२ थेसलोनिकि 2:15 - बान्‍तावा राई

¹⁵ खोन्‌ओसा ब़ब़, नाना खोन्‍कि निछाचि ओ, आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङानिन, खोन्‍कि आन्‍कान्‍का लोनिओ य़ङ्‌दा माङ्‌लो आन्‍काओ छाप्‍लावादाङ्‌का खानानिन्‌आ दियाको ताया त़तोक्‍तुम्‌युङ्‌सुम, मो लावायुङ्‌सानुम।

२ थेसलोनिकि 2:15 ပူးပေါင်းရင်းမြစ်များ

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

१ कोरिन्‍थि 11:2

अ़ङ्‌का खानानिन चोन्‍नाङ्‌नानिन, देकिनालो झारा य़ङ्‌दा खानानिन्‌आ अ़ङ्‌का त़मित्‍ताङ्‌ऩङ खोन्‍कि अ़ङ्‌का खानानिन प़नानिन्‌ओ च़माथाङ्‌माचि त़मुम्‌युङ्‌सुम्‍च़म।

१ कोरिन्‍थि 15:58

खोन्‌ओसा, अ़ङ्‌का सोमातुक्‍नाङ्‌नानिन्‌ओ अ़ङ्‍ब़ब़, नाना खोन्‍कि निछाचि ओ, नुलोक युङानिन। दिसाआछाङ ओह्‍यात्‍नि-मोह्‍यात्‍नि त़मुन्‍मिन्‍ने। हाङ्‌पाओ अ़चुकाचिदा अ़धुन पोइसा खारानिन। देकिनालो खानानिन त़सिन्‍तुम्‌योम, निनाम्‍हाङ्‌एदा आम्‍नुओ काचि सोज्‍जे अ़लिनिन।

१ कोरिन्‍थि 16:13

चाप्‍चेप्‍तानिन्‍चिन, आम्‍नुओ साकोङ्‌छ़ङ्‌दा नुलोक युङानिन। राक्‍स़रिओ म़ना लिसानिन। सावापोरिओ मुवानिन।

फिलिप्‍पि 4:1

खोन्‌ओसा अ़ङ्‌का सोमातुक्‍नानिन्‌ओ खोन्‍कि खाङ्‌मा स़ङाङाओ अ़ङ्‍ब़ब़, नाना खोन्‍कि निछाचि ओ, खानानिन अ़ङ्‌ऩङानुमा खोन्‍कि अ़ङ्‌तोक्‍पो लिखा ओ। अ़ङ्‌का सोमातुक्‍नाङ्‌नानिन्‌ओचि ओ, ओवात्‍निङा हाङ्‌पाएदा नुलोक युङानिन।

२ थेसलोनिकि 2:2

हाङ्‌पाओ अ़लेन बुयाङा ताचिआयुङ्‌सा निकिना खा-खाक्‍कोचि म़य़ङ्‌नुछाङ, खानानिन च़क्‍नि त़दोम्‍तिन्‍दान्‍मिन्‍ने माङ्‌लो मान्‍क़दानिन। मोचिआ सेङ्‌लावादाङ्‌काओ माङ्‌लो खालुमाय़ङ्‌दाङ्‌काओ माङ्‌लो आन्‍कान्‍कालाम्‍पाओ छाप्‍लावावाको मुयाङ्‌नि म़य़ङ्‌नुछाङ खानानिन साकोङ्‌छ़ङ मान्‍मुदानुम।

२ थेसलोनिकि 3:14

ओ छाप्‍लावादाओ आन्‍काओ लोमाय़ङ्‌वा साङ मुमा छुन्‌नालो मो म़ना सिन्‍तायुङ्‌सानुम। मोचिएनान मान्‍तोङ्‌दानिन, खोन्‌ओसा मोचि लेजो म़लिने।

२ थेसलोनिकि 3:6

ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍तओ अ़चुऩङ्‌दा आन्‍कान्‍का खानानिन लोनिङ्‌नि, आन्‍कान्‍का खानानिन चिन्‍माय़ङ्‌वा मान्‍काङ्‌कादा झारा कासो साकोङ्‌छ़ङ कामुचिदाङ्‌का अ़थाया युङानिन।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।