२ थेसलोनिकि 2:13 - बान्‍तावा राई

¹³ हाङ्‌पाआ सोमाऩतुक्‍तिन्‌ओ ब़ब़, नाना खोन्‍कि निछाचि ओ, आम्‍नुओ निकि आन्‍कान्‍का अ़धुन निनाम्‍हाङ आलाङ मान्‍प़माङ अ़ऱन्‍मिन्‍का, देकिनालो बुयादाङ्‌काङा सेङ्‌लावाओ सेङ्‌मा काचिलाम्‍पा खोन्‍कि अ़छ़ङ्‌दाओ साकोङ्‌छ़ङ्‌लाम्‍पा ह़ङ्‌म़ङ प़मा निम्‍पाङ निनाम्‍हाङ्‌आ खानानिन ऩछेन्‍तिन।

२ थेसलोनिकि 2:13 ပူးပေါင်းရင်းမြစ်များ

लुका 1:75

मोवात्‍नि आन्‍कान ह़ङिन्‌येन्‌ओन खोक्‍कोसोओ अ़चुबुदा सेङ्‌लो खोन्‍कि साम्‌योक काचि मुयाङ्‌सा ह़ङिन्‌येन्‌ओन खोक्‍को ब़क्‍मा ऱम्‍ने।

युहन्‍ना 1:1

अ़पुङ्‌चिपुक्‌दा य़ङ म़युङाङा। मो य़ङ निनाम्‍हाङ्‌एनान म़युङाङा, खोन्‍कि मो य़ङ निनाम्‍हाङ्‌ङा ओ।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

छाम्‍माय़ङ 13:48

निरावाचिआ ओ य़ङ अ़एनाकिना मोचिओ अ़चुऩङानुवा, खोन्‍कि निनाम्‍हाङ्‌ओ अ़चुय़ङ अ़चोन्‍ता, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ निनाम्‍हाङ्‌आ म़छेन्‍तुचिओचि झारा साकोङ्‌छ़ङ म़मुवा।

छाम्‍माय़ङ 15:9

निनाम्‍हाङ्‌आ आन्‍कान यहुदिचि खोन्‍कि निरावाचि मान्‍हाम़दोचि, देकिनालो येसुएदा साकोङ्‌छ़ङ म़मुवाकि मोचिओ अ़चुसाकोङ्‌वा म़सेङ्‌सुप़चि।

रोमि 6:17

मेन निनाम्‍हाङ आलाङ्‌ने, देकिनालो खानानिन अ़क्‍दु हेवाओ अ़हारुक त़मुन्‌येन, हान खाक्‍को अ़छ़ङ चिन्‍माय़ङ खानानिन्‌आ त़तोक्‍तुम, मो झारा साकोङ्‌वाआ त़लोउम्‌युङ्‌सुम।

रोमि 8:33

निनाम्‍हाङ्‌आ म़छेन्‍तुचिओ म़नाचिओ अ़चुदेङ्‌सालाप्‍पादा साङ्‌आ लाहि पाक्‍तुचि? साङ्‌आछाङ माआङ, देकिनालो निनाम्‍हाङ्‌आङा साम्‌योक्‍मि म़मुयुङ्‌सुचि।

रोमि 9:11

खोन्‍कि काप्‍छाले छाचि तोक्‍मा बुया, मोचिआ अ़नुवाक माङ्‌लो अ़अ़त्‍पा च़मा बुयाङा, काचिआ माआङ, मेन खोक्‍कोसाआ म़बुत्‍तुचिवा निनाम्‍हाङ्‌आ म़छेन्‍तुचिओ कान्‍ने निम्‍पाङ,

१ कोरिन्‍थि 1:21

हेन्‍खामादाओ म़नाचिआ आप्‍पि अ़चुतायाआ निनाम्‍हाङ सिन्‍मा मान्‍ऱअ़दाओसाआ निनाम्‍हाङ्‌ओ अ़चुतायालाम्‍पा आन्‍कान्‍का खालुसुम्‍काओ नुय़ङ्‌खान्‌ओ खामान्‍सिन्‌लाम्‍पा साकोङ्‌छ़ङ कामुचि लेन्‍मा निनाम्‍हाङ्‌आ अ़छ़ङ अ़मुवा।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

१ थेसलोनिकि 1:4

ब़ब़, नाना खोन्‍कि निछाचि ओ, निनाम्‍हाङ्‌आ सोमाऩतुक्‍तिन्‌युङ्‌सिन, खोक्‍कोओसो अ़चुम़नाचि लिमा निम्‍पाङ ऩछेन्‍तिन्‌ओ आन्‍कान्‍का सिन्‍तुम्‌योम्‍का।

१ थेसलोनिकि 2:12

आन्‍कान्‍का खानानिन निनाम्‍हाङ्‌ओ अ़चुऩङानुओ ह़ङ्‌म़ङ ह़ङानिन निम्‍पाङ यायोक प़नि खोन्‍कि राक प़ निकिना लोनि। खोक्‍कोसाआ खानानिन खोक्‍कोसोओ अ़चुसाम्‍स़रिओ अ़चुहाङ्‌होन्‌दा ऩबुत्‍तिन।

१ थेसलोनिकि 4:7

देकिनालो निनाम्‍हाङ्‌आ आन्‍कान पोप्‍नान्‍चिन्‍सि माआङ, मेन सेङ्‌याङ्‌ओ च़माथाङ्‌मादा ह़ङ्‌माओ निम्‍पाङ म़बुत्‍ताओ ओ।

१ थेसलोनिकि 5:9

देकिनालो निनाम्‍हाङ्‌आ आन्‍कान दन्‍दा प़मा निम्‍पाङ माआङ, मेन आन्‍हाङ्‌पा येसु ख्रिस्‍तलाम्‍पा लेन्‍मा तोक्‍तुम्‍ने निम्‍पाङ बुयाङा म़छेन्‍ता।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

२ थेसलोनिकि 2:10

खोन्‍कि खोसाआ खा-खाक्‍कोचि लुक्‍मा म़मुयाङ, मोचि झाराकापाराआ म़प्‍तुचि, देकिनालो मोचिआ कालेन अ़छ़ङ य़ङ सोमातुक्‍मा ऩङाअ़छिरा।

२ थेसलोनिकि 2:12

खोन्‌ओसा अ़छ़ङ य़ङ्‌दा साकोङ्‌छ़ङ मान्‍मुमाङ मान्‍साम्‌योक्‍मिदा सेवाङ्‌नि कालि झाराकापाङ ह़त्‍मादा म़छुक।

२ थेसलोनिकि 2:16

हान आन्‍कान सोमाकातुक खोन्‍कि खोक्‍कोसोओ अ़चुसोम्‍तुक्‍मालाम्‍पा अ़लुक्‍निन्‌ओ राक खोन्‍कि झारादाङ्‌का अ़नुवाक सोम्‍कुवा काप़ आन्‍हाङ्‌पा येसु ख्रिस्‍त खोन्‍कि निनाम्‍हाङ,

२ तिमोथि 1:9

खोक्‍कोसाआ आन्‍कान म़लेइसा, खोन्‍कि सेङ्‌याङ्‌ओ ह़ङ्‌म़ङ ह़ङ्‌सि आन्‍कान म़बुत्‍ता। आन्‍कान अ़नुवाक काचिचि मुन्‌ओसा माआङ, मेन खोक्‍कोसोओ आप्‍पिओ अ़नुवाक मित्‍चिऩङ खोन्‍कि सोमातुक्‍माआ ओ। मो सोमातुक्‍मा खोक्‍कोसा ख्रिस्‍त येसुलाम्‍पा अ़पुङ्‌चिपुक्‌दाङ्‌का बुयाङा आन्‍कान म़पुवा।

२ तिमोथि 2:15

लेजोकात्‍मा अ़दोत्‍निन्‌ओ खोन्‍कि अ़नुछ्‍याओ य़ङ नुलोक कायाङ काचि कामुचिवात्‍नि खाना आप्‍पि निनाम्‍हाङ्‌दा लोक्‍मा त़खान्‍लो खाङ्‌मुमान्‍चिन अ़न्‍नुनु काचि मुवा।

२ तिमोथि 3:15

खाना आम्‍छायुङ्‌काङा सेङ्‌याङ्‌ओ साम्‍कालिन त़लेसुयुङ्‌सु, मोसाआ ख्रिस्‍त येसुदा त़मुओ साकोङ्‌छ़ङ्‌लाम्‍पा लेन्‍माओ निम्‍पाङ खाना ताया प़मा त़ऱ।

हिब्रु 1:10

खोक्‍को म़लाय़ङ्‌याङ, “अ़ङ्‌निनाम्‍हाङ्‌पो, खानानिन्‌आ अ़पुङ्‌चिपुक्‌दा हेन्‍खामाओ अ़भेन त़युङ्‌सुम, खोन्‍कि निनाम्‍माचि आम्‍नुओ छुक्‌ओ अ़काचि ओ।

याकुब 1:18

खोक्‍कोसोओ तोक्‍पो अ़चुमित्‍चिऩङ्‌ओ अ़छ़ङ य़ङ्‌लाम्‍पा आन्‍कान म़मुया। खोवात्‍निओसा आन्‍कान खोक्‍कोसोओ झारा अ़चुमुन्‍माय़ङ्‌चिदाओ बुयाओ अ़सिवा लिसिन्‌युङ्‌सिन।

१ युहन्‍ना 4:10

सोमातुक्‍मानिओ ओङा ओ, आन्‍कान निनाम्‍हाङ सोमातुक्‍तुम्‌ओ माआङ, मेन खोक्‍कोसाआ आन्‍कान सोमाम़तुक्‍ता ओ, खोन्‍कि आन्‍हेवा लेत्‍मा निम्‍पाङ हेन्‍खोक्‌वा लिसि अ़चुछा अ़य़सा।

१ युहन्‍ना 4:19

आन्‍कान सोमातुक्‍मुन्‌येन, देकिनालो बुया निनाम्‍हाङ्‌आ आन्‍कान सोमाम़तुक्‍ता।