२ पत्रुस 1:7 - बान्‍तावा राई

⁷ साम्‌योक्‍मिदा साकोङ्‌छ़ङ कामुचि सोम्‌योक्‍मा, साकोङ्‌छ़ङ कामुचि सोम्‌योक्‍मादा सोम्‍तुक्‍मा तेप्‍तानुम।

२ पत्रुस 1:7 ပူးပေါင်းရင်းမြစ်များ

रोमि 12:10

अ़क्‍छा निएदा ब़ब़, नाना खोन्‍कि निछाचि सोमातुक्‍कातुक मुवानिन। खानानिन्‌दाङ्‌का च़लोक निचि साया मेत्‍तानुम्‍च़म।

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

कलस्‍सि 3:14

ओ झारादाङ्‌का च़लोक सोम्‍तुक्‍मा लोआनुम, मोसाआ खानानिन झारा अ़क्‌तात लिमादा अ़क्‍नि म़छुम।

१ थेसलोनिकि 3:12

खोन्‍कि आन्‍कान्‍का खानानिन सोमातुक्‍निवा हाङ्‌पाआ खानानिन खोन्‍कि झारा म़नाचिएनान अ़क्‍छा निएदा सोम्‍तुक्‍मुमादा च़लोक ऩपोइसिन्‍ने।

१ थेसलोनिकि 5:15

खानुम, साङ्‌छाङ अ़त्‍लोओ अ़फान्‌दा अ़त्‍लो अ़च़निन्‍ने, मेन अ़क्‍छा निएदा खोन्‍कि झारा म़नाचिएनान अ़धुन नुलोक च़मालामानिन।

हिब्रु 13:1

बुवा निछा नाना खोन्‍कि निछामावा अ़क्‍छानिेएदा सोमातुक्‍कातुक मुवायुङ्‌सानिन।

१ पत्रुस 1:22

हान खानानिन अ़छ़ङ य़ङ्‌दा लोमाय़ङ्‌वा त़च़न्‌किना आम्‍नुओ मिन्‍मा त़सेङ्‌सुम्‌ओसा आम्‍नुओ साकोङ्‌छ़ङ कामु यावाचि सोमातुक्‍तानुम्‍च़म। अ़क्‍छा निएदा साकोङ्‌वादाङ्‌का राक्‌एनान सोम्‍तुक्‍मुवानिन।

१ पत्रुस 2:17

झारा म़नाचि साया मेत्‍तानुम्‍च़म। साकोङ्‌छ़ङ कामु ब़ब़, नाना खोन्‍कि निछाचि सोमातुक्‍तानुम्‍च़म। निनाम्‍हाङ कित्‍तानुम। हाङ साया मेत्‍तानुम।

१ पत्रुस 3:8

अ़चिन्‍मादिमादा, खानानिन झारा साकोङ्‌वादा अ़क्‌तात लिसानिन, अ़क्‍छा निएदा फामुवानिन, अ़क्‍छा निएदा सोमातुक्‍कातुक मुवानिन, अ़नुवाक साकोङ्‌वा खोन्‍कि कासिम्‍नान्‍चिन मिन्‍माओ लिसानिन।

१ युहन्‍ना 3:14

आन्‍कान सिन्‍तुम्‌योम, आन्‍कान स़मादाङ्‌का ह़ङ्‌म़ङ्‌दा सोत्‍तिन्‌युङ्‌सिन्‍चिन, देकिनालो आन्‍कान ख्रिस्‍तियान यावाचि सोमातुक्‍तुम्‌योम्‍च़म। साङ खासोमाअ़तुक्‍निन, मो स़मादा याक।

१ युहन्‍ना 3:16

ओदाङ्‌काङा सोम्‍तुक्‍मा दि ओ निकिना आन्‍कान सिन्‍तुम, देकिनालो ख्रिस्‍तआ आन्‍को निकिना अ़चुह़ङ्‌म़ङ म़पुवा। खोन्‌ओसा आन्‍कान्‌छाङ ख्रिस्‍तियान आन्‌यावाचिओ निम्‍पाङ आन्‍ह़ङ्‌म़ङ प़मादोत।

१ युहन्‍ना 4:21

खोन्‍कि आन्‍कान खोक्‍कोएदाङ्‌का ओ लोमाय़ङ तोक्‍तुम्‌युङ्‌सुम, साङ्‌आ निनाम्‍हाङ सोमातुक्‍तु, मोसाआ अ़निछाछाङ सोमातुक्‍मादोत।