छाम्‍माय़ङ 13:39 - बान्‍तावा राई

³⁹ येसुएदा झारा साकोङ्‌छ़ङ कामुचि अ़चुहेवादाङ्‌का म़फोङ्‌सुचिकि निनाम्‍हाङ्‌आ साम्‌योक्‍मि म़काइसुचि। मेन मोसाओ अ़य़ङ्‌हुप्‌आ खानानिन मो हेवादाङ्‌का फोङ्‌मा मान्‍ऱत़दान्‌येन।

छाम्‍माय़ङ 13:39 ပူးပေါင်းရင်းမြစ်များ

लुका 10:25

अ़क्‍छा य़ङ्‌हुप काचिन्‍पाआ येसु चिन्‍खाङ्‌सि पुवालोन्‍ताकि सेनु, “काचिन्‍पो, अ़लुक्‍निन्‌ओ ह़ङ्‌म़ङ तोक्‍मा अ़ङ्‌का दे च़मादोत?”

लुका 10:28

येसुआ अ़लोवा, “खाना खोप्‍तालो य़ङ त़लासु। ओवात्‍नि चुवा खोन्‍कि खाना त़ह़ङ।”

लुका 18:14

अ़ङ्‌का खानानिन लोनानिन, ओ दाम्‍दु कालात मो फरिसिदाङ्‌का निनाम्‍हाङ्‌ओ अ़चुमिन्‍मावा काच़नि काइसाकि अ़खिम्‌ह्‍यात्‍नि खारा। देकिनालो साङ आप्‍पि झोन्‍नान्‍चिन, मो सिम, खोन्‍कि साङ आप्‍पि सिम्‍नान्‍चिन, मो झोन।”

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

छाम्‍माय़ङ 10:43

झारा निनाम्‍हाङ्‌य़ङ खाकालुचिआ ओक्‍को येसुओ अ़तुक्‌वादा सालुम्‍स़ङ अ़पुवायुङ्‌सा, ‘खोक्‍कोसोओ अ़चुऩङ्‌दा साकोङ्‌छ़ङ कामुचि साङ्‌नुछाङ निनाम्‍हाङ्‌आ अ़चुहेवाचि म़लेत्‍तुप़चि।’”

रोमि 10:10

देकिनालो म़नाआ अ़साकोङ्‌वाआ साकोङ्‌छ़ङ मु, खोन्‍कि मो खोप्‍लो कान, खोन्‍कि खोसाआ अ़दोआ लोउ खोन्‍कि मो अ़लेन।

रोमि 10:4

देकिनालो झारा साकोङ्‌छ़ङ कामु साम्‌योक्‍मि म़कान्‍ने निकिना ख्रिस्‍तआ य़ङ्‌हुप अ़तासाला।

रोमि 3:19

हान आन्‍कान सिन्‍तुम्‌योम, देत्‍नि य़ङ्‌हुप य़ङ्‌याङ, ओसाआ य़ङ्‌हुप्‌दा कायुङ्‌चि लोचि, खोन्‌ओसा झारा दोचि वाइवेत म़युङ्‌ने खोन्‍कि हेन्‍खामादाओ झारा म़नाचि निनाम्‍हाङ्‌आ अ़चुछ़ङ म़छेन्‍तुचि।

रोमि 3:20

खोन्‌ओसा य़ङ्‌हुप्‌ओ काचिआ खाक्‍को म़नाछाङ खोक्‍कोसोओ अ़चुबुदा साम्‌योक्‍मि अ़कान्‍निन, देकिनालो य़ङ्‌हुप्‌आङा आन्‍कान देम हेवामि मुन्‌येन्‌ओ खाङ्‌म़मु।

रोमि 4:15

देकिनालो म़ना य़ङ्‌हुप्‌वा च़मा अ़ऱनिन खोन्‌ओसा निनाम्‍हाङ्‌ओ अ़चुमाइसुङ ता। मेन य़ङ्‌हुप्‍ङा मात्‍द़ङ्‌नालो ना य़ङ्‌हुप फियाङ्‌सा हेवा मुमा काचिछाङ मान्‍लिओ।

रोमि 4:24

मेन आन्‍को निम्‍पाङ्‌छाङ ओ। आन्‍कान येसु आन्‍हाङ्‌पा म़सुदाओदाङ्‌का काखोन्‍लोन्‌एदा साकोङ्‌छ़ङ मुन्‍लो निनाम्‍हाङ्‌आ आन्‍कान्‌छाङ साम्‌योक्‍मि म़कान।

रोमि 5:1

मोवात्‍नि साकोङ्‌छ़ङ्‌लाम्‍पा निनाम्‍हाङ्‌आ आन्‍कान साम्‌योक्‍मि म़काइसायुङ्‌सा। खोन्‌ओसा हान आन्‍हाङ्‌पा येसु ख्रिस्‍तलाम्‍पा निनाम्‍हाङ्‌एदा आन्‍कान सेवाङ्‌नि ह़ङिन।

रोमि 5:20

झारा म़नाचिआ देम हेवा म़मुवायुङ्‌सा, मो अ़सिन्‍ने निकिना निनाम्‍हाङ्‌आ अ़चुय़ङ्‌हुप म़पुवा, मेन खादा हेवा पोया, मोदा सोमाम्‍तुक्‍माछाङ च़लोक पोया।

रोमि 5:9

खोक्‍कोसोओ अ़चुह़लाम्‍पा आन्‍कान साम्‌योक्‍मि काइसिन्‌ओसाआ अ़नुछ्‍याङा निनाम्‍हाङ्‌ओ अ़चुच़ऱपादाङ्‌का खोक्‍कोसाआ आन्‍कान म़लेन!

रोमि 8:1

खोन्‌ओसा हान ख्रिस्‍त येसुएनान अ़क्‍नि कालिचिएदा दन्‍दा मात्‍द़ङ।

रोमि 8:3

आन्‍को हेवामि आन्‍मित्‍माचि मान्‍ऱकादा म़लिसाओसा य़ङ्‌हुप्‌आ दि मुमा मान्‍ऱदो, मो निनाम्‍हाङ्‌आ अ़मुवा। निनाम्‍हाङ्‌आ आप्‍पिओ अ़चुछा अ़याङाकि आन्‍कान्‌वाको हेवामिचिओ आन्‍हेवाचिओ निम्‍पाङ हेन्‍खोक्‌वा अ़पुवाकि हेवाओ अ़क़म्‍मा आन्‍कान्‌एदाङ्‌का अ़लुक्‍ता।

रोमि 9:31

मेन इस्राएल्‌आ, य़ङ्‌हुप्‌दाओ साम्‌योक्‍मि त़ङ्‌तुनुछाङ, मो मान्‍तोक्‌दो।

१ कोरिन्‍थि 6:11

खा-खाक्‍को खानानिन्‌छाङ ओवाकोङा त़मुन्‌येन। मेन खानानिन वाऩस़न्‌युङ्‌सिन, खानानिन त़सेङिन्‌युङ्‌सिन, हाङ्‌पा येसु ख्रिस्‍तओ अ़चुऩङ्‌दा खोन्‍कि आन्‍निनाम्‍हाङ्‌ओ अ़चुलावालाम्‍पा खानानिन निनाम्‍हाङ्‌ओ अ़चुबुदा साम्‌योक्‍मि ऩकाइसिन्‌युङ्‌सिन।

गलाति 2:16

खोन्‍नुछाङ आन्‍कान सिन्‍तुम्‌योम, य़ङ्‌हुप्‌ओ काचिलाम्‍पा म़ना साम्‌योक्‍मि अ़कान्‍निन, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान। खोन्‌ओसा आन्‍कान्‌छाङ आन्‍साकोङ्‌छ़ङ ख्रिस्‍त येसुएदा युङ्‌सुम, मोवात्‍नि आन्‍कान य़ङ्‌हुप्‌ओ काचिलाम्‍पा माआङ, मेन येसु ख्रिस्‍तएदाओ साकोङ्‌छ़ङ्‌लाम्‍पा साम्‌योक्‍मि कान्‍मा ऱन्‍चिन्‍ने। देकिनालो य़ङ्‌हुप्‌ओ काचिलाम्‍पा साङ्‌छाङ साम्‌योक्‍मि अ़कान्‍निन।

गलाति 2:19

निनाम्‍हाङ्‌ओ निम्‍पाङ अ़ङ्‌का ह़ङ्‌मा ऱङाने निकिना य़ङ्‌हुप्‌ओ अ़तुक्‌वादा, अ़ङ्‌का य़ङ्‌हुप छिरुङ्‌चिउङ।

गलाति 3:8

निनाम्‍हाङ्‌आ निरावाचि साकोङ्‌छ़ङ्‌लाम्‍पाङा साम्‌योक्‍मि म़काइसुचिनि साम्‍कालिन्‌आ बुया खाकिना अब्राहाम “खानालाम्‍पाङा झारा रावाचिआ आसिखा अ़तोक” नि बुयाङा नुय़ङ्‌खान खाअ़एत्‍ता।

गलाति 5:3

सिप्‍मायाम्‍बुन कामु झारा म़नाओ निम्‍पाङ अ़ङ्‌का लासुङ्‌खालुसुङ, झारा य़ङ्‌हुप मुमा मो राकाङ्‌थेत्‍नि लि।

हिब्रु 10:11

मोसाओ अ़य़ङ्‌हुप्‌वात्‍नि काब़क्‍पाआ अ़क्‍निवाको हेन्‍खोक्‌वा अ़दु-अ़दु प़याङ्‌सा अ़लेन्‍खिन्‍तुम ब़क्‍खादा एप्‌कि ब़रुचि, मो हेन्‍खोक्‌वाआ देम्‍खाछाङ हेवा खान्‍मा अ़ऱन।

हिब्रु 10:4

देकिनालो बोयोङ्‌चि खोन्‍कि मेनेत्‍पाचिओ अ़चुह़आ हेवा खान्‍मा अ़ऱन।

हिब्रु 7:19

देकिनालो मोसाओ अ़य़ङ्‌हुप्‌आ दित्‍छाङ मान्‍तालादो। मेन मोदाङ्‌का च़लोक तामित्‍मा आन्‍कान्‌एदा याक्‌याङ खोन्‍कि ओलाम्‍पा आन्‍कान निनाम्‍हाङ्‌ओ अ़चुच़क्‌दा तामालामा ऱन।