छाम्‍माय़ङ 13:32 - बान्‍तावा राई

³² निनाम्‍हाङ्‌आ आन्‍सुन्‍तुम्‌चि म़हिप्‍तुचिओ अ़तुक्‌वादाओ नुय़ङ्‌खान आन्‍काच्‍या खानानिन खाएत्‍निङ्‌नि।

छाम्‍माय़ङ 13:32 ပူးပေါင်းရင်းမြစ်များ

लुका 1:19

निनाम्‍हाङ काफाआ य़ङ लासुप़, “अ़ङ्‌ऩङ गब्रिएल ओ। निनाम्‍हाङ्‌आ अ़ङ्‌का अ़धिवाङ पाङ ऩपुवाङ्‌युङ्‌साङ। खोक्‍कोसाआङा अ़ङ्‌का ओक्‍को ऩङानुमाओ य़ङ्‌खान खाना खाएत्‌सि ऩय़साङ्‌ओ।

लुका 2:10

खोन्‍कि निनाम्‍हाङ काफाआ मोचि लोचि, “मान्‍क़दानिन! एनानुम, अ़ङ्‌का झारा म़नाचिओ निकि अ़न्‍नुनु ऩङानुमाओ य़ङ्‌खान तारुङ्‌कि आम्‍नुओ बुदा ताङ्‌युङ्‌साङ।

छाम्‍माय़ङ 10:36

निनाम्‍हाङ्‌आ इस्राएलि म़नाचि म़हान्‍तुचिओ नुय़ङ्‌खान खानानिन त़सिन्‍तुम्‌योम। खोसाआ येसु ख्रिस्‍तलाम्‍पा खानानिन सेवाङ्‌निओ नुय़ङ्‌खान खाऩएत्‍तिन्‌युङ्‌सिन। खोक्‍कोङा झारासोओ आन्‍हाङ्‌पा ओ।

छाम्‍माय़ङ 13:23

खोन्‍कि ओ दाउद हाङ्‌ओ अ़छावारिचिलाम्‍पा निनाम्‍हाङ्‌आ म़हिप्‍तुचिवा इस्राएलिचिओ निम्‍पाङ अ़क्‍छा कालेन्‍पा येसु अ़तासा।

छाम्‍माय़ङ 13:38

खोन्‌ओसा अ़ङ्‌द़क्‍छाबुवाचि ओ, खानानिन्‌आ सिन्‍तानुम, ओ येसुलाम्‍पा निनाम्‍हाङ्‌आ आम्‍नुओ हेवा ऩलेत्‍तिन्‍प़न निकिना आन्‍काच्‍या खानानिन नुय़ङ्‌खान खाएत्‍निङ्‌नि।

छाम्‍माय़ङ 14:15

“यावाचि ओ, खानानिन देकिना ओवाको काचि त़मुन्‌येन? आन्‍काच्‍याछाङ खानानिन्‌वाको म़नाङा ओ। आन्‍काच्‍या खानानिन ओ सोज्‍जेओ य़ङ्‌चिदाङ्‌का अ़ह़ङ निनाम्‍हाङ्‌एदात्‍नि लासानिन निकि नुय़ङ्‌खान खुत्‍निकि तायुङ्‌साच्‍या। मोक्‍को निनाम्‍हाङ्‌आङा निनाम्‍मा, हेन्‍खामा, धियाङ्‌वामा खोन्‍कि मोदा म़याक्‌याङ्‌ओ झारा म़मुयुचि।

छाम्‍माय़ङ 26:6

निनाम्‍हाङ्‌आ आन्‍काओ सुन्‍तुम्‌चि म़हिप्‍तुचिओ य़ङ माय़ङ ताला निकिना सोम्‍कुवा मुङ्‌ओसा अ़ङ्‌का आय़ ओदा खानानिन्‌लाम्‍पा सेन्‍लुङाङा।

छाम्‍माय़ङ 3:19

खोन्‌ओसा हेवा मुमा छिरानुम्‌कि निनाम्‍हाङ्‌एदा लासानिन, खोन्‍किना निनाम्‍हाङ्‌आ आम्‍नुओ हेवाचि ऩलेत्‍तिन्‍प़न।

छाम्‍माय़ङ 5:42

खोन्‍कि मोचि अ़लेन्‍खिन्‍तुम निनाम्‍हाङ ब़क्‍खाखिम्‌दा खोन्‍कि म़नाचिओ अ़चुखिम-खिम्‌चिदा म़खाराकि येसुङा ख्रिस्‍त ओ निकिना चिन्‍मा खोन्‍कि नुय़ङ्‌खान खालुमा मान्‍छित्‌अ़दा।

रोमि 1:2

ओ नुय़ङ्‌खान निनाम्‍हाङ्‌आ निनाम्‍हाङ्‌य़ङ खाकालुचिलाम्‍पा सेङ्‌याङ्‌ओ साम्‍कालिन्‌दा बुयाङा म़हिप्‍तायुङ्‌सा।

रोमि 10:15

खोन्‍कि मोचि मान्‍खान्‍माङ्‌तारि मोचिआ देत्‍नि नुय़ङ्‌खान खालुमा? ओवात्‍नि छाप्‌याङ, “नुय़ङ्‌खान खाकालुचिओ अ़चुलाङ्‌चि देम खान्‍नुओ!”

रोमि 4:13

हेन्‍खामादाओ पाङ्‌यि लिमाओ निम्‍पाङ अब्राहाम खोन्‍कि खोसोओ अ़भुङ्‌चि म़प़चिओ हिप्‍माय़ङ, य़ङ्‌हुप्‌लाम्‍पा ताओ माआङ, मेन साकोङ्‌छ़ङ्‌लाम्‍पा साम्‌योक्‍मि अ़काइसाओसा ताओ।

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।