२ पत्रुस 2:20 - बान्‍तावा राई

²⁰ मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 2:20 ပူးပေါင်းရင်းမြစ်များ

फिलिप्‍पि 3:19

आदेङ्‌माङ निनाम्‍हाङ्‌आ मोचि म़लुक्‍तुचि, अ़चुबुक मोचिओ अ़चुमाङ ओ, खोन्‍कि मोचि लेजो य़ङ्‌चि म़मुओदा तोक्‍पो म़लि, खोन्‍कि मोचिओ अ़चुमिन्‍मा हेन्‍खामादाओ य़ङ्‌चिदा याक्‌याङ।

२ तिमोथि 2:4

रात्‍खामि काचिदा वाङाओ रात्‍खामि निकाचिदा अ़वाङ्‌निन। देकिनालो खोसाआ खो कापाक अ़अ़धुवाओ अ़ऩङानुमाङा अ़मित्‍चिऩङ मु।

याकुब 1:27

आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि मान्‍पोप्‌ओ साम्‌योक ओङा ओ: अ़चाअ़त्‍मादा म़छुक्‍ताओ हेत्‍छाकुवाचि खोन्‍कि मेन्‍मित्‍माचि खाङ्‌माचि खोन्‍कि हेन्‍खामादाओ अ़अ़त्‍पा य़ङ्‌चिदाङ्‌का मान्‍पोप्‌दामान्‍चिन ओ।

२ पत्रुस 1:11

खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

२ पत्रुस 1:2

निनाम्‍हाङ्‌ओ खोन्‍कि आन्‍हाङ्‌पा येसुओ अ़चुतायादा सोमातुक्‍मा खोन्‍कि सेवाङ्‌नि खानानिन्‌एदा च़लोक पोन्‌याङ्‌सा खात्‍ने।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।

२ पत्रुस 1:8

देकिनालो ओ य़ङ्‌चि खानानिन्‌एदा च़लोक म़युङ्‌याङ्‌नालो आन्‍हाङ्‌पा येसु ख्रिस्‍त सिन्‍मा काचिदा खानानिन कासो त़लिमिन माङ्‌नालो अ़सिवा मान्‍सिकादा त़लिमिन।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!