२ पत्रुस 2:14 - बान्‍तावा राई

¹⁴ मोचिओ अ़चुम़क अ़धुन्‌ङा काचान्‍चा चेत्‍छामाचिएदा अ़पाक खोन्‍कि हेवा मुमादाङ्‌का देम्‍खाछाङ अ़चुसोम अ़स़निन। मोचिआ चाप्‍चिरोङ म़नाचि थालिदा म़धान्‍तुचि। मोचिओ अ़चुसाकोङ्‌वा च़क्‍ख़य़ मुमा म़चिन्‍तुयुङ्‌सुचि। मोचिएदा निनाम्‍हाङ्‌ओ अ़चुमाङ्‌हिम छुक।

२ पत्रुस 2:14 ပူးပေါင်းရင်းမြစ်များ

मत्‍ति 12:34

प़ओ अ़छाचि ओ! खानानिन्‌ङा अ़अ़त्‍पा त़मुन्‌येन, अ़नुवाक य़ङ देत्‍नि चेप्‍मा त़ऱन? देकिनालो साकोङ्‌वादा म़याक्‌ओ य़ङ्‌चि म़नाओ अ़दोदाङ्‌का म़लोन।

मत्‍ति 23:14

[अ़चाअ़त्‍मादा त़छुक्‍तिन साय्‌योक काचिन खोन्‍कि फरिसिचि ओ! खानानिन कोङ्‌क़त्‌वाचि ओ! देकिनालो मेन्‍मित्‍माचिओ अ़चुखिम्‌चि त़ङाप्‍तुम्‍च़म, खोन्‍किना म़नाचिआ साम्‌योक्‍मिनि ऩमित्‍तिन्‍काने निकिना खानानिन ब़द्‍धे मेत्‍लोदा यात़मारिन। खोन्‌ओसा निचिदाङ्‌का च़लोक खानानिन दन्‍दा त़तोक्‍तुम।]

मत्‍ति 25:41

खोन्‍किना खोक्‍कोसाआ अ़चुओ बेङ्‌साङ्‌लिप्‍पाओ म़नाचि म़लोचि, ‘माङ्‌हिम्‍माय़ङ म़नाचि ओ! अ़ङ्‌काएदाङ्‌का माङ्‌सानिन। सैताना खोन्‍कि मोसोओ अ़काफाचिओ निम्‍पाङ चुम्‍सायुङ्‌साओ अ़लुक्‍निन्‌ओ मिदा खारानिन।

मत्‍ति 5:28

मेन अ़ङ्‌का लोनाङ्‌नानिन, साङ्‌आ खाक्‍को मेत्‍छामा अ़त्‍लो अ़मित्‍माआ खा, खोसाआ बुयाङा अ़साकोङ्‌वादा मोएनान ताङ्‌लान मुचिउ।

मर्कुस 13:22

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

युहन्‍ना 5:44

खानानिन अ़क्‍छा निएदाङ्‌का साऩङ्‌वा तोक्‍मा त़लामिन, मेन अ़क्‍छा ओन्‍ङा निनाम्‍हाङ्‌एदाङ्‌काओ साऩङ्‌वा तोक्‍मा त़लामिमिन्‌नालो देत्‍नि अ़ङ्‌का साकोङ्‌छ़ङ मुमा त़ऱनि?

रोमि 16:18

देकिनालो ओवाको म़नाचिआ आन्‍हाङ्‌पा ख्रिस्‍त ऩब़रुन, मेन खोचिओ अ़चुमित्‍मावा आप्‍पि म़ब़त्‍नान्‍चिन। मोचिओ चानुओ दोलेङ्‌वा य़ङ खोन्‍कि चानुओ य़ङ्‌चिआ सोत्‍सोत्‌वाओ म़नाचि म़धान्‍तुचि।

१ कोरिन्‍थि 11:19

आम्‍नुओ रादाओ साङ सोम्‍कुवा मुमा खान्‍तुओ सिन्‍मा निम्‍पाङ खानानिन्‌एदा हामान्‍चिन्‍ङादोत।

एफिसि 2:3

अ़नुछ्‍या झारा आन्‍कान्‌छाङ मोचिओ अ़चुरादा अ़क्‍दु आन्‍पोक्‌ओ हेवामि च़माथाङ्‌मा च़क्‍ख़य़चिदा आन्‍ऩङानुवाङा, खोन्‍कि आप्‍पि आन्‍मित्‍माचि खोन्‍कि मिन्‍माचिवात्‍नि च़न्‌येन। नि म़नाचिवात्‍नि आन्‍कान च़माथाङ्‌माआ हेवामि लिसिन्‌ओसा आन्‍कान निनाम्‍हाङ्‌ओ अ़चुलोमा मान्‍काङ्‌दान्‌येन।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

याकुब 1:8

देकिनालो अ़मिन्‍मादा ह्‍वालिप्‍पा कामिन म़नाओ झारा अ़च़माथाङ्‌मा चाप्‍चिरोङ मु।

२ पत्रुस 2:18

मोचि ऱक्‍भाक्‌एनान तोक्‍पो-तोक्‍पो खामान्‍सिन य़ङ म़मु, खोन्‍कि राक्‍काभाला अ़अ़त्‍पा लाम्‌दाङ्‌का म़लासाताओचि मोचिआ पोक मित्‍माय़ङ थालिदा म़धान्‍तुचि।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

२ पत्रुस 3:16

खोसोओ झारा अ़छाप्‍लावाचिदाछाङ खोसाआ ओ य़ङ्‌चिओ अ़चुतुक्‌वादा छाप्‍तुयुङ्‌सुचि। मोदा खा-खाक्‍को य़ङ्‌चि तुप्‍मा अ़ऱन्‍चिमिन, मान्‍खिप्‍कादा खोन्‍कि चाप्‍चिरोङ म़नाचिआ ओ य़ङ्‌चि नि साम्‍कालिन छाप्‍लाखाचिवात्‍नि खोचिआ देङ्‌सा बुसा म़मुचि, खोन्‍कि अ़चुलुक्‍मा अ़तात।

१ युहन्‍ना 2:16

देकिनालो हेन्‍खामादाओ झारा सामाचि माङ्‌लो पोक मित्‍मा, म़क्‌ओ खाङ्‌मामिन्‍मा, ह़ङ्‌म़ङ्‌ओ ऱक्‍भाक निनाम्‍हाङ पापाएदाङ्‌का म़ताओ माआङ, मेन हेन्‍खामादाङ्‌का म़ताओ।

यहुदा 1:11

मोचि दन्‍दादा म़छुक! देकिनालो मोचिआ कयिन कोलाओ लाम अ़त़ङ्‌तायुङ्‌सा, खोन्‍कि मोचिआ तोक्‍माओ निम्‍पाङ खोचि बालाम फेलाओदा म़धा, खोन्‍कि मोवात्‍नि कोरहआ निनाम्‍हाङ्‌ओ अ़चुदेङ्‌सालाप्‍पादा मुओ ङेन्‌दा म़लुक्‍खात।

खाङ्‌मुमा 12:9

मिखाएल खोन्‍कि अ़काफाचिआ मो अ़धिवा प़ निनाम्‍मादुङ्‌का ह्‍युना अ़वेइसाधान्‍ता। मो बुयाओ अ़धिवा प़ ओ, मो झारा हेन्‍खामा काथेम्‍खान सैतानानिछाङ लो। मो हेन्‍खामादा वेइसाधान्‍ता खोन्‍कि मोसोओ झारा अ़काफाचिछाङ मोएनान अ़क्‍नि म़वेइसुधान्‍तुचि।