छाम्‍माय़ङ 13:11 - बान्‍तावा राई

¹¹ हान एनु! हाङ्‌पाआ ओन्‍ग़रिङा खाना दन्‍दा त़प़, खोन्‍कि खाना अ़क्‍चित्‌तारि नाम्‍साम खाङ्‌माछाङ मान्‍ऱकादा दोप्‍म़क त़लि।” मोन्‍ग़रिङा माक्‍मुइवा खोन्‍कि कुइयामाआ खो भुक्‍तुखात्‍तु, खोन्‍किना खो कातित म़ना लाम्‌याङ्‌सा ओह्‍यात्‍नि-मोह्‍यात्‍नि खासोप्‍मा पुक्‍तु।

छाम्‍माय़ङ 13:11 ပူးပေါင်းရင်းမြစ်များ

युहन्‍ना 9:39

खोन्‍किना येसु म़य़ङा, “मान्‍खाङ्‌कादाचिआ अ़खाङ्‌ने खोन्‍कि काखाङ्‌चि दोप्‍म़क म़लिने। ओवाको छ़ङ्‌छेइसि अ़ङ्‌का ओ हेन्‍खामादा ताङ्‌ओ।”

छाम्‍माय़ङ 9:17

खोन्‍किना हननिया खाराकि यहुदाओ अ़खिम्‌दा वाङा। खोन्‍कि सावल्‌एदा अ़छुक युङ्‌सुकि लो, “सावल निछा, हाङ्‌पा येसु खाना त़बानाङाओ लाम्‌दा खानाएदा खाङ्‌म़मुसान्‍चिन, खोसाआङा अ़ङ्‌का खाना लामाखाखाङ्‌मा त़ऱने खोन्‍कि सेङ्‌लावाआ त़भेप्‍ने निकिना अ़ङ्‌का ऩछुत्‍ताङ्‌युङ्‌साङ।”

रोमि 11:25

ब़ब़, नाना खोन्‍कि निछाचि ओ, आम्‍नुओ आप्‍पिओ तोक्‍पोदा काले लिमा त़लामिन हे निकिना खानानिन्‌आ ओ अ़कोङ्‌दुम त़तुप्‍तुम्‍नेनि अ़ङ्‌का मिन्‍ङाङा। तामादोत्‌ओ झारा निरावाचि ख्रिस्‍तदा ऩतानिन्‌तारि इस्राएलिचिओ अ़चुसाकोङ्‌वा छाक्‍लो लि।

हिब्रु 10:31

अ़ह़ङ निनाम्‍हाङ्‌ओ अ़चुछुक्‌दा छुक्‍मा क़माकात्‌ओ य़ङ ओ।

२ पत्रुस 2:17

मोचि सिप्‍तुदोओ चाक्‌वाओ अ़लोन्‍खावा म़मुयाङ। मोचि कुह़क्‍माआ मुत्‍तुखात्‍तुओ य़वारिवाको म़मुयाङ। मोचिओ निम्‍पाङ निनाम्‍हाङ्‌आ कुन्‍चियाधेक्‍धेक्‌ओ कुन्‌यामा अ़च़क्‍तायुङ्‌सा।