छाम्‍माय़ङ 10:23 - बान्‍तावा राई

²³ खोन्‍किना पत्रुस्‌आ मो म़नाचि खिम्‍हुत्‌दा बुत्‍तुचिकि साऩङ्‌वा मेत्‍तुचि। खोन्‍कि अ़माङ्‌कोलेन पत्रुस चुम्‍सान्‍चिन्‌कि मोचिएनान खारा। खोन्‍कि योप्‍पादाओ साकोङ्‌छ़ङ कामुचिछाङ थोरेत खोएनान अ़क्‍नि म़खारा।

छाम्‍माय़ङ 10:23 ပူးပေါင်းရင်းမြစ်များ

छाम्‍माय़ङ 1:15

खोन्‍कि अ़क्‌लेन पत्रुस पुवालोन्‍ताकि साकोङ्‌छ़ङ कामुचिओ अ़चुरादा चेप्‍मा पुङ्‌सु, मोदा आप्‍फात अ़क सये बिस्‌कापाङ हाङ्‌पा येसुदा साकोङ्‌छ़ङ कामु म़नाचि म़कोवान्‌युङ्‌सान्‍चिन।

छाम्‍माय़ङ 10:29

खोन्‌ओसा खानानिन्‌आ अ़ङ्‌का त़बुत्‍ताङ्‌याङ्‌ऩङ्‌वा देत्‍छाङ मान्‌य़ङ्‌माङ अ़ङ्‌का बानाङ। हान अ़ङ्‌का लोनि, देकि खानानिन्‌आ अ़ङ्‌का त़बुत्‍निओ?”

छाम्‍माय़ङ 10:33

खोन्‍किना च़क्‍नि अ़ङ्‌का खानानिन बुत्‍सि म़नाचि छुत्‍तुङ्‌च़ङ, खोन्‍कि खानानिन ओदा त़बानिन्‌ओ नुलोक लिसा। हान हाङ्‌पाआ खानानिन आन्‍काओ निम्‍पाङ ऩलोन्‌ओ य़ङ्‌चि एन्‍सि झारा आन्‍कान्‍का निनाम्‍हाङ्‌ओ अ़चुबुदा युङिन्‌येन्‍का।”

छाम्‍माय़ङ 10:45

खोन्‍कि सेङ्‌लावाओ आसिखा निरावाचिछाङ निनाम्‍हाङ्‌आ म़प़चिओ अ़खाकि पत्रुस्‌एनान अ़क्‍नि काबान यहुदि साकोङ्‌छ़ङ कामुचि दोम्‍तुदोचि,

छाम्‍माय़ङ 11:12

खोन्‍कि ‘आम्‍ऩङ्‌मान्‍छुन्‍माङ मोचिएनान अ़क्‍नि खारा’नि सेङ्‌लावाआ अ़ङ्‌का ऩलोवाङ। ओ छकापाङ साकोङ्‌छ़ङ कामु निछाचिछाङ अ़ङ्‌काएनान म़खारा, खोन्‍कि आन्‍कान्‍का कर्नेलियस्‌निओ म़नाओ अ़खिम्‌दा वाङिन्‍का।

छाम्‍माय़ङ 28:15

खोन्‍कि रोम्‌दा कायुङ हाङ्‌पा येसुएदा साकोङ्‌छ़ङ कामुचिआ आन्‍कान्‍का तान्‌येन्‍काओ अ़एनाकिना अप्‍पियस बजारादा खोन्‍कि सुम्‌कायाक्‍खाखिम्‌निओदातारि आन्‍कान्‍का तुप्‍सि म़बाना। मोचि खाचिकि पावल्‌आ निनाम्‍हाङ आलाङ प़ खोन्‍कि राक तोक्‍तु।

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

छाम्‍माय़ङ 9:38

लुद्‍दा योप्‍पाओ अ़च़क्‌दा छुक्‍ताङा, खोन्‌ओसा काखेङ्‌चिआ पत्रुस मोदा युङ्‌याङ्‌नि अ़एनाकिना मोचिआ खोएदा ह़वाङ म़नाचि “आन्‍कान्‍काएदा च़क्‍नि बानानिन” निकिना छुक फाङ्‌सि म़छुत्‍तुचि।

छाम्‍माय़ङ 9:42

ओ य़ङ झारा योप्‍पा सहरादा थ़ङा, खोन्‍कि ब़द्‍धे म़नाचिआ हाङ्‌पा साकोङ्‌छ़ङ अ़मुवा।

२ कोरिन्‍थि 8:21

देकिनालो आन्‍कान्‍का हाङ्‌पाओ अ़चुखाङ्‌मादा ओन्‍ङा माआङ, मेन म़नाचिओ अ़चुखाङ्‌मादाछाङ दि सायामेत्‍मा खान्‍तुओ मुयाङ, मो मुमा मित्‍चिऩङ मुन्‍का।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।

१ पत्रुस 4:9

छुऩङ्‌वा मान्‍मुमाङ अ़क्‍छाआ नितावाङ्‌चि ब़रानुम्‍च़म।