छाम्‍माय़ङ 13:23 - बान्‍तावा राई

²³ खोन्‍कि ओ दाउद हाङ्‌ओ अ़छावारिचिलाम्‍पा निनाम्‍हाङ्‌आ म़हिप्‍तुचिवा इस्राएलिचिओ निम्‍पाङ अ़क्‍छा कालेन्‍पा येसु अ़तासा।

छाम्‍माय़ङ 13:23 ပူးပေါင်းရင်းမြစ်များ

मत्‍ति 1:1

येसु ख्रिस्‍त हाङ दाउद्‌ओ भुङ खोन्‍कि अब्राहाम्‌ओ भुङ्‌दाङ्‌का म़ताओ। खोन्‍कि ओचिङा खोक्‍कोसोओ अ़चुओ भुङ्‌चि ओ।

मत्‍ति 1:21

मोसाआ अ़क्‍छा दुवाछा तोक्‍तु, खोन्‍कि खाना खोक्‍कोसोओ अ़चुऩङ येसु त़पाक्‍तु, देकिनालो खोक्‍कोसाआ अ़चुम़नाचिओ अ़चुहेवाचिदाङ्‌का म़लेइसुचि।”

मत्‍ति 21:9

खोन्‍कि येसुओ अ़चुबुदा काखात्‌चि खोन्‍कि अ़चुदेङ्‌दा कात़ङ्‌चि, म़पारा, “दाउद्‌ओ अ़छा होसन्‍ना! साङ हाङ्‌पा निनाम्‍हाङ्‌ओ अ़चुऩङ्‌दा म़ता, खोक्‍को निनाम्‍हाङ्‌आ आसिखा अ़प़ने! होसन्‍ना, निनाम्‍मादु कायुङ्‌ओसोओ अ़चुऩङ लोङ्‌ने!”

मत्‍ति 22:42

“ख्रिस्‍तओ अ़तुक्‌वादा देत्‍नि खानानिन त़मिनिन्‌येन? खोक्‍को साङ्‌को अ़छा ओ?” मोचिआ खोक्‍को अ़लासालोवा, “दाउद्‌ओ अ़छा ओ।”

लुका 1:69

खोक्‍कोसाआ आप्‍पिओ अ़चुहारुक दाउद्‌ओ अ़छावारिचिदाङ्‌का आन्‍को निकि अ़क्‍छा सावापोरिओ कालेन्‍पा अ़तासा।

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

युहन्‍ना 7:42

दि साम्‍कालिन्‌दा मान्‍छाप्‌युक, ख्रिस्‍त दाउद्‌ओ अ़भुङ्‌दाङ्‌का खोन्‍कि दाउद्‌ओ अ़तेन बेथलेहेम्‌दाङ्‌का म़ता?”

छाम्‍माय़ङ 13:32

निनाम्‍हाङ्‌आ आन्‍सुन्‍तुम्‌चि म़हिप्‍तुचिओ अ़तुक्‌वादाओ नुय़ङ्‌खान आन्‍काच्‍या खानानिन खाएत्‍निङ्‌नि।

छाम्‍माय़ङ 2:30

मेन दाउद अ़क्‍छा निनाम्‍हाङ्‌य़ङ खाकालु ओ, खोन्‌ओसा निनाम्‍हाङ्‌आ खोसोओ अ़छावारिदाङ्‌का अ़क्‍छा अ़चुहाङ्‌युङ्‌खादा अ़युङ निकिना निनाम्‍हाङ्‌आ हिप्‌याङ्‌सा किरे म़चाओ खोसाआ सिन्‍तुङु।

छाम्‍माय़ङ 3:26

खोन्‍कि खानानिन झारा इस्राएलिचि आम्‍नुओ अ़त्‍लो काचिचिदाङ्‌का लामाकि आसिखा प़मा निकिना निनाम्‍हाङ्‌आ अ़छेन्‍ताओ अ़चुछा येसु बुया खानानिन्‌एदा अ़य़सा।”

छाम्‍माय़ङ 4:12

खोन्‍कि येसुएदाङ्‌का नि साङ्‌आछाङ लेन्‍मा म़ऱनिन, देकिनालो ओ झारा हेन्‍खामादा आन्‍कान हेवादाङ्‌का लेन्‍मा निम्‍पाङ निनाम्‍हाङ्‌आ येसुओ अ़ऩङ ओन्‍ङा म़पुवायुङ्‌सा।”

रोमि 1:3

ओ नुय़ङ्‌खान निनाम्‍हाङ्‌ओ अ़चुछा आन्‍हाङ्‌पा येसु ख्रिस्‍तओ अ़तुक्‌वादाओ। खोक्‍को म़ना म़लिसाकि दाउद हाङ्‌ओ अ़भुङ्‌दाङ्‌का म़पुक्‍तान्‍चिन।

रोमि 11:26

मोवात्‍नि झारा इस्राएल लेत, ओवात्‍नि छाप्‌याङ, “कालेन्‍पा सियोन्‌दाङ्‌का म़ता, खोक्‍कोसाआ हेवादाङ्‌का याकुब अ़ला।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

२ पत्रुस 2:20

मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

२ पत्रुस 3:2

बुया सेङ्‌याङ्‌ओ निनाम्‍हाङ्‌य़ङ खाकालुचिआ खोन्‍कि आम्‍नुओ छाम्‍माय़ङ्‌चिलाम्‍पा खाअ़लुसाओ आन्‍हाङ्‌पा खोन्‍कि कालेन्‍पाओ अ़चुलोमाय़ङ खानानिन्‌आ मित्‍मादोत।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!

खाङ्‌मुमा 22:16

“अ़ङ्‌का येसुआ खानाएदा साम्‍भुङ्‌चिओ निम्‍पाङ ओ य़ङ्‌खान प़सि अ़ङ्‌को अ़ङ्‌काफा छुत्‍तुङ्‌युङ्‌सुङ। अ़ङ्‌का दाउद भुङ्‌ओ अ़भेन खोन्‍कि खोसोओ हाङ्‌कामु पाङ्‌यि कातोक ओ। अ़ङ्‌का अ़वाय़ङ लेत्‌याङ्‌ओ साङ्‌केन्‍मा ओ।”