छाम्‍माय़ङ 11:22 - बान्‍तावा राई

²² ओ य़ङ्‌खान यरुसलेम्‌दाओ साम्‍भुङ्‌दा म़नाचिआ अ़एना, खोन्‍कि मोचिआ बारनाबास एन्‍तिओखियादा अ़छुत्‍ताखाइसा।

छाम्‍माय़ङ 11:22 ပူးပေါင်းရင်းမြစ်များ

छाम्‍माय़ङ 11:1

यहुदियादा कायुङ छाम्‍माय़ङ्‌चि खोन्‍कि नि साकोङ्‌छ़ङ कामुचिआ निरावाचिआछाङ निनाम्‍हाङ्‌ओ अ़चुय़ङ्‌दा साकोङ्‌छ़ङ म़मुवाओ अ़एना।

छाम्‍माय़ङ 11:19

स्‍तिफनस अ़सेराकि दुखा प़मा म़पुक्‍तुचिओ ग़रि साकोङ्‌छ़ङ कामुचि झारादात्‍नि म़रिसाखाराओचिआ यहुदिचिओ अ़चुरादा ओन्‍ङा नुय़ङ्‌खान खाएत्‌याङ्‌सा फोनिके, साइप्रस खोन्‍कि एन्‍तिओखियातारि म़कोला।

छाम्‍माय़ङ 11:20

मेन मोचिएदा खा-खाक्‍को साइप्रस खोन्‍कि कुरेनिदाओ साकोङ्‌छ़ङ कामुचि एन्‍तिओखियादा म़खाराकि ग्रिक्‌चिछाङ हाङ्‌पा येसुओ अ़चुनुय़ङ्‌खान खाम़एत्‍तुचि।

छाम्‍माय़ङ 11:26

खोन्‍कि खोसाआ सावल धिरुकि एन्‍तिओखिया सहरादा लासुतारु। खोन्‍किना अ़क दोङ्‌तारि साम्‍भुङ्‌दाओ म़नाचिएनान मोचि यावायोक म़मुवायुङ्‌सा, खोन्‍कि अ़धिवाङ म़ना रुहुप्‌चि अ़चिन्‍ताचुचिन। खोन्‍कि एन्‍तिओखियादाओ म़नाचिआ काखेङ्‌चि बुयाओदु ख्रिस्‍तियान्‍चिनि म़लोचि।

छाम्‍माय़ङ 11:27

मोन्‍ग़रि खा-खाक्‍को निनाम्‍हाङ्‌य़ङ खाकालुचि यरुसलेम्‌दाङ्‌का एन्‍तिओखियायु म़धा।

छाम्‍माय़ङ 15:2

पावल खोन्‍कि बारनाबास मो य़ङ्‌दा मोचिएनान मान्‍तोङ्‌चिकि चाअ़त्‍लो दुम तुसाचि। खोन्‌ओसा मोदाओ साकोङ्‌छ़ङ कामुचिआ आदेङ पावल खोन्‍कि बारनाबास्‌किना निचिछाङ ओ सेन्‍माय़ङ्‌ओसो अ़तुक्‌वादा छाम्‍माय़ङ्‌चि खोन्‍कि ताङ्‌पाचिएनान यायोक्‍सि यरुसलेम खान्‍माचि निकिना म़छेन्‍तुचि।

छाम्‍माय़ङ 15:22

खोन्‍किना छाम्‍माय़ङ्‌चिकि ताङ्‌पाचि खोन्‍कि यरुसलेम साम्‍भुङ्‌दाओ झारा म़नाचि म़तोङाकि अ़चुरादाङ्‌का पावल खोन्‍कि बारनाबास्‌एनान एन्‍तिओखियादा देम्‌कापाङ म़नाचि खान्‍मा अ़छ़ङ अ़मुवा। खोचिआ बारसाबास्‌नि लोवाङाओ यहुदा खोन्‍कि सिलास म़छेन्‍तुचि। खोचि मो साकोङ्‌छ़ङ कामुचिएदाओ बुसुवाचि ओ।

छाम्‍माय़ङ 18:22

पावल कैसरिया सहरादाओ वाप्‍तेला नान्‍खादा लोन्‍ता, खोन्‍कि खो यरुसलेम्‌दु लोन्‍ताकि मोदाओ साम्‍भुङ सेवा मेत्‍तु, खोन्‍किना एन्‍तिओखियाह्‍युत्‍नि धा।

छाम्‍माय़ङ 6:5

खोन्‍कि मो अ़युङ्‌साओ य़ङ रुहुप्‌दाओ झारासाआ ऩङाअ़नुसा, खोन्‍किना मोचिआ सेङ्‌लावाआ खोन्‍कि साकोङ्‌छ़ङ्‍आ भेप्‍तुचिओचि स्‍तिफनस, फिलिप, प्रखरस, निकनोर, तिमोन, पर्मिनास, खोन्‍किना एन्‍तिओखिया सहरादाओ निरावा निकोलाउस म़छेन्‍तुचि, खो बुयाङे यहुदि साम्‌योक्‌दा वाङाचिआयुङ्‌सा।

छाम्‍माय़ङ 8:14

सामरिया सहरादाओ म़नाचिआ निनाम्‍हाङ्‌ओ अ़चुय़ङ्‌दा साकोङ्‌छ़ङ अ़मुवाओ अ़एनाकि यरुसलेम्‌दा म़युङाङाओ छाम्‍माय़ङ्‌चिआ पत्रुस खोन्‍कि युहन्‍ना मोचिएदा म़छुत्‍तुचि।

छाम्‍माय़ङ 9:27

मेन बारनाबास्‌आ सावल छाम्‍माय़ङ्‌चिएदा खात्‍तु। खोन्‍कि सावल्‌आ लाम्‌दा येसु देत्‍नि खाओ, खोन्‍कि हाङ्‌पा खोएनान म़हान्‍ताओ, खोन्‍कि खो दमस्‍कस्‌दा राक्‌एनान येसुओ अ़चुतुक्‌वादा खालुसुओ य़ङ मोचि खाएत्‍तुचि।

गलाति 2:11

मेन अ़क लेन केफास एन्‍तिओखियादा ता, खोन्‍कि अ़ङ्‌का खोसोओ अ़बुदाङा रुफोक्‍तुङ, देकिनालो खोसाआ काचि फिसुयुङ्‌सु।

१ थेसलोनिकि 3:6

मेन तिमोथि खानानिन्‌एदाङ्‌का आन्‍कान्‍काएदा लासाबानायुङ्‌सा, खोन्‍कि आम्‍नुओ साकोङ्‌छ़ङ खोन्‍कि आम्‍नुओ सोमातुक्‍माओ अ़तुक्‌वादा नुय़ङ्‌खान आन्‍कान्‍काएदा बात्‍तुयुङ्‌सु। खानानिन्‌आ आन्‍कान्‍का अ़धुन सोमातुक्‌याङ्‌सा त़मित्‍निङ्‌निओ खोन्‍कि खानानिन आन्‍कान्‍का खाङ्‌मा स़न्‌येन्‍कावात्‍निङा खानानिन्‌छाङ आन्‍कान्‍का खाङ्‌मा त़स़न्‌येन्‌ओ य़ङ आन्‍कान्‍का खाअ़एत्‍तिन युङ्‌सिन्‍का,।