२ पत्रुस 2:12 - बान्‍तावा राई

¹² मेन ओ म़नाचिआ ऩतुप्‍तुन्‌ओ य़ङ्‌चि म़सुङ्‌तुचि। ओचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, ओचि लाप्‍माकि सेत्‍मा निम्‍पाङ म़लिसाओवा म़मुयाङ। खोन्‍कि ओचिछाङ सायाम्‍पोक्‌चिवाङा म़लुक्‍खात।

२ पत्रुस 2:12 ပူးပေါင်းရင်းမြစ်များ

मर्कुस 7:22

च़क्‍ख़य़, अ़त्‍लो काचि, म़प्‍मा, चान्‍माचामा, ऩङ्‌च़, सुङ्‌मा, ऱक्‍भाक खोन्‍कि खामान्‍सिन य़ङ्‌चि म़लोन।

युहन्‍ना 8:21

येसुआ मोचि हान्‍छाङ म़लोचि, “अ़ङ्‌का खात्‍ङालोन्‍ङा, खोन्‍कि खानानिन्‌आ अ़ङ्‌का त़लाम्‍ङाऩङ, खोन्‍कि खानानिन आम्‍नुओ हेवादा त़स़न। खादा अ़ङ्‌का खात्‍ङाङा, खानानिन तामा त़ऱन्‍मिन।”

गलाति 6:8

साङ्‌आ अ़हेवामि च़माथाङ्‌मा अ़ऩङानुमाओ निम्‍पाङ लित्‍तु, मोसाआ अ़हेवामि च़माथाङ्‌मादाङ्‌काङा लुक्‍माखात्‍माओ अ़सिवा कोउ। मेन साङ्‌आ सेङ्‌लावाओ निम्‍पाङ लित्‍तु, मोसाआ सेङ्‌लावालाम्‍पाङा अ़लुक्‍निन्‌ओ ह़ङ्‌म़ङ कोउ।

कलस्‍सि 2:22

ओ झारा थाप्‍स़ङ्‌चि थुत्‍मेत्‍लो म़याङ्‌कि म़लुक्‍खात। देकिनालो ओ य़ङ्‌चि म़नाचिआ म़मुचिओ लोमाय़ङ्‌चि खोन्‍कि चिन्‍माय़ङ्‌चि ओन्‍ङा ओ।

२ पत्रुस 1:4

ओलाम्‍पाङा अ़लुङ्‌स़रिओ खोन्‍कि तोक्‍पो अ़चुहिप्‍माय़ङ्‌चि आन्‍कान म़पुवायुङ्‌सा, खोन्‌ओसा ओ हेन्‍खामादाओ पोप्‍माय़ङ अ़अ़त्‍पा मित्‍माचिदाङ्‌का फुङ्‌सानिन खोन्‍किना खानानिन निनाम्‍हाङ्‌ओ अ़चुच़माथाङ्‌मादा वाङानिन।

२ पत्रुस 2:19

मो सोज्‍जे काचिन्‍पाचिआ म़नाचि “फोङ”नि ना म़हिप्‍तुचि, मेन मोचि आप्‍पिङा अ़अ़त्‍पा च़माथाङ्‌माओ अ़हारुक म़मुयाङ। देकिनालो खाक्‍को य़ङ्‌आ म़ना क़म्‍तु, मो म़ना मोसोओङा अ़हारुक लि।

यहुदा 1:10

मेन मोचिआ दि ऩतुप्‍तुन, मो य़ङ्‌चि म़सुङ्‌तुचि। मोचि अ़चुखारु मात्‍द़ङ्‌ओ सायाम्‍पोक्‌चिवात्‍नि म़मुयाङ, खोन्‍कि मोचि दि म़मिन, मोवात्‍निङा मोचि म़च़, खोन्‌ओसा मोचि म़लुक।