२ थेसलोनिकि 2:14 - बान्‍तावा राई

¹⁴ खोन्‌ओसा आन्‍कान्‍का खालुसुम्‍काओ नुय़ङ्‌खान्‌लाम्‍पा आन्‍हाङ्‌पा येसु ख्रिस्‍तओ अ़चुऩङ्‌चोन्‍मा खानानिन्‌आछाङ तोक्‍तानुम निम्‍पाङ खोक्‍कोसाआ खानानिन ऩबुत्‍तिन।

२ थेसलोनिकि 2:14 ပူးပေါင်းရင်းမြစ်များ

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

युहन्‍ना 17:22

खाक्‍को साऩङ्‌वा खानानिन्‌आ अ़ङ्‌का त़प़नि, अ़ङ्‌का मोचि प़ङ्‌च़ङ, मोवात्‍नि आन्‍काचि अ़क्‌तात मुचिङ्‌चिवा मोचिछाङ अ़क्‌तात म़लिने।

युहन्‍ना 17:24

आपो, अ़ङ्‌का मिन्‍ङाङा, खानानिन्‌आ अ़ङ्‌का त़प़निओचि अ़ङ्‌का खादा युङ्‌ङा, अ़ङ्‌काएनान म़युङ्‌ने, खोन्‍कि अ़ङ्‌साऩङ्‌वा अ़खाङ्‌ने, मो साऩङ्‌वा, हेन्‍खामा मुन्‍मा बुयाङा अ़ङ्‌का सोमात़तुक्‍निओसा खानानिन्‌आ अ़ङ्‌का त़प़निओ।

रोमि 16:25

हान आन्‍कान झारासा निनाम्‍हाङ्‌ओ अ़चुऩङ्‌लोङ्‌सुम्‍ने! अ़ङ्‌का येसु ख्रिस्‍तओ अ़चुतुक्‌वादा खालुसुङ्‌ओ नुय़ङ्‌खान्‌लाम्‍पा खोक्‍कोसाआ खानानिन आम्‍नुओ साकोङ्‌छ़ङ्‌दा सावापोरिओ मुमा ऩऱन। मो नुय़ङ्‌खान्‌ओ अ़कोङ्‌दुम्‌ओ तुप्‍माय़ङ, जुगा-जुगायुङ्‌का कुम्‍सायुङ्‌सा।

रोमि 2:16

ओ य़ङ निनाम्‍हाङ्‌आ येसु ख्रिस्‍तलाम्‍पा म़नाचिओ अ़चुसाकोङ्‌वादा याक्‌याङ्‍ओ सुकुलादाओ य़ङ छ़ङ्‌छेन्‍माओ लेन्‌दा लि। ओ निनाम्‍हाङ्‌ओ अ़चुनुय़ङ्‌खान अ़ङ्‌का खालुसुङ्‌वाको ओ।

रोमि 8:17

हान आन्‍कान अ़चुछाचि ओनालो आन्‍कान अ़चुपाङ्‌यिचिछाङ ओ। अ़नुछ्‍याङा निनाम्‍हाङ्‌ओ अ़चुपाङ्‌यि खोन्‍कि ख्रिस्‍तएनान अ़क्‍नि पाङ्‌यिचि ओ। खोक्‍कोएनान अ़क्‍नि आन्‍कान दुखा आङ्‌तुम्‌नालो आन्‍कान खोक्‍कोओसो अ़चुसाम्‌छाङ तोक्‍तुम।

एफिसि 1:18

अ़ङ्‌का ओसोओ निम्‍पाङ्‌छाङ यामात्‍ङा, आम्‍नुओ साकोङ्‌वादाओ म़क छेङ्‌छेङ्‌छेङ्‌वा लिने, खोन्‍कि दिसु सोम्‍कुवाओ निम्‍पाङ खोक्‍कोसाआ खानानिन ऩबुत्‍तिन्‌युङ्‌सिन, खोन्‍कि निनाम्‍हाङ्‌ओ अ़चुम़नाचिएदा खोक्‍कोसोओ साम्‍स़रिओ पाङ्‌यि तोक्‍माओ चासुम्‍छेन्‍बि दि ओ, मो खानानिन्‌आ सिन्‍मा त़ऱम।

१ थेसलोनिकि 1:5

देकिनालो आन्‍कान्‍का खानानिन्‌एदा नुय़ङ्‌खान तारुम्‍काहिदा य़ङ्‌चिदा ओन्‍ङा माआङ, मेन सावा खोन्‍कि सेङ्‌लावादाछाङ अ़नुछ्‍या तारुम्‍काओ त़सिन्‍तुम्‌युङ्‌सुम। आम्‍नुओ निम्‍पाङ आन्‍कान्‍का आम्‍नुओ रादा देत्‍नि युङिन्‍काओ खानानिन नुलोक त़सिन्‍तुम्‌योम।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

२ तिमोथि 2:12

आन्‍कान आङ्‌तुम्‌युङ्‌सुम्‌नालो आन्‍कान्‌छाङ खोक्‍कोएनान हाङ मुन। खोक्‍को आन्‍कान ऩङाछिरुम्‌नालो खोक्‍कोसाआछाङ आन्‍कान ऩङाम़छित।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

खाङ्‌मुमा 21:23

मो सहरा उप्‍मा निम्‍पाङ नाम खोन्‍कि लादिप्‍मा मान्‍दोत्‌याङ देकिनालो निनाम्‍हाङ्‌ओ अ़चुसाम्‌आङा मो सहरा अ़उप खोन्‍कि थुबाछाङा मो सहराओ अ़कुपि ओ।

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।