२ पत्रुस 3:10 - बान्‍तावा राई

¹⁰ मेन हाङ्‌पाओ अ़चुलेन ना काख़पा अ़सिन्‍तिमिन्‌ओ ग़रि तान्‌वा ता। खोन्‍किना मो लेन नाम्‍छ़ऱ अ़धिवो य़ङ्‌आ माखात। नाम्‍छ़ऱदुओ झारा सामाचि नाम, लादिप्‍मा खोन्‍कि साङ्‌केन्‍माचि मिआ म़योङ्‌खात खोन्‍कि हेन्‍खामाकिना मो दुङ्‌दाओ काचिचि म़ह़त्‍खात।

२ पत्रुस 3:10 ပူးပေါင်းရင်းမြစ်များ

मत्‍ति 24:35

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

मर्कुस 13:31

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

लुका 12:39

मेन ओ तुप्‍तानुम, काख़ खाउग़रि तायाङ निकिना खिम्‌ओ अ़हाङ्‌पाआ सिन्‍तुओ खाङ्‌दे, खोसाआ काख़ अ़खिम केरुकि वाङ्‌मा मान्‍प़दोओ।

रोमि 8:20

देकिनालो झारा मुन्‍माय़ङ सोज्‍जेओ लिसा, मोसोओ आप्‍पि अ़मिन्‍माआ माआङ, मेन निनाम्‍हाङ्‌आङा ओ मोवात्‍नि लिनेनि म़मिना।

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

१ कोरिन्‍थि 5:5

मो म़ना सैतानाओ अ़छुक्‌दा पाक्‍तानुम, ओवात्‍नि मोसोओ अ़पोक लुक्‍ने खोन्‍कि हाङ्‌पाओ अ़चुछ़ङ्‌छेन्‍मा लेन्‌दा मोसोओ अ़लावा लेत्‍ने।

१ थेसलोनिकि 5:2

देकिनालो खानानिन्‌आङा नुलोक त़सिन्‍तुम्‌योम, हाङ्‌पाओ अ़चुलेन ना अ़खाखुत काख़पा तान्‌वा ता।

१ थेसलोनिकि 5:4

मेन ब़ब़, नाना खोन्‍कि निछाचि ओ, खानानिन कुन्‌यामादा त़याइमिन्‌येन, खोन्‌ओसा हाङ्‌पा म़ताओ लेन आम्‍नुओ निम्‍पाङ काख़पा तान्‌वा त़दोम्‍तिन्‍दान्‍मिन।

२ पत्रुस 3:11

ओ झारा य़ङ्‌चि ओवात्‍नि म़ह़त्‍खात्‌ओसा खानानिन दियाको म़ना लिमादोत? आम्‍नुओ ह़ङ्‌म़ङ निनाम्‍हाङ्‌ओ निम्‍पाङ सेङ्‌याङ्‌ओ खोन्‍कि साम्‌योक्‍मि च़माथाङ्‌मादा प़मादोत।

२ पत्रुस 3:12

ओवात्‍निओसा खानानिन्‌आ निनाम्‍हाङ्‌ओ अ़चुलेन च़क्‍नि तानेनि मिन्‍मादोत। मो लेन नाम्‍छ़ऱ मिआ ह़त्‌कि योङ्‌खात, खोन्‍कि नाम, लादिप्‍मा खोन्‍कि साङ्‌केन्‍माचि म़ह़त्‌कि म़योङ्‌खात।

२ पत्रुस 3:7

मेन मो य़ङ्‌आ निनाम्‍हाङ मान्‍ब़क्‍कादा म़नाचिओ छ़ङ्‌छेन्‍मा खोन्‍कि लुक्‍मा लेन्‌तारिओ निकिना आइमित्‌ओ नाम्‍छ़ऱ खोन्‍कि हेन्‍खामा मिओ निम्‍पाङ अ़च़क्‍तायुङ्‌सा।

यहुदा 1:6

खोन्‍कि निनाम्‍हाङ काफाचि अ़चुपाङ्‌ओ छान्‌वा मान्‍च़चि, मेन खान्‍तुचिओ अ़चुयुङ्‌खा काछित्‌चि खोक्‍कोसाआ मो तोक्‍पो छ़ङ्‌छेन्‍माओ लेन्‌तारिओ निम्‍पाङ अ़धुन्‌तारि चोक्‍माय़आ कुन्‍चियाधेक्‍धेक्‌ओहुत्‌दा म़छ़सुयुङ्‌सुचि।

खाङ्‌मुमा 16:15

मोचिआ हाङ्‌चि मोदा म़कोउचि मो हिब्रु य़ङ्‌दा ‘आरमागेद्‍दोन’नि लो। हाङ्‌पा म़य़ङ्‌याङ, “खानुम, अ़ङ्‌का काख़पावा ताङा! मो आसिखा कातोक ओ। साङ चाप्‍चाप्‍चाप्‌वा युङ, खोन्‍कि अ़तित हुम्‍सु। मोवात्‍नि मो म़ना अ़कालाङ्‌द़क कोन्‍मा खोन्‍कि अ़लेजो कात्‍मा अ़दोत्‍निन।”

खाङ्‌मुमा 20:11

खोन्‍कि अ़ङ्‌का अ़क्‌तात अ़धिवाङ हाङ्‌युङ्‌खा खोन्‍कि मो दुङ्‌दा कायुङ खाङ। खोक्‍कोसोओ अ़चुबुदाङ्‌का हेन्‍खामा खोन्‍कि नाम्‍छ़ऱ फुङ्‌साखाराचि, खोन्‍कि मोचि मान्‍लाखाङ्‌मुसाचिचिन।

खाङ्‌मुमा 21:1

खोन्‍किना अ़ङ्‌का अ़ऩङ्‌वा निनाम्‍मा खोन्‍कि अ़ऩङ्‌वा हेन्‍खामा खाङ। बुयाओ निनाम्‍मा खोन्‍कि बुयाओ हेन्‍खामा माखारा। धियाङ्‌वामाछाङ मात्‍द़ङ्‌याङ।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।

खाङ्‌मुमा 6:14

नाम्‍छ़ऱ छाप्‍लाखाओ अ़भोङ रिप्‍तिन्‌वा माखारा, खोन्‍कि झारा नाङ्‌छोरोप्‍खा भ़ऱचि खोन्‍कि खाम्‍दाक्‌चि मोचिओ अ़चुयुङ्‌खाचिदाङ्‌का म़सोत्‍ताखारा।