२ पत्रुस 1:9 - बान्‍तावा राई

⁹ मेन साङ्‌एदा ओ य़ङ्‌चि मात्‍द़ङ्‌चि, खोसाआ बुयाओ अ़हेवाचिदाङ्‌का सेङाओ य़ङ मान्‍तुकेसुकि दोप्‍म़क माङ्‌लो अ़थाया मान्‍खाङ्‌कादा लि।

२ पत्रुस 1:9 ပူးပေါင်းရင်းမြစ်များ

मर्कुस 10:21

येसुआ खो अ़चोवाकिना सोमाअ़तुक्‍ता, खोन्‍कि खो अ़लोवा, “हान्‍छाङ खाना अ़क्‌तात काचि मुमादोत। खारा, खोन्‍कि खानाएदा म़युङ्‌याङ्‌ओ झारा आम्‍सामाचि इनुचिकि मान्‍तोक्‍कादाचि प़चि, खोन्‍कि खाना निनाम्‍मादु चासुम्‍छेन्‍बि त़तोक्‍तु। खोन्‍किना बानाकि अ़ङ्‌का त़ङ्‌ताङ।”

लुका 18:22

ओ अ़एनाकि येसुआ मो म़ना अ़लोवा, “हान्‍छाङ खाना अ़क्‌तात काचि मुमादोत। खानाएदा म़युङ्‌याङ्‌ओ झारा सामाचि इनुचिकि मान्‍तोक्‍कादाचि हात्‍तुचि, खोन्‍कि खाना निनाम्‍मादु चासुम्‍छेन्‍बि त़तोक्‍तु, खोन्‍किना बानाकि अ़ङ्‌का त़ङ्‌ताङ।”

रोमि 6:11

मोवात्‍नि खानानिन्‌एदाछाङ हेवाओ अ़सावा मात्‍द़ङ, मेन ख्रिस्‍त येसुएदा निनाम्‍हाङ्‌ओ निम्‍पाङ अ़ह़ङ त़लिसिन्‌ओ मित्‍मान्‍चिन्‍दोत।

गलाति 5:13

ब़ब़, नाना खोन्‍कि निछाचि ओ, खानानिन ना य़ङ्‌हुप्‌दाङ्‌का फोङ्‌माओ निम्‍पाङ ऩबुत्‍तिन्‌ओ। मेन ओ फोङ्‌माय़ङ पोक्‌ओ हेवामि च़माथाङ्‌मादा मान्‌याङ्‌दानुम। मेन सोम्‍तुक्‍मादा अ़क्‍छा निएदा खानानिन ब़त्‍काब़त मुवानिन।

गलाति 5:6

ख्रिस्‍त येसुएदा सिप्‍मायाम्‍बुन पाक्‍तुम्‌नुछाङ अ़पाक्‍तिमिन्‌नुछाङ मो अ़च़वाङ य़ङ माआङ। मेन साकोङ्‌छ़ङ सोमातुक्‍मालाम्‍पा खाङ्‌मु।

एफिसि 5:26

खोक्‍कोसाआ साम्‍भुङ अ़च़क़ल़क मुमा निम्‍पाङ चाक्‌वाआ वाअ़स़कि निनाम्‍हाङ्‌य़ङ्‌लाम्‍पा सेङ्‌मा अ़ऱने,

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 3:21

ओसाआ चाक्‌वाओ बप्‍तिस्‍मा खाङ्‌मुसु, खोन्‍कि ओसाआ खानानिन ऩलेइसिन्‌छाङ। ओ पोक्‌दाओ सिप्‍भाङ वालेक्‍तिन्‍खाइसिन्‌वात्‍नि माआङ, मेन ओसोओ अ़तुप्‍माय़ङ अ़च़क़ल़क छेन्‍खातायाएनान निनाम्‍हाङ्‌एदा लामा ओ। येसु ख्रिस्‍तओ अ़चुलामाखोन्‍मालोन्‍मालाम्‍पा ओसाआ खानानिन ऩलेइसिन।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

खाङ्‌मुमा 3:17

‘अ़ङ्‌का कातोक मुङाङा, अ़ङ्‌काएदा चासुम्‍छेन्‍बि युङ्‌याङ, खोन्‍कि अ़ङ्‌का दित्‍छाङ अ़दोत्‍निन’नि खाना त़य़ङ्‌याङ। मेन खाना त़सिन्‍तुन्‌योन, चाअ़त्‍लो दुखा खाना त़तोक्‌याङ्‌ओ, मान्‍तोक्‍कादा, दोप्‍म़क खोन्‍कि कालाङ्‌द़क त़मुयाङ।