छाम्‍माय़ङ 10:38 - बान्‍तावा राई

³⁸ खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 10:38 ပူးပေါင်းရင်းမြစ်များ

मत्‍ति 12:15

येसुआ मोचिओ अ़चुय़ङ अ़सिन्‍ताकि मोदाङ्‌का म़खारालावा। ब़द्‍धेकापाङ्‌आ खोक्‍को अ़त़ङ्‌ता, खोन्‍कि खोक्‍कोसाआ मोचि झारा म़नुसुचि।

मत्‍ति 12:28

मेन मोवात्‍नि अ़ङ्‌का निनाम्‍हाङ्‌ओ अ़चुलावालाम्‍पा चाकावालावाचि लोइसुङ्‌योङ्‌च़ङ्‌नालो निनाम्‍हाङ्‌ओ अ़चुहाङ्‌होन खानानिन्‌एदा ताचिआयुङ्‌सा।

मत्‍ति 9:19

येसु म़पुवालोन्‍ताकि याइरस्‌एनान म़खारा, खोन्‍कि अ़चुकाखेङ्‌चिआछाङ म़त़ङ्‌तुचि।

मत्‍ति 9:35

येसु झारा सहराचि खोन्‍कि तेन्‍चिदात्‍निओ अ़चुयावायोक्‍खिम्‌चिदा चिन्‌याङ्‌सा, निनाम्‍हाङ्‌होन्‌ओ अ़तुक्‌वादा नुय़ङ्‌खान खालुयाङ्‌सा, झाराकापाराओ अ़चुसारिमा खोन्‍कि अ़चुमान्‍ऱदामादा नुयाङ्‌सा म़कोला।

मर्कुस 6:6

खोन्‍कि मोचिआ साकोङ्‌छ़ङ मान्‍मुअ़दाओ अ़खाकि येसु दोम्‍तुदो। खोन्‍किना खोक्‍को झारा तेन्‌चिदात्‍नि चिन्‌याङ्‌सा म़खाराङा।

लुका 3:22

खोन्‍कि सेङ्‌लावा साप्दुकुत्‌वावात्‍नि खोक्‍कोएदा म़धान्‍तान्‍चिन। खोन्‍कि निनाम्‍मादुङ्‌का अ़क्‌तात ओवाको य़ङ ता, “खाना अ़ङ्‌को अ़ङ्‌छा ओ। अ़ङ्‌का खाना सोमातुक्‍नाङ्‌ना। खानाएदा अ़ङ्‌को ब़द्‍धे अ़ङ्‌ऩङानुयाङ।”

लुका 4:18

“हाङ्‌पाओ सेङ्‌लावा अ़ङ्‌काएदा याक्‌याङ। देकिनालो मान्‍तोक्‍कादाचि नुय़ङ्‌खान खाएत्‌सि अ़ङ्‌का ऩछेन्‍ताङ्‌युङ्‌साङ। म़छेक्‌याङ्‍ओचि लेत्‍लोइसि, दोप्‍म़क्‌चि खाकाखाङ मुसि, तिम्‍माछ़न्‍मादा म़छुक्‍ताओचि फोङ्‌लोइसि,

लुका 9:42

मेन मो बानाङाहिदाङा पोप्‍ताओ लावा मो धाम्‍सुकि धुन्‍मेत्‍तु, खोन्‍कि येसुआ मो पोप्‍ताओ लावा अ़रेन्‍ता, मोवात्‍नि मो छा अ़नुसाकि मोसोओ अ़पा अ़लासापुवा।

लुका 9:56

अ़ङ्‌का म़नाओ अ़छा ना म़नाचि लुक्‍सि युवाङ्‌ओ माआङ, मेन मोचि लेइसि युवाङ्‌ओ।”] खोन्‍कि खोचि नि तेन्‌ह्‍यात्‍नि म़खारा।

युहन्‍ना 10:32

मेन येसुआ मोचि म़लोचि, “अ़ङ्‌का अ़ङ्‌पापालाम्‍पा ब़द्‍धे अ़नुवाक काचिचि खानानिन खाङ्‌मेत्‍नायुङ्‌नानिन। मोचिदाङ्‌का खाक्‍को काचिआ आम्‍नुओ मान्‍सुङ काराकि लुङ्‌आ अ़ङ्‌का वेन्‍मा त़लाप्‍ङाङाऩङ?”

युहन्‍ना 16:32

खानुम, ग़रि तायाङ, अ़नुछ्‍याङा ताचिआयुङ्‌सा, खानानिन त़रिसिन्‍खारिन खोन्‍कि झारा आम्‍नुओ खिम्‌दा त़खारिन, खोन्‍कि अ़ङ्‌का ओन्‍ङा त़छित्‍ङादाङाऩङ। खोन्‍नुछाङ अ़ङ्‌का आप्‍पि ओन्‍ङा अ़लिऩङ, देकिनालो अ़ङ्‌पापा अ़ङ्‌काएनान म़युङ्‌याङ।

युहन्‍ना 3:2

खो अ़खाखुत येसुएदा ता, खोन्‍कि खोक्‍को लो, “रब्‍बि, आन्‍कान्‍का सिन्‍तुम्‌योम्‍का खानानिन निनाम्‍हाङ्‌एदाङ्‌का त़तान्‌ओ काचिन्‍पा ओ। देकिनालो निनाम्‍हाङ मात्‍द़ङ खानानिन्‌आ त़मुम्‍च़म्‌ओ ओ बुन्‌चि साङ्‌आछाङ मुमा ऩऱन्‍चिन।”

युहन्‍ना 3:34

देकिनालो साङ निनाम्‍हाङ्‌आ अ़छुत्‍तायुङ्‌सा, निनाम्‍हाङ्‌ओ अ़चुय़ङ मोसाआ चेउ, देकिनालो निनाम्‍हाङ्‌आ च़लोक सेङ्‌लावा अ़प़।

युहन्‍ना 6:27

लुक्‍खात्‌ओ चामायुओ निम्‍पाङ काचि मान्‍मुदानिन, मेन अ़लुक्‍निन्‌ओ ह़ङ्‌म़ङ काप़ चामायुओ निम्‍पाङ काचि मुवानिन। मो चामायु म़नाओ अ़छाआ खानानिन ऩप़न। देकिनालो पापा निनाम्‍हाङ्‌आ म़नाओ अ़चुछाएदा अ़चुओ सेप्‍मा पाङ अ़पुवायुङ्‌सा।”

छाम्‍माय़ङ 10:37

येसुओ अ़चुकाचिचि युहन्‍नाओ बप्‍तिस्‍मा प़मा काचि चिआकिना गालिल धिखाहुप्‌दाङ्‌का पुङ्‌सुकि झारा यहुदिया धिखाहुप्‌दा म़लिसाओ निकिना खानानिन्‌आ त़सिन्‍तुम्‌योम्‍च़म।

छाम्‍माय़ङ 2:22

इस्राएल म़नाचि ओ, ओ य़ङ्‌चि एनानुम्‍च़म! नासरत्‌ओ येसु आम्‍नुओ बुदा निनाम्‍हाङ्‌आ सावा काचिचि, म़दोम्‍दाओ काचिचि खोन्‍कि बुन्‍चिलाम्‍पा अ़य़साओ निकिना खाङ्‌अ़मुसा। मो खानानिन नुलोक त़सिन्‍तुम्‌योम।

हिब्रु 1:9

खानानिन्‌आ साम्‌योक सोमात़तुक्‍तुम्‌युङ्‌सुम, खोन्‍कि अ़त्‍लो ऩङात़छिरुम्‌युङ्‌सुम। खोन्‌ओसा निनाम्‍हाङ, आम्‍नुओ निनाम्‍हाङ्‌आ खानानिन आम्‍नुओ यावाचिदाङ्‌का च़लोक ऩङानुमाओ आक्‌वाआ ऩथोक्‍तिन्‌कि ऩछेन्‍तिन्‌युङ्‌सिन।”

१ पत्रुस 5:8

चाप्‍चेत्‍तानिन्‍चिन खोन्‍कि चाप्‍चाप्‍चाप्‌वा युङानिन! आम्‍नुओ ङेङ सैताना काङुन धिनारावात्‍नि साङ धित्‍माकि चामा निकिना खालाम्‍सा हुलुक।

१ युहन्‍ना 2:20

मेन खानानिन सेङ्‌याङ्‌ओ निनाम्‍हाङ्‌लाम्‍पा ऩछेन्‍तिन्‌युङ्‌सिन, खोन्‍कि खानानिन झारासा अ़छ़ङ त़सिन्‍तुम्‌योम।

१ युहन्‍ना 3:8

साङ हेवा मु, खो सैतानादाङ्‌का ओ, देकिनालो सैतानाआ ना अ़पुङ्‌चिपुक्‌दाङ्‌काङा हेवा मुवायुङ्‌सा। निनाम्‍हाङ्‌ओ अ़चुछा खाङ्‌मुमान्‍चिन्‌ओ अ़तुक्‌वा ना सैतानाओ अ़काचिचि लुक्‍मा दोराङाओ।