३ युहन्‍ना 1:6 - बान्‍तावा राई

⁶ खोचिआ साम्‍भुङ्‌ओ अ़बुदा खाना सोमात़तुक्‍तुचिओ अ़तुक्‌वादा खाअ़लुसायुङ्‌सा। निनाम्‍हाङ्‌ओ अ़चुऩङानुओ पाराआ खाना खोचि अ़चुकोन्‍खादा त़खाइसुचिनालो खाना नुलोक त़च़।

३ युहन्‍ना 1:6 ပူးပေါင်းရင်းမြစ်များ

छाम्‍माय़ङ 15:29

खानानिन सेम्‍पोक हेन्‍खोक्‌वा दात्‍माय़ङ चामायु चामा खोन्‍कि अ़ह़ चामा खोन्‍कि अ़पोत्‌दा पिन्‍मासेत्‍माय़ङ सायाम्‍पोक्‌ओ अ़सा चामा खोन्‍कि ताङ्‌लान मुमादाङ्‌का अ़थाया युङानिन। ओ य़ङ्‌हुप्‌चि त़मुम्‍च़म्‌नालो नुलोक खानानिन त़लिसिन। हासिन्‍चिन्‍ने।”

छाम्‍माय़ङ 15:3

खोन्‍किना साम्‍भुङ्‌दाओचिआ खोचि मोदाङ्‌का म़छुत्‍तुचि। खोचि फोनिके खोन्‍कि सामरिया लियाङ्‌सा म़खाराङाहिदा निरावाचिआछाङ निनाम्‍हाङ अ़लोआओ य़ङ मोचि खाम़एत्‍तुचि। मो य़ङ्‌आ मोदाओ झारा साकोङ्‌छ़ङ कामुचिओ अ़न्‍नुनु अ़चुऩङानुवा।

छाम्‍माय़ङ 21:5

मेन आन्‍काओ ग़रि चिआकि आन्‍कान्‍का हासिन्‍चिन्‍का खोन्‍कि आन्‍कान्‍का लाम वाङिन्‍का। झारा काखेङ्‌चिओ अ़चुओ खिम्‍हाङ्‌माचि खोन्‍कि अ़चुछाचि आन्‍कान्‍का सहरादाङ्‌का धियाङ्‌वामाओ अ़केम्‌तारि ऩछोङ्‌सिन्‍दान्‍का। मोदा झारासा आन्‍काओ तुम्‍प़छ़क तोम्‍तुम्‍काकि यामारिन्‍का।

रोमि 15:24

खोन्‍किना अ़ङ्‌का स्‍पेन खात्‍ङाङाहिदा खानानिन तुप्‍मानि मिन्‍ङाङा। अ़चित लेन्‌तारि अ़ङ्‌का खानानिन्‌एनान यावायोक्‌दा ऩङानुङाचिन्‍ङान्‍च़ङ्‌कि खानानिन्‌आ अ़ङ्‌को अ़ङ्‌कोन्‍खादा त़फाङाऩङ्‌हेनि मिन्‍ङाङा।

२ कोरिन्‍थि 1:16

माकेदोनिया खात्‍ङाहिदा खानानिन्‌एदा बान्‍माकि तुप्‍मा खोन्‍कि माकेदोनियादाङ्‌का खानानिन्‌एदा लामाबान्‍माकि यहुदियादाओ अ़ङ्‌कोन्‍मादा खानानिन्‌आ अ़ङ्‌का खान्‍मा त़ऱङाऩङ्‌नि अ़ङ्‌का मिनाङ।

फिलिप्‍पि 4:14

खोन्‍नुछाङ, अ़ङ्‌चाअ़त्‍माचिदा खानानिन त़फानिकिना ब़द्‍धे नुलोक त़च़न।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

तितस 3:13

य़ङ्‌हुप काले जेनास खोन्‍कि अपोल्‍लोस्‌ओ अ़चुकोन्‍खा लाम्‌ओ निकि नुलोक फासुचि, खोन्‍कि मोचि दोत्‌याङ्‌ओ सामाचि झारा लाप्‍तुप़चि।

१ पत्रुस 2:20

अ़त्‍लो काचि त़मुन्‌किना धात्‍खावा त़चान्‌येन्‌हिदा दिसुवा मान्‍मिन्‍माङ त़आङ्‌तुम्‌नालो खानानिन दि त़तोक्‍तुम? मेन खानानिन अ़नुवाक काचि त़मुन्‌कि दुखा त़आङ्‌तुम्‌नालो निनाम्‍हाङ्‌आ खानानिन ऩचोन्‍तिन।

३ युहन्‍ना 1:12

झारासा देमेत्रियस्‌ओ अ़तुक्‌वादा अ़सालुम्‍स़ङ अ़प़, खोन्‍कि अ़छ़ङ्‌आछाङ खाङ्‌मुसु। आन्‍कान्‍काछाङ खोसोओ अ़सालुम्‍स़ङ नुलोक प़म्‍का। खोन्‍कि खानानिन त़सिन्‍तुम्‌योम आन्‍काओ सालुम्‍स़ङ अ़छ़ङ मुयाङ।