छाम्‍माय़ङ 10:34 - बान्‍तावा राई

³⁴ खोन्‍किना पत्रुस्‌आ चेप्‍मा पुङ्‌सु, “अ़नुछ्‍याङा अ़ङ्‌का नुलोक सिन्‍तुङ्‌योङ, निनाम्‍हाङ साङ लिप्‍पाछाङ ऩवाङ्‌निन।

छाम्‍माय़ङ 10:34 ပူးပေါင်းရင်းမြစ်များ

मत्‍ति 22:16

फरिसिचिआ अ़चुकाखेङ्‌पाचि हेरोदि रुहुप्‌दाओ म़नाचिएनान खोक्‍कोएदा म़खाइसुचि। मोचि म़य़ङा, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़नुवाक त़मुन्‌येन, खोन्‍कि निनाम्‍हाङ्‌ओ अ़चुलाम अ़छ़ङ खात़चिन्‍तिन, खोन्‍कि खानानिन साङ्‌एदाङ्‌काछाङ त़क़सिमिन, देकिनालो खानानिन म़नाचि खाङ्‌याङ्‌सा काचि त़मुन्‍मिन।

मत्‍ति 5:2

खोन्‍कि खोक्‍कोसाआ मोचि चिन्‍मा म़पुक्‍तुचि,

लुका 20:21

खोन्‍किना खाकासुक्‌चिआ येसु अ़सेना, “काचिन्‍पो, आन्‍कान्‍का सिन्‍तुम्‌योम्‍का, खानानिन अ़छ़ङ त़चेविन खोन्‍कि त़चिन्‍तुम्‍च़म, खोन्‍कि खानानिन साङ्‌लिप्‍पाछाङ त़वाङिमिन, मेन खानानिन निनाम्‍हाङ्‌ओ अ़चुलाम अ़छ़ङ खात़चिन्‍तिन।

छाम्‍माय़ङ 10:33

खोन्‍किना च़क्‍नि अ़ङ्‌का खानानिन बुत्‍सि म़नाचि छुत्‍तुङ्‌च़ङ, खोन्‍कि खानानिन ओदा त़बानिन्‌ओ नुलोक लिसा। हान हाङ्‌पाआ खानानिन आन्‍काओ निम्‍पाङ ऩलोन्‌ओ य़ङ्‌चि एन्‍सि झारा आन्‍कान्‍का निनाम्‍हाङ्‌ओ अ़चुबुदा युङिन्‌येन्‍का।”

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

छाम्‍माय़ङ 8:35

खोन्‍किना फिलिप्‌आ ओ साम्‍कालिन्‌ओ अ़धाङ्‌दाङ्‌का पुङ्‌सुकिना येसुओ अ़तुक्‌वादा नुय़ङ्‌खान खो खाएत्‍तु।

रोमि 2:11

देकिनालो निनाम्‍हाङ्‌आ लिप्‍पा खाङ्‌ऩमुसुन।

रोमि 3:29

दि निनाम्‍हाङ यहुदिचिओ ओन्‍ङा अ़चुनिनाम्‍हाङ ओ कि? माआङ! दि खोक्‍को निरावाचिओछाङ अ़चुनिनाम्‍हाङ माआङ कि? उवा, खोक्‍को निरावाचिओछाङ अ़चुनिनाम्‍हाङ ओ।

गलाति 2:6

खा-खाक्‍को अ़चुऩङ्‌ऱङाओ तोक्‍पो बुसुवाचिनि म़लोवाङाओ म़नाचि म़युङाङानुछाङ ओसाआ अ़ङ्‌का देत्‍छाङ अ़सिन्‍ऩङ। निनाम्‍हाङ्‌आ म़नाओ अ़ङाइवा अ़खाङ्‌कि छ़ङ ऩछेन्‍निन। अ़ङ्‌का य़ङ्‌ङा, मोचिआ अ़ङ्‌य़ङ्‌खान्‌दा दित्‍छाङ मान्‍तेप्‌अ़दा।

एफिसि 6:9

खोन्‍कि हाङ्‌पाचि ओ, आम्‍नुओ हारुक्‌चिएनान मोवात्‍निङा चुवानिन, खोन्‍कि दुङ्‌तिम मुमा छिरानुम, देकिनालो खानानिन त़सिन्‍तुम्‌योम, ह़वाङ्‌माङ्‍ओ आम्‍नुओ हाङ्‌पा निनाम्‍मादु म़युङ्‌याङ, खोन्‍कि खोक्‍को लिप्‍पा ऩवाङ्‌निन।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।

कलस्‍सि 3:25

खोन्‍कि आप्‍पि मुमाय़ङ अ़अ़त्‍पा काचिओ अ़सिवा अ़त्‍लो काच़चिआ अ़लातोक, देकिनालो निनाम्‍हाङ्‌लिप्‍पा मान्‌वाङ्‌माङ छ़ङ म़छेन।

याकुब 2:1

अ़ङ्‍ब़ब़, नाना खोन्‍कि निछाचि ओ, साम्‍स़रिओ आन्‍हाङ्‌पा येसु ख्रिस्‍तएदा साकोङ्‌छ़ङ कामु त़लिसिन्‌ओसा खानानिन साङ्‌लिप्‍पाछाङ मान्‌वाङ्‌दानिन।

याकुब 2:4

दि खानानिन्‌आ आम्‍नुओ रादाङा लिप्‍पावाङ्‌मा खाङ्‌मान्‍मुत़दोम, खोन्‍कि अ़त्‍लोकामिन छ़ङ्‌काछेन मान्‍लित़दान कि?

याकुब 2:9

मेन खानानिन्‍लिप्‍पा त़वाङिन्‌येन्‌नालो हेवा त़मुन्‌येन, खोन्‍कि य़ङ्‌हुप्‌आ य़ङ्‌हुप काफि त़काइसिन।

१ पत्रुस 1:17

साङ्‌लिप्‍पाछाङ मान्‌वाङ्‌माङ झारासोओ काचिदा छ़ङ्‌काछेन निनाम्‍हाङ खानानिन्‌आ “आपो”नि य़ङ्‌सा त़ब़क्‍तुम्‌नालो ओ हेन्‍खामादा निहेन्‍कोप्‌दाओवा त़युङिन्‌येन्‌हिदा आम्‍नुओ च़माथाङ्‌मादा खोक्‍को साया मेत्‍तानुम।