित्‍छाङ अ़सिन्‍ऩङ! हान्‌दाङ्‌का अ़ङ्‌का निरावाचिएदा खात्‍ङा!”

छाम्‍माय़ङ 19:9

मेन खा-खाक्‍कोचि लुङ्‌ख़धेन म़मुवाकि साकोङ्‌छ़ङ मान्‍मुचि, खोन्‍कि झारासोओ अ़चुबुदा मोचि हाङ्‌पाओ अ़चुदेङ्‌सालाप्‍पादा अ़त्‍लो दुम म़मुवा। खोन्‌ओसा पावल्‌आ मोचि छिरुदोचि, खोन्‍कि काखेङ्‌चि खात्‍तुचिकि तुरान्‍नस तायाखिम्‌दा अ़लेन्‍खिन्‍तुम खालुमा पुक्‍तु।

छाम्‍माय़ङ 5:17

खोन्‍किना मुलो काब़क्‍पा खोन्‍कि सदुकि रुहुप्‌दाओ खोसोओ झारा अ़यावाचिआ छाम्‍माय़ङ्‌चिओ अ़चुदेङ्‌सालाप्‍पादा च़लोक ऩङ्‌च़ म़मुवा।

रोमि 1:29

मोचि झाराकापाराओ मान्‍साम्‌योक्‍मि, अ़अ़त्‍पा, च़क्‍ख़य़, चिप्‍मा, भेप्‍तुयुङ्‌सुचि। मोचि ऩङ्‌च़, सेत्‍मा, खिमामुमा, च़न्‍मा, रुफोक्‍मा, दुम्‍लुमा,

१ कोरिन्‍थि 3:3

हान्‍छाङ खानानिन हेन्‍खामादाओवात्‍निङा त़मुन्‌येन, देकिनालो आम्‍नुओ रादा ऩङ्‌च़ खोन्‍कि खिमा युङ्‌याङ्‍ओसा दि खानानिन पोक्‌दाओ माआङ कि? दि खानानिन ओ हेन्‍खामादाओ म़नाओ अ़च़माथाङ्‌मावा काच़ मान्‍लित़दान कि?

२ कोरिन्‍थि 11:26

अ़ङ्‌का अ़दु-अ़दु अ़ङ्‌कोन्‍खादा याङ्‌वामाचिओ क़मादा, काङाप्‌चिओ क़मादा, यहुदि आप्‍पि अ़ङ्‌म़नाचिदा खोन्‍कि निरावाचिओ क़मादा छुक्‍मादोरा। मोवात्‍निङा अ़ङ्‌ह़ङ्‌म़ङ सहराओ क़मादा, लेक्‍लेक्‍लेक्‌वाओ क़मादा, धियाङ्‌वामाओ क़मादा, सोज्‍जेओ ब़ब़, नाना खोन्‍कि निछाचिएदाङ्‌काओ क़मादा छुक्‍ताङ।

गलाति 5:21

माइसुङ, सेत्‍चावा, ताकावा काच़ खोन्‍कि नि ओवाको य़ङ्‌चि ओवाको निचि ओचिओ अ़तुक्‌वादा अ़ङ्‌का खानानिन चाप्‍चेत्‍नानिन। खोन्‍कि बुयाछाङ चाप्‍चेत्‍नानिन्‌ओ। साङ्‌आ ओवाको काचिचि मुचि, निनाम्‍हाङ्‌ओ अ़चुहाङ्‌होन्‌ओ आसिखाओ पाङ्‌यि अ़लिनिन।

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!

२ तिमोथि 3:11

खाना त़सिन्‍तुङु देम च़लोक अ़चाअ़त्‍माचि खोन्‍कि दुखाप़माय़ङ्‌चि एन्‍तिओखियादा, आइकोनियन्‌दा खोन्‍कि लुस्‍त्रादा अ़ङ्‌काएदा म़छुक्‍ता, खोन्‍कि दियाको अ़चाअ़त्‍माचि अ़ङ्‌का आङ्‌तुङ्‌च़ङ्‌नुछाङ मो झारादाङ्‌का हाङ्‌पाआ अ़ङ्‌का ऩलेइसाङ।

याकुब 4:5

“निनाम्‍हाङ्‌आ आन्‍कान्‌एदा म़पाक्‍तापुवाओ लावा अ़न्‍नुनु ऩङ्‌च़आ भेप्‍तुयुङ्‌सु”नि साम्‍कालिन्‌दा छाप्‌याङ्‌ओ य़ङ खानानिन्‌आ सोज्‍जेनि त़मित्‍तुम्‌योम?

१ पत्रुस 4:4

खानानिन मोचिएनान अ़क्‍नि अ़अ़त्‍पा काचिदा मान्‍कोन्‍त़दान्‌ओ ऩखान्‌कि मोचि दोम्‍तुदाङुचि, खोन्‍कि खानानिन रुऩफोक्‍तिन।

यहुदा 1:10

मेन मोचिआ दि ऩतुप्‍तुन, मो य़ङ्‌चि म़सुङ्‌तुचि। मोचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, खोन्‍कि मोचि दि म़मिन, मोवात्‍निङा मोचि म़च़, खोन्‌ओसा मोचि म़लुक।