छाम्‍माय़ङ 10:11 - बान्‍तावा राई

¹¹ खोसाआ निनाम्‍मा होराओ खोन्‍कि मोदुङ्‌का चारकाचोम्‌दा अ़लावाकि अ़धिवाङ तित्‌वाको हेन्‍खामाह्‍युत्‍नि धाङाओ खा।

छाम्‍माय़ङ 10:11 ပူးပေါင်းရင်းမြစ်များ

मत्‍ति 8:11

अ़ङ्‌का खानानिन लोनाङ्‌नानिन, झारा हेन्‍खामादाओ बुसुहोन, देङ्‌सुहोन्‌याङ्‌का, धाउहोन, ह्‍युहोन्‌युङ्‌का म़नाचि म़ताकि अब्राहाम, इसहाक खोन्‍कि याकुब्‌एनान निनाम्‍हाङ्‌होन्‌दा खाबाचा चाखादा म़युङ।

लुका 3:21

बुया झारा म़नाचि बप्‍तिस्‍मा म़लोआङाहिदा येसुछाङ बप्‍तिस्‍मा म़लोआ। खोन्‍कि खोक्‍को याम़माराङाहिदा निनाम्‍मा होरा।

युहन्‍ना 1:51

खोन्‍किना खोक्‍कोसाआ मो अ़लोवा, “अ़नुछ्‍या, अ़ङ्‌का खाना लोना, खाना निनाम्‍मा होत्‌ओ खोन्‍कि निनाम्‍हाङ्‌ओ अ़चुकाफाचि म़नाओ अ़छाएदा म़लोन्‌याङ्‍ओ खोन्‍कि म़धायाङ्‌ओ त़खाचि।”

युहन्‍ना 11:52

येसु यहुदिचिओ निम्‍पाङ ओन्‍ङा स़मादोत्‌ओ माआङ मेन फात्‍ताफेला म़लिसाओ निनाम्‍हाङ्‌ओ अ़चुछाचि अ़क्‍नि मुमाचिओ निम्‍पाङ्‌छाङ स़मादोत्‌ओ।

युहन्‍ना 12:32

खोन्‍कि अ़ङ्‌का हेन्‍खामादाङ्‌का ऩथेन्‍ङाकिना अ़ङ्‌का झारा म़नाचि अ़ङ्‌काएदात्‍नि सारुङ्‌च़ङ।”

छाम्‍माय़ङ 10:12

मो तित्‌दा झाराकाखालाओ चारकालाङ्‍ओ साक्‍स़ङ्‌चि, खोन्‍कि बाखादा कासात्‍नान्‍चिन्‌चि खोन्‍कि नाम्‍छ़ऱदुओ छोङ्‌वाचि म़याआङा।

छाम्‍माय़ङ 11:5

“अ़क लेन अ़ङ्‌का योप्‍पा सहरादा यामाराङ्‌याङ्‌हिदा इम्‍सिन्‍दान्‌वा लिसाङ्‌ओ ग़रि अ़ङ्‌का सेन्‍चि खाङ। निनाम्‍मादुङ्‌का अ़क्‌तात अ़धिवाङ तित्‌वाको चारकाचोम्‌दा अ़लावाकि ह्‍युत्‍नि अ़धान्‍ताङाओ खाङ, खोन्‍कि मो अ़ङ्‌च़क्‌दातारि अ़धान्‍ता।

छाम्‍माय़ङ 7:56

खोन्‍कि खो य़ङा, “खा-खानुम! अ़ङ्‌का निनाम्‍मा होराओ खोन्‍कि म़नाओ अ़छा निनाम्‍हाङ्‌ओ अ़चुचुप्‍ताङ्‌छुक्‌लिप्‍पा म़एप्‌याङ्‍ओ खाङ्‌योङ।”

रोमि 1:16

नुय़ङ्‌खान खालुमा अ़ङ्‌लेजो अ़कात्‍निन, देकिनालो झारा साकोङ्‌छ़ङ कामु लेत्‍माओ निम्‍पाङ ओ निनाम्‍हाङ्‌ओ अ़चुसावा ओ: बुयाओदु यहुदिचि, खोन्‍कि ग्रिक्‌चिओ निम्‍पाङ्‌छाङ ओ।

रोमि 9:4

मोचि इस्राएलिचि ओ, खोन्‍कि मोचि निनाम्‍हाङ्‌आ म़छेन्‍तुचिओ अ़चुतात्‍मा छाचि ओ। निनाम्‍हाङ्‌आ मोचि खोक्‍कोसोओ अ़चुसाम खाङ्‌म़मेत्‍तुचि। खोक्‍कोसाआ मोचि अ़छ़ङ म़हिप्‍तुचि, खोन्‍कि य़ङ्‌हुप म़प़चि। खोक्‍कोसाआ खोक्‍को ब़क्‍मा खोन्‍कि हिप्‍माय़ङ्‌चि तोक्‍माओ अ़वाखाम म़प़चि।

गलाति 2:15

आन्‍कान लिसिन्‌हिदाङा मोसाओ अ़य़ङ्‌हुप कातोक यहुदिचि ओ, खोन्‌ओसा आन्‍कान निरावाचिवाको हेवामिचि माआङ।

गलाति 3:28

खोन्‌ओसा हान ना यहुदि ना ग्रिक, ना हारुक ना लेत्‌वा, ना दुवाछा ना मेत्‍छाछा निकिना अ़फेक्‍निन, देकिनालो ख्रिस्‍त येसुएदा खानानिन झारा अ़क्‌तात्‌ङा ओ।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

एफिसि 3:6

निनाम्‍हाङ्‌ओ अ़चुमित्‍चिऩङ ओङा ओ, नुय़ङ्‌खान्‌लाम्‍पा निरावाचि अ़क्‍नि यहुदिचिएनान पाङ्‌यि कातोक्‌चि ओ, अ़क्‌तात पोक्‌ओ पोक्‍फुत्‌चि ओ, खोन्‍कि ख्रिस्‍त येसुदाओ हिप्‍माय़ङ अ़क्‍नि कातोक्‌चि ओ।

कलस्‍सि 3:11

ओक्‍को य़ङ्‌दा ग्रिक माङ्‌लो यहुदि, सिप्‍मायाम्‍बुन पाक्‍माय़ङ माङ्‌लो सिप्‍मायाम्‍बुन मान्‍पाक्‍कादा, मान्‍लेकादा माङ्‌लो खोक्‍लिदा कायुङ्‌चि, हारुक माङ्‌लो लेत्‌वा हान्‌दाङ्‌का ऩफेक्‍निन। मेन ख्रिस्‍तङा झारादाङ्‌का तोक्‍पो म़मुयाङ खोन्‍कि खोक्‍को खानानिन झारादा म़युङ।

खाङ्‌मुमा 11:19

खोन्‍किना निनाम्‍मादु निनाम्‍हाङ्‌ओ अ़चुब़क्‍खाखिम होरा, खोन्‍कि खोक्‍कोसोओ अ़चुब़क्‍खाखिम्‌दा खोक्‍कोसोओ हिप्‍माय़ङ सन्‍दुका दारा। खोन्‍कि मोदा नाम्‍चिम्‍पिलेक्‌ओ अ़साम्‌चि म़लेराङा खोन्‍कि कुलुङ्‌धिप्‍पाओ अ़मुक्‍माचि म़ऱङाङा। लुत्‍लि खारा खोन्‍कि अ़धिवा-अ़धिवा नाङ धा।

खाङ्‌मुमा 19:11

अ़ङ्‌का निनाम्‍मा होराओ खाङ, खोन्‍कि मोदा अ़क्‌तात ओमाङाओ युक्‌वा युङाङा। मोदा कायाक, ‘सोम्‍कुवा मुमा खान्‍तुओ’ खोन्‍कि ‘अ़छ़ङ मुमाय़ङ’नि लोवाङा। खोक्‍को तोङ्‌लो छ़ङ म़छेन खोन्‍कि ङेन म़मु।

खाङ्‌मुमा 4:1

खोन्‍किना अ़ङ्‌का नि सेन्‍चि खाङ, खोन्‍कि अ़ङ्‌बुदा अ़क्‌तात लाप्‍तिखोप निनाम्‍मादु होराओ खाङ। अ़ङ्‌का बुया एनुङ्‌ओ य़ङ थुथुरिओवाको ऱङाङा, मो अ़ङ्‌काएनान ओवात्‍नि य़ङ्‌सा चेवाङाओ अ़ङ्‌का एनुङ, “ओदु थाङा, खोन्‍कि हान दिचि म़लिओ, मो अ़ङ्‌का खाङ्‌मेत्‍ना।”