छाम्‍माय़ङ 13:41 - बान्‍तावा राई

⁴¹ ‘एनानुम! खानानिन म़ना कासुङ्‌चि ओ, त़दोम्‍तिन्‍दान खोन्‍कि त़स़न्‍दान! देकिनालो आम्‍नुओ ग़रिदा अ़ङ्‌का अ़क्‌तात अ़चाअ़त्‍मा काचि मुङाङा, मो काचिओ अ़तुक्‌वादा खा-खाक्‍कोसाआ खानानिन खात़एत्‍तिन्‌नुछाङ आम्‍नुओ कोङ्‌दा अ़खात्‍निन।’”

छाम्‍माय़ङ 13:41 ပူးပေါင်းရင်းမြစ်များ

लुका 16:14

ओ झारा य़ङ्‌चि म़एनुचिकि फरिसिचिआ येसु अ़सुङ्‌ता। देकिनालो मोचि छेन्‍बि च़क्‍ख़य़ कामु म़याआङा।

लुका 23:35

म़नाचि म़एवाकि अ़चोआयुङ्‌साङा खोन्‍कि यहुदि बुसुवाचिआ सुङ्‌याङ्‌सा अ़लोवा, “ओसाआ निचि ना लेइसुचि। ओ निनाम्‍हाङ्‌आ छेन्‍तुओ कालेन्‍पा ख्रिस्‍त हाङ ओनालो आप्‍पिछाङ लेन्‍नान्‍चिन्‍ने।”

छाम्‍माय़ङ 13:47

देकिनालो हाङ्‌पाआ आन्‍काच्‍या ओवात्‍नि ऩलोवायुङ्‌साच्‍या, ‘हेन्‍खामाओ अ़थायातारि म़नाचि लेन्‍मा निम्‍पाङ, अ़ङ्‌का खाना निरावाचिओ अ़चुसाम लिसि छेन्‍नायुङ्‌ना।’”

छाम्‍माय़ङ 22:21

खोन्‍किना हाङ्‌पाआ अ़ङ्‌का ऩलोवाङ, ‘खारा, देकिनालो अ़ङ्‌का खाना अ़थायातारि अ़ङ्‌तुक्‌वादा निरावाचिएदा अ़ङ्‌सालुम्‍स़ङ प़सि खान्‍ना।’”

छाम्‍माय़ङ 3:23

खा-खाक्‍कोचिआ निनाम्‍हाङ्‌य़ङ खाकालुओ अ़य़ङ ऩएनुन, मोचि निनाम्‍हाङ्‌ओ अ़चुम़नाचिदाङ्‌का म़फेउचि।’

छाम्‍माय़ङ 6:14

देकिनालो ‘नासरत्‌ओ येसुआ ओ निनाम्‍हाङ ब़क्‍खाखिम अ़भुङ्‌खान, खोन्‍कि निनाम्‍हाङ्‌य़ङ खाकालु मोसाआ आन्‍कान म़पुवाओ च़माथाङ्‌माचि म़फान्‍प़’नि खो य़ङाओ आन्‍कान्‍का एनुम्‌युङ्‌सुम्‍का।”

१ थेसलोनिकि 2:16

मोचिआ आन्‍कान्‍का निरावाचि लेन्‍माओ नुय़ङ्‌खान खाएत्‍मा मान्‍प़ऩदान्‍का। मोवात्‍नि अ़धुन मोचिआ अ़चुहेवाचि पोन्‌याङ्‌सा अ़खात्‌याङ। मेन आदेङ मोचिएदा निनाम्‍हाङ्‌ओ अ़चुमाइसुङ छुक्‍तायुङ्‌सा!

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?