२ थेसलोनिकि 3:8 - बान्‍तावा राई

⁸ आन्‍कान्‍का साङ्‌कोओछाङ अ़चामायु मोहा मान्‍चात्‍प़दोम्‍का। मेन खानानिन साङ्‌छाङ दुखा अ़लिनिन्‍ने निकिना आन्‍कान्‍का अ़लेन्‍खिन्‍तुम काचि मुन्‍का।

२ थेसलोनिकि 3:8 ပူးပေါင်းရင်းမြစ်များ

मत्‍ति 6:11

आय़ आन्‍काओ लेन-लेन्‌ओ चामायु आन्‍कान्‍का खापुवानिन।

छाम्‍माय़ङ 18:3

मोचिओ अ़चुकाचि पावल्‌ओवात्‍निङा तित्‍खिम मुमाओसा पावल मोचिएनान्‍ङा युङाकि अ़क्‍नि काचि मुवा।

छाम्‍माय़ङ 20:34

खानानिन त़सिन्‍तुम्‌योम, अ़ङ्‌छुक्‌आङा काचि मुवाङ्‌कि अ़ङ्‌का दोराङाओ खोन्‍कि अ़ङ्‌काएनान्‌ओ अ़ङ्‌यावाचिओछाङ याङ्‌सुङ्‌प़ङ्‌योङ्‌च़ङ।

१ कोरिन्‍थि 4:12

आन्‍कान्‍का आन्‍काओ छुक्‌आङा चात्‍लो काचि मुन्‌युङ्‌सिन्‍का। आन्‍कान्‍का ऩसुङ्‌तिन्‍काहिदा आसिखा प़म्‍च़म्‍का। आन्‍कान्‍का दुखा ऩप़न्‍काहिदा आन्‍कान्‍का आङ्‌तुम्‍का।

१ कोरिन्‍थि 9:4

दि आन्‍कान्‍का चामा खोन्‍कि दुङ्‌मा पाङ मात्‍द़ङ?

२ कोरिन्‍थि 11:27

अ़ङ्‌का ब़द्‍धे काचि मुमादा, दुखादा, ब़द्‍धे मान्‌इम्‍माङ युङ्‌मादा, सास़मादा खोन्‍कि वामित्‍मादा, ब़द्‍धेकादु मान्‍चादा खोन्‍कि चुङादा तित मात्‍द़ङ्‌ओदा छुक्‍मादोरा।

२ कोरिन्‍थि 11:9

खानानिन्‌एनान युङाङ्‌याङ्‌हिदा अ़ङ्‌का मान्‍तोक्‍ङानुछाङ अ़ङ्‌का साङ्‌छाङ दुखा मान्‍प़ङा, देकिनालो माकेदोनियादाङ्‌का म़बानाओ ब़ब़, नाना खोन्‍कि निछाचिआ अ़ङ्‌मान्‍तोक्‍दामादा ऩफासाङ। खोन्‌ओसा खानानिन दुखा त़तोक्‍तिमिन्‍ने निकिना अ़ङ्‌का क़म्‍ताङ्‌च़ङ, खोन्‍कि माय़ङ्‌छाङ मोवात्‍निङा च़ङा।

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

१ थेसलोनिकि 2:9

अ़नुछ्‍या, अ़ङ्‍ब़ब़, नाना खोन्‍कि निछाचि ओ, आन्‍काओ काचि खोन्‍कि दुखा खानानिन त़मित्‍तुम। आन्‍कान्‍का खानानिन साङ्‌छाङ दुखा मान्‍प़दामा निकिना अ़खाखुत खोन्‍कि अ़खोलेन काचि मुयाङ्‌सा आन्‍कान्‍का निनाम्‍हाङ्‌ओ अ़चुनुय़ङ्‌खान खानानिन खाएत्‍नि।

१ थेसलोनिकि 4:11

आन्‍कान्‍का खानानिन यायोक प़निवा मान्‍खिमाङ युङानिन, खोन्‍कि आम्‍नुओ काचिदा मिन्‍मा पाक्‍तानुम, खोन्‍कि आम्‍नुओ छुक्‌आ काचि मुवाचानिन।

२ थेसलोनिकि 3:12

हान आन्‍कान्‍का ओवाको म़नाचि हाङ्‌पा येसु ख्रिस्‍तओ अ़चुऩङ्‌दा लोम्‍च़म्‍का, खोन्‍कि यायोक प़म्‍च़म्‍का, मोचि चामा ह़ङ्‌माओ निम्‍पाङ वाइवेत काचि म़मुने।