२ थेसलोनिकि 2:1 - बान्‍तावा राई

¹ हान ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त म़य़ओ खोन्‍कि अ़क्‍नि म़कोप्‌कि खोक्‍को तुप्‍माओ अ़तुक्‌वादा आन्‍कान्‍का खानानिन लोनिङ्‌नि।

२ थेसलोनिकि 2:1 ပူးပေါင်းရင်းမြစ်များ

मत्‍ति 16:27

देकिनालो म़नाओ अ़छा अ़चुपापाओ अ़चुसाम्‌दा निनाम्‍हाङ काफाचिएनान य़, खोन्‍कि मोन्‍ग़रि खोसाआ झारा म़नाचिआ अ़मुवाओ अ़चुकाचिवाको सिरिफा म़प़चि।

मत्‍ति 16:28

अ़नुछ्‍या अ़ङ्‌का खानानिन लोनानिन, ओदा खा-खाक्‍को काएप्‌चिदाङ्‌का म़नाओ अ़छा अ़हाङ्‌होन्‌दा तायाङ्‌ओ मान्‍खाङ्‌माङ्‌तारि ऩस़निन्‍दानिन।”

मत्‍ति 24:31

खोक्‍कोसाआ निनाम्‍हाङ काफाचि थुथुरिओ अ़धिवो अ़साङ्‌माएनान म़छुत्‍तुचि, खोन्‍कि मोचिआ हेन्‍खामादाओ अ़क च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

मत्‍ति 25:32

खोन्‍कि खोक्‍कोसोओ अ़चुबुदा झारा रावाचि म़कोप्‍नान्‍चिन, खोन्‍कि देत्‍नि काखाङ्‌पाआ भेरा खोन्‍कि मेनेत्‌चि फेउचि, मोवात्‍निङा खोक्‍कोसाआ म़नाचि अ़क्‍छा निएदाङ्‌का म़फेउचि।

मर्कुस 13:27

खोन्‍कि खोक्‍कोसाआ निनाम्‍हाङ काफाचि म़छुत्‍तुचिकि झारा हेन्‍खामादाओ खोन्‍कि नाम्‍छ़ऱदु अ़क्‍च़क्‌दाङ्‌का नि च़क्‌तारिओचि झारादात्‍निओ निनाम्‍हाङ्‌आ म़छेन्‍तुचिओचि म़कोउचि।

रोमि 12:1

खोन्‌ओसा अ़ङ्‍ब़ब़, नाना खोन्‍कि निछाचि ओ, निनाम्‍हाङ्‌ओ अ़चुतोक्‍पो सोम्‍तुक्‍माआ अ़ङ्‌का खानानिन यायोक प़नाङ्‌नानिन, खानानिन आप्‍पि सेङ्‌लो खोन्‍कि निनाम्‍हाङ्‌ओ अ़चुऩङानुओ अ़ह़ङ हेन्‍खोक्‌वाचिवात्‍नि पुवालावानुम। ओ खानानिन्‌आ प़मादोत्‌ओ अ़नुछ्‍याओ तोङ्‌लो ब़क्‍मायु ओ।

एफिसि 1:10

ग़रि तालाकिना निनाम्‍मा खोन्‍कि हेन्‍खामादाओ झारा य़ङ्‌चि ख्रिस्‍तओ अ़चुपाङ्‌दा म़ता।

१ थेसलोनिकि 2:19

आन्‍हाङ्‌पा येसु म़य़हिदा खोक्‍कोसोओ अ़चुबुदा आन्‍काओ सोम्‍कुवा खोन्‍कि आन्‍काओ ऩङानुमा माङ्‌लो सिरिफाओ तोक्‍पो लिमा खानानिन्‌ङा माआङ कि?

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 4:1

हान अ़चिन्‍मादा, ब़ब़, नाना खोन्‍कि निछाचि ओ, आन्‍कान्‍का हाङ्‌पा येसुएदा खानानिन लोनियुङ्‌नि खोन्‍कि यायोक प़नियुङ्‌नि। खानानिन्‌आ देत्‍नि ह़ङ्‌माकि निनाम्‍हाङ्‌ओ अ़चुऩङानुमादोत्‌निओ य़ङ आन्‍कान्‍काएदाङ्‌का त़चिन्‍तिन्‌युङ्‌सिन्‍चिन। खानानिन मोवात्‍निङा त़च़न्‌येन, खोन्‍कि मोवात्‍निङा च़लोक च़याङ्‌सा खारानिन निकिना आन्‍कान्‍का खानानिन राक प़नि।

२ थेसलोनिकि 1:3

ब़ब़, नाना खोन्‍कि निछाचि ओ, आम्‍नुओ निकिना अ़धुन आन्‍कान्‍का निनाम्‍हाङ आलाङ प़माङादोत, देकिनालो आम्‍नुओ सोम्‍कुवा च़लोक पोन्‌याङ, खोन्‍कि अ़क्‍छा निएदा झारासोओ आम्‍नुओ सोम्‍तुक्‍मा पोन्‌याङ।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना: