२ पत्रुस 2:21 - बान्‍तावा राई

²¹ देकिनालो मोचि म़प़चिओ सेङ्‌याङ्‌ओ लोमाय़ङ अ़सिन्‍ताकिछाङ देङ्‌सा लामादाङ्‌का ना मोचिआ साम्‌योक्‍मि लाम देम्‍खाछाङ मान्‍सिन्‌अ़दाओ खाङ्‌दे नुलोक लिसाओ।

२ पत्रुस 2:21 ပူးပေါင်းရင်းမြစ်များ

मत्‍ति 21:32

देकिनालो युहन्‍ना खानानिन्‌एदा साम्‌योक लाम खाङ्‌मेत्‍सि ता, मेन खानानिन्‌आ खोएदा साकोङ्‌छ़ङ मान्‍मुत़दोम। मेन दाम्‍दु कालात्‍चिआ खोन्‍कि काचान्‍चाचि खोएदा साकोङ्‌छ़ङ म़मुवा। खानानिन्‌आ मो त़खाम्‌किछाङ आम्‍नुओ मिन्‍मा मान्‍लात़दोम, खोन्‍किना खोएदा साकोङ्‌छ़ङ मान्‍मुत़दान।”

लुका 12:47

खोन्‍कि अ़हाङ्‌पाओ अ़मिन्‍मा सिन्‍तुकिछाङ मान्‍चुम्‍दान्‍चिन्‌ओ माङ्‌नालो अ़हाङ्‌पाओ अ़मिन्‍मावात्‍नि मान्‍च़कादा अ़हारुक्‌आ च़लोक य़हुप धिरु।

युहन्‍ना 15:22

अ़ङ्‌का मान्‍ताङाओ खोन्‍कि मोचि खामान्‌एत्‍ङाच़ङ्‍ओ दे, मोचि हेवाओ लाहि मान्‍पाक्‍चिओ, मेन हान ना अ़चुओ हेवाओ निम्‍पाङ मोचिएदा दित्‍छाङ अ़ऩङ्‌मुखा मात्‍द़ङ।

युहन्‍ना 9:41

येसुआ मोचि म़लासुलोचि, “खानानिन दोप्‍म़क्‌चि ओनालो हेवाओ लाहिदा मान्‍छुक्‍त़दान्‌ओ, मेन खानानिन ‘आन्‍कान्‍का खा-खान्‍का’नि त़य़ङिन, खोन्‌ओसा आम्‍नुओ हेवा युङ्‌याक।”

रोमि 7:12

खोन्‍नुछाङ, य़ङ्‌हुप सेङ्‌याङ, खोन्‍कि लोमाय़ङ सेङ्‌याङ खोन्‍कि तोङ्‌लो खोन्‍कि अ़नुवाक मुयाङ।

गलाति 6:2

अ़क्‍छा निएदा पाङ खुन्‍मा फामुवानिन, खोन्‍कि ओवात्‍नि ख्रिस्‍तओ अ़चुलोमाय़ङ तासालानुम।

१ थेसलोनिकि 4:2

देकिनालो आन्‍कान्‍का हाङ्‌पा येसुओ अ़चुपाङ्‌लाम्‍पा दि-दि चिन्‍नियुङ्‌नि मो खानानिन त़सिन्‍तुम्‌योम्‍च़म।

१ तिमोथि 6:14

आन्‍हाङ्‌पा येसु ख्रिस्‍त खाङ्‌मान्‍मुयुक्‍नान्‍चिन्‌तारि ओ लोमाय़ङ्‌वा नुलोक चुवा, खोन्‍कि थुपि माङ्‌लो लाहिदाङ्‌का अ़थादा युङ्‌सु।

हिब्रु 10:26

देकिनालो अ़छ़ङ्‌ओ ताया तोक्‍तुम्‌किछाङ आन्‍कान सिन्‌याङ्‌सा हेवा मुन्‌युङ्‌सिन्‌नालो हेवाओ निम्‍पाङ हान्‌दाङ्‌का नि खाक्‍कोछाङ हेन्‍खोक्‌वा मात्‍द़ङ।

याकुब 4:17

खोन्‌ओसा साङ नुलोक च़मा लेकिछाङ अ़च़निन, खो हेवा मु।

२ पत्रुस 3:2

बुया सेङ्‌याङ्‌ओ निनाम्‍हाङ्‌य़ङ खाकालुचिआ खोन्‍कि आम्‍नुओ छाम्‍माय़ङ्‌चिलाम्‍पा खाअ़लुसाओ आन्‍हाङ्‌पा खोन्‍कि कालेन्‍पाओ अ़चुलोमाय़ङ खानानिन्‌आ मित्‍मादोत।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।