२ पत्रुस 1:11 - बान्‍तावा राई

¹¹ खोन्‍नालो खानानिन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़धुन्‌ओ अ़चुहाङ्‌होन्‌दा अ़धिवो साऩङ्‌वाएनान वाङ्‌मा त़तोक्‍तुम।

२ पत्रुस 1:11 ပူးပေါင်းရင်းမြစ်များ

मत्‍ति 25:34

खोन्‍किना हाङ्‌आ अ़चुचुप्‍ताङ्‌छुक्‍लिप्‍पाओचि म़लोचि, ‘बानानिन, अ़ङ्‌पापाओ अ़चुआसिखा कातोक्‌चि ओ! हेन्‍खामा मुन्‍माय़ङ ग़रिदाङ्‌काङा आम्‍नुओ निम्‍पाङ चुम्‍सायुङ्‌साओ हाङ्‌होन्‌दा त़वाङिन।

युहन्‍ना 10:10

काख़ ना ख़सि, सेत्‍सि खोन्‍कि लुक्‍सि ओन्‍ङा ता। मेन अ़ङ्‌का ना भेराचिआ ह़ङ्‌म़ङ अ़तोक्‍ने खोन्‍कि मो ह़ङ्‌म़ङ च़लोक अ़तोक्‍ने निकिना ताङ्‌ओ।

रोमि 2:4

माङ्‌लो निनाम्‍हाङ्‌ओ अ़चुसोम्‍तुक्‍माआ खाना खोक्‍कोएदा लामान्‍चिन ऩतित्‌नि त़सिन्‍तुन कि, दि खोक्‍कोसोओ तोक्‍पो अ़चुसोम्‍तुक्‍मा, अ़चुआङ्‌मा खोन्‍कि अ़चुहुङ्‌मा त़सुङ्‌तुङु?

१ कोरिन्‍थि 15:24

खोन्‍किना अ़लुक्‍मा ता, खोन्‍कि खोक्‍कोसाआ झारा हाङ्‌काचिचि, पाङ्‌चि खोन्‍कि सावाचि म़लुक्‍तुचिकिना पापा निनाम्‍हाङ हाङ्‌होन अ़प़।

२ कोरिन्‍थि 5:1

खोन्‍कि आन्‍कान सिन्‍तुम्‌योम, आन्‍को ओ हेन्‍खामादाओ आन्‍पोक लुक्‍खात्‌नुछाङ निनाम्‍मादु निनाम्‍हाङ्‌आ म़पुवाओ आन्‍खिम, माङ्‌लो अ़धुन्‌तारि युङ्‌युङ्‌ओ आन्‍पोक युङ्‌याङ, मो छुक्‌आ मुवाओ माआङ।

एफिसि 3:20

हान खोक्‍कोसोओ निम्‍पाङ आन्‍कान्‌एदा काचि मुमा खोक्‍कोसोओ अ़चुसावाओ काचिवा आन्‍कान दोरुम्‌ओ माङ्‌लो मित्‍तुम्‌ओदाङ्‌का अ़न्‍नुनु च़लोक मुमा अ़ऱ।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

२ तिमोथि 4:18

हाङ्‌पाआ अ़ङ्‌का झारा अ़अ़त्‍पाचिदाङ्‌का ऩलेन्‍ङा, खोन्‍कि खोक्‍कोसोओ निनाम्‍मादुओ अ़चुहाङ्‌होन्‌ओ निम्‍पाङ अ़ङ्‌का ऩलेन्‍ङा। खोक्‍कोसोओ अ़धुन-अ़धुन्‌तारि अ़चुऩङ लोङ्‌युङ्‌ने। मोवात्‍निङा लिने।

२ तिमोथि 4:8

हान्‌दाङ्‌का मोह्‍यात्‍नि अ़ङ्‌को निम्‍पाङ साम्‌योक्‍मिओ सिरिफा युङ्‌सायुङ्‌सा। मो साम्‌योक्‍मिओ छ़ङ्‌काछेन हाङ्‌पाआ मो लेन अ़ङ्‌का ऩप़ङा, खोन्‍कि अ़ङ्‌का ओन्‍ङा माआङ, मेन खोक्‍कोसोओ अ़चुलामातामा सोमाकातुक झारा म़प़चि।

हिब्रु 6:17

निनाम्‍हाङ्‌आ म़हिप्‍तुचिओ पाङ्‌यि कातोक्‌चि खोक्‍कोसाआ अ़मुवाओ हिप्‍माय़ङ ऩफान्‍तुन निकिना अ़छ़ङ मुमाओ निम्‍पाङ किरे म़चा।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

२ पत्रुस 1:5

मोवात्‍निओसाआङा, झाराकापाराओ मुमालाम्‍पा आम्‍नुओ साकोङ्‌छ़ङ्‌दा अ़नुवाक नुमा खोन्‍कि अ़नुवाक नुमादा ताया तेप्‍तानुम।

२ पत्रुस 2:20

मेन मोचि आन्‍हाङ्‌पा खोन्‍कि कालेन्‍पा येसु ख्रिस्‍त अ़सिन्‌किछाङ हेन्‍खामादाओ अ़अ़त्‍पा य़ङ्‌चिदाङ्‌का म़फ़न्‍नान्‍चिन्‌कि हेवादा म़लावाङ खोन्‍कि मोसाआ क़म्‍तुचिनालो मोचि बुयाओदाङ्‌का आदेङ च़लोक अ़त्‍लो म़लि।

२ पत्रुस 3:18

मेन आन्‍हाङ्‌पा खोन्‍कि कालेन्‍पा येसु ख्रिस्‍तओ अ़चुताया खोन्‍कि अ़चुसोम्‍तुक्‍मादा पोन्‌याङ्‌सा खारानिन। ओन्‍ग़रि खोन्‍कि अ़धुन हाङ्‌पाओ अ़चुऩङ्‌लोङ्‌ने। मोवात्‍निङा लिने!

खाङ्‌मुमा 3:21

साङ छो, खो अ़ङ्‌का अ़ङ्‌हाङ्‌मुखादा अ़ङ्‌काएनान युङ्‌मा प़ङ, देत्‍नि अ़ङ्‌का आप्‍पिछाङ छोसाङ खोन्‍कि अ़ङ्‌पापाएनान खोक्‍कोसोओ अ़चुहाङ्‌युङ्‌खादा युङ्‌ङाङा।

खाङ्‌मुमा 5:10

खोन्‍कि मोचि अ़क्‌तात हाङ्‌होन खोन्‍कि आन्‍काओ निनाम्‍हाङ काब़क्‌चि त़मुम्‌युङ्‌सुम्‍च़म, खोन्‍कि मोचि हेन्‍खामादा हाङ्‌म़मु।”