२ पत्रुस 1:12 - बान्‍तावा राई

¹² खोन्‌ओसा खानानिन ओ झारा त़सिन्‍तुम्‌योम, खोन्‍किना खानानिन्‌आ त़तोक्‍तुम्‌ओ अ़छ़ङ्‌दा त़युङिन्‌येन्‌नुछाङ अ़ङ्‌का ओ य़ङ्‌चि अ़धुन खानानिन मित्‍मेत्‍नानिन।

२ पत्रुस 1:12 ပူးပေါင်းရင်းမြစ်များ

छाम्‍माय़ङ 16:5

खोन्‌ओसा साम्‍भुङ्‌चिदाओ म़नाचिओ अ़चुसाकोङ्‌छ़ङ पोया, खोन्‍कि अ़लेन्‍खिन्‍तुम अ़चुखिप तेप्‌याङ्‌सा खारा।

फिलिप्‍पि 3:1

अ़सेत्‍मादिमादा, अ़ङ्‍ब़ब़, नाना खोन्‍कि निछाचि ओ, हाङ्‌पाएदा ऩङानुसानिन्‍चिन! खानानिन मो य़ङ्‌चि छाप्‍मायुङ्‌मा अ़ङ्‌का अ़ङ्‌नाप्‍मा अ़लुनिन, खोन्‍कि मो आम्‍नुओ रात्‍मा निम्‍पाङ ओ।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

कलस्‍सि 2:7

खानानिन ऩचिन्‍तिन्‌वात्‍नि खोक्‍कोएदा आम्‍नुओ भेन नुलोक पाक्‍तानुम, खोन्‍कि खोक्‍कोएदा आम्‍नुओ ह़ङ्‌म़ङ पोइसानुम खोन्‍कि सोम्‍कुवादा काछो लिसानिन्‌किना च़लोक आलाङ काप़ लिसानिन।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

२ तिमोथि 1:6

खोन्‌ओसा अ़ङ्‌का खाना मित्‍मेत्‍ना, अ़ङ्‌का खानाएदा अ़ङ्‌छुक युङ्‌सुङ्‌हिदा खाना त़तोक्‍तुओ निनाम्‍हाङ्‌ओ लावामि सावा लेइसुयुङ्‌सु।

हिब्रु 10:32

मो बुयाओ लेन्‌चि मित्‍तानुम्‍च़म। मोन्‍ग़रि अ़छ़ङ्‌य़ङ त़सिन्‍तुम्‌किछाङ खानानिन ब़द्‍धे अ़चाअ़त्‍माचिएनान दुखा आङ्‌मा दोरा, खोन्‍नुछाङ खानानिन नुलोक त़युङिन।

हिब्रु 13:9

अ़खाला-खालाओ मान्‍सिन्‍माय़ङ्‌ओ चिन्‍माय़ङ्‌चिआ खानानिन ऩतित्‍तिन्‍खातिमिन्‍ने। देकिनालो चामायु दुङ्‌मायुओ य़ङ्‌हुप्‌आ माआङ, मेन निनाम्‍हाङ्‌ओ अ़चुसोमातुक्‍माआ साकोङ्‌वा छोलो मुमादा अ़नुवाक मु। चामायु दुङ्‌मायुओ य़ङ्‌हुप्‌आ मो य़ङ्‌हुप कात़ङ्‌चि नुलोक मान्‍मुयुक्‍तुचि।

१ पत्रुस 5:10

झारा सोमाकातुक निनाम्‍हाङ्‌आ ख्रिस्‍तदा अ़धुन अ़चुऩङ्‌चोन्‍माओ निम्‍पाङ खानानिन ऩबुत्‍तिन्‌युङ्‌सिन। खानानिन्‌आ अ़क्‍चित्‌तारि दुखा त़आङ्‌तुम्‍चिउम्‌कि खोक्‍कोसाआ खानानिन अ़ऩङ्‌वा ऩलासिन्‍मुन, ऩतोङ्‌सिन, सावापोरिओ ऩमुन, खोन्‍कि ऩतुङ्‌निन्‌ओ छ़ङ्‌दा खानानिन ऩयुङ्‌सिन।

१ पत्रुस 5:12

सोम्‍कुवा मुमा खान्‍तुओ निछा सिलास्‌ओ अ़फामालाम्‍पा ओ थुत्‍मेत्‍लो छाप्‍लावा अ़ङ्‌का छाप्‍तुङ्‌योङ। खानानिन राक प़नानिन खोन्‍कि खाएत्‍नानिन, निनाम्‍हाङ्‌ओ अ़छ़ङ अ़चुसोमातुक्‍मा ओङा ओ। ओदाङा खानानिन युङायाक्‍तानिन।

२ पत्रुस 1:13

अ़ङ्‌का ओ अ़ङ्‌पोक्‌दा युङ्‌ङाङाओन खानानिन अ़धुन मित्‍मेत्‍मायुङ्‌मा नुलोक लिनि अ़ङ्‌का मिन्‍ङा।

२ पत्रुस 1:15

अ़ङ्‌का स़ङाकिछाङ ओ य़ङ्‌चि अ़धुन मित्‍मा रुवानुम्‍च़म निकिना अ़ङ्‌का चाअ़त्‍लो काचि मुङा।

२ पत्रुस 3:1

सोमातुक्‍नाङ्‌नानिन्‌ओ अ़ङ्‌यावाचि ओ, अ़ङ्‌का आम्‍नुओ निम्‍पाङ ओ ह्‍वातात्‌ओतात छाप्‍लावा छाप्‍तुङ्‌युङ्‌सुङ। ओ ह्‍वातात्‍माङ छाप्‍लावादा अ़ङ्‌का मो य़ङ्‌चि मित्‍मेत्‌याङ्‌सा खानानिन नुलोक मिन्‍मा राक प़नायुङ्‌नानिन।

२ पत्रुस 3:17

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, खानानिन ओ झारा य़ङ बुयाङा सिन्‍तानुम्‍च़म्‌कि चाप्‍चेत्‍तानिन्‍चिन। अ़अ़त्‍पा म़नाचिओ अ़चुफिमादा ऩतित्‍तिन्‍खात्‍तिन्‌कि आम्‍नुओ अ़छ़ङ साकोङ्‌छ़ङ अ़मानिन्‍ने।

१ युहन्‍ना 2:21

खानानिन अ़छ़ङ त़सिन्‍तिमिन्‌येन निकिना अ़ङ्‌का छाप्‍तुङ्‌ओ माआङ, मेन खानानिन्‌आ अ़छ़ङ त़सिन्‍तुम्‌योम निकिना छाप्‍तुङ्‌ओ। देकिनालो अ़छ़ङ्‌दा म़प्‍मा अ़याक्‍निन निकिना खानानिन्‌आ त़सिन्‍तुम्‌योम।

२ युहन्‍ना 1:2

देकिनालो अ़छ़ङ आन्‍कान्‌एदा याक्‌याङ, खोन्‍कि अ़धुन युङ्‌युङ।

यहुदा 1:17

मेन सोमातुक्‍नाङ्‌नानिन्‌ओ यावाचि ओ, खानानिन्‌आ आन्‍हाङ्‌पा येसु ख्रिस्‍तओ अ़चुछाम्‍माय़ङ म़नाचिआ बुया खाअ़लुसाओ य़ङ्‌चि मित्‍तानुम्‍च़म।

यहुदा 1:3

सोमातुक्‍नाङ्‌नानिन्‌ओ यावाचि ओ, आन्‍कान झारासोओ लेन्‍माओ अ़तुक्‌वादा छाप्‍मा अ़न्‍नुनु लामाङ्‌युङ्‌सा। मेन हान मोसोओ अ़फान्‌दा, निनाम्‍हाङ्‌आ अ़चुओ म़नाचि अ़धुन्‌ओ निकिना म़प़चिओ साकोङ्‌छ़ङ रात्‍माओ निम्‍पाङ चात्‍लो काचि मुमाओ राक प़मा छाप्‍लावा छाप्‍मादोत्‌नि मिनाङ।

यहुदा 1:5

खानानिन्‌आ ओ झारा य़ङ्‌चि अ़क्‍दु त़सिन्‍तुम्‍च़म्‌ओङा ओ, खोन्‍नुछाङ ओन्‍ग़रि खानानिन अ़ङ्‌का मित्‍मेत्‍मा स़ङाङा। मिस्र हेन्‍कोप्‌याङ्‌का अ़क्‍दु झारा म़लेइसुचिकि म़बात्‍तुचिओ म़नाचिएदाओ साकोङ्‌छ़ङ मान्‍मुकादाचि निनाम्‍हाङ्‌आ आदेङ म़लुक्‍तुचि।