२ थेसलोनिकि 2:17 - बान्‍तावा राई

¹⁷ आम्‍नुओ साकोङ्‌वादा राक ऩप़न्‍ने। खोन्‍कि खोक्‍कोएदाङ्‌काओ झारा अ़नुवाक काचि खोन्‍कि य़ङ्‌चिदा खानानिन्‌आ राक खोन्‍कि सावा तोक्‍तानुम।

२ थेसलोनिकि 2:17 ပူးပေါင်းရင်းမြစ်များ

रोमि 1:11

अ़ङ्‌का अ़न्‍नुनु खानानिन तुप्‍मा स़ङाङा, देकिनालो अ़ङ्‌का खानानिन लावामि आसिखा प़माकि आम्‍नुओ साकोङ्‌छ़ङ छोयाङ्‌ओ लिनेनि मिन्‍ङाङा।

रोमि 15:13

सोम्‍कुवा मुमा खान्‍तुओ निनाम्‍हाङ्‌आ झारा मिन्‍माचानुमा खोन्‍कि सेवाङ्‌निआ ऩभेम्‍सिन्‍ने, देकिनालो खानानिन खोक्‍को साकोङ्‌छ़ङ त़मुम। खोन्‌ओसा सेङ्‌लावाओ अ़चुसावाआ आम्‍नुओ सोम्‍कुवा पोन्‌याङ्‌सा खात।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

२ कोरिन्‍थि 1:21

खोन्‍कि आन्‍कान्‍का खानानिन्‌एनान ख्रिस्‍तदा काछो कामु खोन्‍कि आन्‍कान काछेन निनाम्‍हाङ म़युङ्‌याङ।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 3:2

खोन्‍कि खानानिन तुप्‍सि तिमोथि छुत्‍तुम्‍का। खो आन्‍निछा ख्रिस्‍तओ अ़चुनुय़ङ्‌खान खालुमा काफा निनाम्‍हाङ्‌ओ अ़चुकाचि कामु ओ। आन्‍कान्‍का खो खानानिन नुलोक साकोङ्‌छ़ङ मुमेत्‍मा फासि खोन्‍कि आम्‍नुओ सोम्‍कुवादा राक प़सि छुत्‍तुम्‍का।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

२ थेसलोनिकि 3:3

मेन निनाम्‍हाङ साकोङ्‌छ़ङ मुमा खान्‍तुओ म़मुयाङ। खोक्‍कोसाआ लावामि सावा ऩप़न, खोन्‍कि अ़अ़त्‍पादाङ्‌का ऩरात्‍तिन।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ युहन्‍ना 3:18

अ़चुप्‍पो सोमातुक्‍नाङ्‌नानिन्‌ओ छाचि ओ, य़ङ्‌सिवा खोन्‍कि हान्‍माआ ओन्‍ङा आन्‍कान सोमातुक्‌अ़मुन्‍मिन्‍ने, मेन काचि खोन्‍कि अ़छ़ङ्‌आ सोमातुक्‍मुन्‍ने।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।