२ पत्रुस 1:10 - बान्‍तावा राई

¹⁰ खोन्‌ओसा, ब़ब़, नाना खोन्‍कि निछाचि ओ, खानानिन बुत्‍माय़ङ खोन्‍कि छेन्‍माय़ङ अ़छ़ङ मुमाओ निम्‍पाङ च़लोक राक मुवानिन, देकिनालो खानानिन मोवात्‍नि त़च़न्‌नालो खानानिन देम्‍खाछाङ त़धाम्‍सिमिन।

२ पत्रुस 1:10 ပူးပေါင်းရင်းမြစ်များ

मत्‍ति 22:14

खोन्‍किना येसुआ म़लोचि, “बुत्‍माय़ङ्‌ओचि ब़द्‍धे म़याक्‌याङ, मेन छेन्‍माय़ङ्‌ओचि चुक्‍लो म़याक्‌याङ।”

रोमि 11:29

देकिनालो निनाम्‍हाङ्‌ओ अ़चुआसिखा खोन्‍कि अ़चुबुत्‍माय़ङ देम्‍खाछाङ अ़फान्‍निन।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

हिब्रु 6:11

आन्‍काओ तोक्‍पो मिन्‍मा ओङा ओ, खानानिन झारासा आदेङ्‌तारि मो आम्‍नुओ राक खाङ्‌मुसानुम खोन्‍कि दि खानानिन्‌आ त़हुङुम्‌योम्‌ओ, मो अ़छ़ङ मुवानुम।

हिब्रु 6:19

ओ सोम्‍कुवा आन्‍लावाओ निम्‍पाङ अ़तुङ्‌निन्‌ओ क़क्‍खावाको मुयाङ। ओ सोम्‍कुवाआ आन्‍कान अ़चुथेम्‍खातित हुत्‌दाओ सेङ्‌याङ्‌ओदा म़तित।

याकुब 2:10

साङ्‌आ झारा य़ङ्‌हुप्‌चि मुचि, मेन अ़क्‌तात य़ङ्‌हुप ओन्‍ङा फिसुनालो झारा य़ङ्‌हुप्‌चि काफि कान।

१ पत्रुस 1:2

निनाम्‍हाङ पापाआ बुयादाङ्‌का खानानिन ऩसिन्‍तिन्‌कि ऩछेन्‍तिन, खोन्‍कि अ़चुलावालाम्‍पा खानानिन सेङानिन। खोन्‌ओसा निनाम्‍हाङ्‌ओ अ़चुलोमाय़ङ्‌वा खानानिन चुवानिन, खोन्‍कि येसु ख्रिस्‍तओ अ़चुह़आ रेप्‍तानिन्‍चिन। खानानिन्‌एदा सोम्‍तुक्‍मा खोन्‍कि सेवाङ्‌नि च़लोक पोन्‌याङ्‌सा खात्‍ने।

१ पत्रुस 1:5

खानानिन्‌आ आम्‍नुओ साकोङ्‌छ़ङ्‌लाम्‍पा अ़चुसावादा लेन्‍मा मान्‍तोक्‍त़युक्‍तुम्‌तारि निनाम्‍हाङ्‌आ खानानिन ऩरात्‍तिन। मो लेन्‍मा आदेङ्‌माङ्‌ओ लेन्‌दा खाङ्‌मेत्‍मा निम्‍पाङ खोक्‍कोसाआ अ़चुम्‍सायुङ्‌सा।

२ पत्रुस 1:3

खोक्‍कोसोओ अ़चुसावालाम्‍पा आन्‍कान ह़ङ्‌म़ङ खोन्‍कि साम्‌योक्‍मिदा दोत्‌ओ झारा सामाचि आन्‍कान म़पुवायुङ्‌सा। खोक्‍कोसोओ आप्‍पिओ अ़चुसाम खोन्‍कि अ़च़वाङ्‌लाम्‍पा आन्‍कान म़बुत्‍तायुङ्‌साओ निनाम्‍हाङ आन्‍कान सिन्‍तुम्‌ओसा ओ झारा सामाचि तोक्‍तुम।

२ पत्रुस 1:5

मोवात्‍निओसाआङा, झाराकापाराओ मुमालाम्‍पा आम्‍नुओ साकोङ्‌छ़ङ्‌दा अ़नुवाक नुमा खोन्‍कि अ़नुवाक नुमादा ताया तेप्‍तानुम।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

२ पत्रुस 3:17

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, खानानिन ओ झारा य़ङ बुयाङा सिन्‍तानुम्‍च़म्‌कि चाप्‍चेत्‍तानिन्‍चिन। अ़अ़त्‍पा म़नाचिओ अ़चुफिमादा ऩतित्‍तिन्‍खात्‍तिन्‌कि आम्‍नुओ अ़छ़ङ साकोङ्‌छ़ङ अ़मानिन्‍ने।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 22:14

अ़चुतित्‌चि वाकाधाप्‌चि आसिखा कातोक्‌चि ओ। मो सहराओ लाप्‍तिखोप्‌चिदाङ्‌का वाङ्‌मा खोन्‍कि ह़ङ्‌म़ङ काप़ स़ङ्‌ताङ्‌दाङ्‌का अ़सिवा चामा पाङ अ़तोक।