२ थेसलोनिकि 3:5 - बान्‍तावा राई

⁵ हाङ्‌पाआ आम्‍नुओ साकोङ्‌वा निनाम्‍हाङ्‌ओ अ़चुसोम्‍तुक्‍मा खोन्‍कि ख्रिस्‍तओ अ़चुहुङ्‌मा नुलोक तुप्‍मादा ऩतित्‍तिन्‍ने।

२ थेसलोनिकि 3:5 ပူးပေါင်းရင်းမြစ်များ

रोमि 5:5

खोन्‍कि सोम्‍कुवाआ आन्‍कान लेजोदा म़पाक्‍निन, देकिनालो आन्‍कान म़पुवाओ सेङ्‌लावालाम्‍पा निनाम्‍हाङ्‌ओ अ़चुसोमातुक्‍मा आन्‍साकोङ्‌वाचिदा म़पाक्‍तापुवायुङ्‌सा।

रोमि 8:25

मेन आन्‍कान दि अ़तोक्‍तिमिन, मो आन्‍कान सोम्‍कुवा मुम्‌नालो आन्‍कान मो आङ्‌याङ्‌सा हुङुम।

रोमि 8:28

आन्‍कान सिन्‍तुम्‌योम, खोक्‍को सोमाकातुक्‌चि खोन्‍कि खोक्‍कोसोओ अ़चुमित्‍चिऩङ्‌वात्‍नि म़बुत्‍तुचिओचिओ निम्‍पाङ झारा य़ङ्‌चिदा निनाम्‍हाङ्‌आ नुलोक म़मुचि।

१ कोरिन्‍थि 8:3

मेन निनाम्‍हाङ सोमाकातुक म़ना निनाम्‍हाङ्‌आ अ़सिन।

गलाति 5:22

मेन सेङ्‌लावाओ अ़चुसिवा सोम्‍तुक्‍मा, मिन्‍माचानुमा, सेवाङ्‌नि, हुङ्‌मा, सोम्‍तुक्‍मा खाङ्‌मुमा, नुलोक मुमायु, सोम्‍कुवामुमायु,

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

१ थेसलोनिकि 1:3

आन्‍निनाम्‍हाङ पापाओ अ़चुबुदा आम्‍नुओ साकोङ्‌छ़ङ्‌दाङ्‌का त़मुम्‌ओ काचि, खोन्‍कि सोमातुक्‍माआ त़मुम्‌ओ काचि खोन्‍कि आन्‍हाङ्‌पा येसु ख्रिस्‍तएदा त़मुम्‌ओ सोम्‍कुवाआ खानानिन त़छोसिन्‌ओ आन्‍कान्‍का अ़धुन मित्‍तुम्‌युङ्‌सुम्‍का।

१ थेसलोनिकि 3:11

हान आन्‍निनाम्‍हाङ पापाआङा खोन्‍कि आन्‍हाङ्‌पा येसुआ खानानिन्‌एनान आन्‍काओ तुप्‍खालाम आन्‍कान्‍का ऩहोत्‍तिन्‍प़न्‍काने।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

१ पत्रुस 4:1

ख्रिस्‍तआ अ़चुपोक्‌दा दुखा अ़आङ्‌ताओसा खानानिन्‌छाङ येसुआवात्‍नि मिनानिन। देकिनालो साङ्‌आ अ़पोक्‌दा दुखा आङ्‌तुयुङ्‌सु, मोसाआ हेवा मुमा छिरुयुङ्‌सु।

२ पत्रुस 3:12

ओवात्‍निओसा खानानिन्‌आ निनाम्‍हाङ्‌ओ अ़चुलेन च़क्‍नि तानेनि मिन्‍मादोत। मो लेन नाम्‍छ़ऱ मिआ ह़त्‌कि योङ्‌खात, खोन्‍कि नाम, लादिप्‍मा खोन्‍कि साङ्‌केन्‍माचि म़ह़त्‌कि म़योङ्‌खात।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।

खाङ्‌मुमा 13:10

छेक्‍खादा खात्‍मादोत्‌ओ अ़नुछ्‍या छेक्‍खादाङा खात, बान्‍छोन्‌आ सेत्‍मादोत्‌ओ अ़नुछ्‍या बान्‍छोन्‌आङा सेत। खोन्‌ओसा निनाम्‍हाङ्‌ओ अ़चुम़नाचिआ आङ्‌मादोत खोन्‍कि साकोङ्‌छ़ङ मुमादोत।