36 खो ह़ङाङाओ ग़रि निनाम्हाङ्ओ अ़चुमित्चिऩङ्वा खो काचि मुवा, खोन्किना सुवादाकि अ़सुन्तुम्चिओ अ़चुच़क्दा दाउद अ़खुम्ता, खोन्कि खोसोओ अ़पोक कुवाखारा।
खोन्किना पाच्काबेखा हाराक्वाओ फेक्वा कातोक्आ च़क्नि खाराकि मो खित्मा इन्मा काचिदा पाउ, खोन्कि पाच्काबेखा च़लोक दुउ।
येसुआ म़लोचि, “लुङ चुमानुम।” सुवादाओ म़नाओ अ़ना मार्थाआ लो, “हाङ्पो, ओग़रि ना मो नाम्मा पुङ्सु, देकिनालो मो सुवादाओ चारकालेन लिसाचिआयुङ्सा।”
खोन्कि निनाम्हाङ्आ सावल हाङ्दाङ्का अ़लोइसाकि दाउद खोचिओ अ़चुहाङ अ़मुवा। खोसोओ अ़तुक्वादा निनाम्हाङ्आ सालुम्स़ङ अ़पुवा, ‘अ़ङ्का यिसैओ अ़छा दाउद धिरुङ्युङ्सुङ, खो अ़ङ्मिन्माआ चोओ म़ना ओ। अ़ङ्का मुमेत्तुङ्ओ झारा काचिचि खोसाआ मुचि।’
यहुदि ब़ब़, नाना खोन्कि निछाचि ओ, आन्सुन्तुम दाउद्ओ अ़तुक्वादा अ़ङ्का खानानिन राक्एनान खाएत्मा ऱनानिन। खो सुवादाकि अ़खुम्ता, खोन्कि खोसोओ अ़एप्मा आय़ओ लेन्तारि ओदा आन्कान्एदाङा युङ्याङ।
देकिनालो निनाम्हाङ्ओ झारा अ़चुमित्चिऩङ खानानिन खाएत्मा अ़ङ्का देङ्मान्दाङा।
खोन्किना खोसाआ अ़तुम्प़छ़क तोम्तुकि अ़धिवाङ य़ङ्आ पारा, “हाङ्पो, ओ अ़चुहेवाआ ओचि अ़धिरुन्चिन्ने!” ओन य़ङाचिआकि खोसोओ अ़साक्मा खारा।
स्तिफनस लुङ्ताक्आ वेन्मासेत्मादा सावल काङ्सा। मो लेन्ङा यरुसलेम्दा साम्भुङ्ओ अ़देङ्सालाप्पादा म़नाचिआ चाअ़त्लो दुखा प़मा म़पुक्तुचि। खोन्कि छाम्माय़ङ्चिदाङ्का नि झारा साकोङ्छ़ङ कामुचि यहुदिया खोन्कि सामरिया धिखाहुप्चिदात्नि म़रिसाखारा।
खोन्नालो खा-खाक्को ख्रिस्तदा म़सुवादाओचिछाङ म़लुक्ताखाराओ।
खोन्कि आदेङ्माङ, खोक्को अ़क्धुवा पाच सयेकापाङ्दाङ्का च़लोक ब़ब़, नाना खोन्कि निछाचिएदा खाङ्म़मुसान्चिन। मोचिएदाओ खा-खाक्कोचि म़सुवादाचिआनुछाङ ब़द्धेकापाङ आइमित्तारि म़युङ्याङ।
ब़ब़, नाना खोन्कि निछाचि ओ, म़सुवादाओचिओ अ़चुतुक्वादा खानानिन मान्सिन्कादा त़लिसिन्ओ आन्कान्का अ़मिनिमिन्का, माङ्लो अ़चुतामित्मा मान्द़ङ्ओ म़नाचिवात्नि खानानिन सोखा मुमा अ़दोत्निन।